Microsoft Word ?liyeva Zibeyd? 869M. doc
Yüklə 0,53 Mb. Pdf görüntüsü
|
34 ə sas elementləri diqqətlə çəkilmiş gözlər, boyanmış, sulu dodaqlardır. Bu tipin nümayəndələri, böyük həcmli, barokko üslubunda olan aksessuarları xoşlayarlar. Onlar düşünərlər ki, seçdikləri bu tip aksessuarlar onları daha da cazibədar edər. Dəb artıq ciddi qaydalar və üsullar diktə etmir, hər kəsə adi şeylərin yeni obrazda təzahürü üçün axtarışlar, cəsarətli eksperiment aparmağı təklif edir. Dizaynerlərin işləyib hazırladıqları dəbli meyillər bu gün insana imkan verir ki, kostyum vasitəsilə öz fərdiliyini ifadə etsin, ona daha çox yaraşanı seçsin, bununla da zahiri ləyaqətini nəzərə çarpdırsın və xarakterinin təkrarsız xüsusiyyətlərini açıb göstərsin. 2.4.Folklor üslubun xüsusiyyətləri Belə geyimlər insanları adətən əcdadlarına, keçmişinə daha yaxın edir. Bunlar əsasən milli geyimlər üzərində tikilən paltarlardır. Müxtəlif milli naxışlarla, ornamentlərlə bəzədilmiş geyimlərdir.(şək.10)Folklor üslublu geyimin yaranma mənbəyi milli geyimlərdir. Onun fərqləndirici xüsusiyyətləri rahatlıq və milli koloriti, sadə biçimi, funksionallığıdır. Folklor üslublu geyim adətən, rahatlığı ilə seçilir, bu geyimdə insan özünü sərbəst, rahat, azad hiss edir. O, müasir şəhər sakininə çox müyəssər olmayan təbiətə yaxınlığı nəzərdə tutur. Bu keyfiyyətlər həmin geyimdən bağda, dəniz istirahətində, qış dağ turunda sərbəst istirahət şəraitində istifadə etməyi nəzərdə tutur. Folklor üslubu etnik üslub kimi də qəbul olunub. Folklor üsluba mənsub olan müasir geyim müxtəlif xalqların və epoxaların milli kostyumların ruhunda hazırlanır və onlardan əsas cəhətləri – sadəliyi və biçim rasionallığını, rahatlığı və forma funksionallığını, çoxqatlığı, yüksək dekorativliyi götürürlər. Etnik üslublu kostyum xalq geyimi üçün səciyyəvi olan aksessuarlardan – parlaq bijuteriyalardan, şərf və yaylıqlardan, kəmərlərdən, müxtəlif baş geyimlərin və ayaqqabılardan, toxunma corabın istifadə olunmasını nəzərdə tutur.
35 Folklor üslublu geyimi gənclər xüsusilə çox sevirlər. Etnik üslub XX əsrin ə vvəlindən xalq milli mədəniyyətinə ümumi marağın artdığı dövrdə və bununla yanaşı xalq sənətini öyrənməyin, qoruyub saxlamağın, onun ən yaxşı nümunələrini muzeylərdə saxlamağın vacibliyinin başa düşüldüyü müasir dəbdə bərqərar olmağa başlamışdır. 60-cı illərin əvvəlində öz geyimlərinə milli kostyumların elementlərini daxil edən hippilərin sayəsində folklor üslubu daha geniş yayılmağa başlayır. O, vaxtdan bu üslub dəbdə öz lider mövqeyini əldən vermir. Müxtəlif vaxtlarda dizaynerlər dünyanın müxtəlif regionlarının folklyor kostyumlarına müraciət etmişlər: bunlar həm rus kostyumu, həm amerika hindlilərinin kostyumu, həm Ucqar Şimal, budda Şərq, Şimali Afrika və s. xalqlarının geyimidir. Müasir kostyumun öz ilkin mənbəyinə yaxınlığı dərəcəsini dizaynerlərin özü seçir. Lakin yadda saxlamaq vacibdir ki, etnik üslubda hazırlanmış müasir geyim heç bir vəchlə xalq kostyumunun surətinə çevrilməməlidir. Yaradıcılıq mənbəyilə assosiativ əlaqə nə qədər incə və zərifdirsə müasir dizaynerin yaratdığı kostyum da bir o qədər təkmilləşmiş və harmonik olar. Bu tipin nümayəndəsi, təvazükar, ənənələrə sadiq, öz ayaqları üzərində dayanmış, ailəyə hörmət edən bir insan tipidir. Qadınlar üçün ailə, uşaq əsasdır. Bu xanımlar, ev rahatlığını sevən, qonaqpərvər, nümunəvi ana və qadın, etibarlı, diqqətli dost və sirdaşdırlar. Belə qadınları qarderobunu dəyişməyə məcbur edirlər, çünki ona heç vaxt, heç nə lazım olmur. Qarderobları, ancaq vacib olan şeylərdən ibarətdir. Folklor üslubun qadınları praktik və səliqəli saç kəsimi saxlayırlar. Saç rəngi təbii olar, makiyaj demək olar ki, istifadə edilməz, onlar üçün sanki, sabun və su hər şeyi həll edir. Şəhər üslubu düz ətək, qırçınlı və ya plise ətəklər qəbul edilər. Bu tipin nümayəndələri alçaq, enli dabanlı ayaqqabı, makasınilər, ziyafət geyimi ilə qara laklı “lodoçka” geyinməyi xoşlayarlar. Folklor üslubda geyinən insanlar dəbsiz görünərlər.Kişilər saçlarını çox qısa kəsdirməz, hərdən bığ saxlayarlar. Kişi geyimində, ənənəvi geyim ingilissayağı kostyum olur. Köynəklər bir rəngli və ya xətli olur, qalstuklarını bir
36 rəngli, tünd noxudlu və yaxud xətli seçərlər. Sərbəst geyimdə isə idman üslubuna üstünlük verərlər. Onlar üçün rahat makasinilər, işlənmiş portfel vacibdir. Rəng qammaları qəhvəyi, göy və yaşıl tonlardan ibarət rəng çalarlarına üstünlük verirlər. 2.5. Müasir kostyumda eklektika Müasir məişət geyimində üslublar öz xalis təzahüründə çox nadir hallarda istifadə olunur – daha çox üslubların qarışığını müşahidə edirik. ncəsənətdə bu hadisə eklektika adlanır.Müxtəlif üslublar bir-biri ilə rahat və təbii şəkildə birləşərək vahid və harmonik kostyum yaradırlar. Beləki, məsələn, klassik üslublu kostyum üzvü olaraq romantik və idman üslubları ilə əlaqələndirilir. Samballı kostyumla geyilmiş romantik bluz nəinki zahiri görünüşü pozmur, əksinə qadının simasına, görkəminə böyük yüngüllük və məlahət verir. Klassik pencəyin cinslə, sviterlə, yaxud mayka birləşməsi bu gün heç kəsi təəccübləndirmir. Belə komplekt işğüzar şə rait üçün (əgər bu, rəsmi xarakter daşımırsa) tamamilə uyğundur. dman üslubu ilə folklor üslubunu, folklor üslubunun romantik üslubla birləşməsi də uğurlu nisbət yaradır. Üslubların bacarıqla və yerində ə laqələndirilməsi, bir tərəfdən, qarderob çərçivəsində kostyumların çoxvariantlığına nail olmağa, digər tərəfdən, müasir geyimin obrazlı səslənməsini gücləndirməyə imkan verir. Belə halda, kostyumun bütövlüyünün və ahəngdarlığının saxlanmasının başlıca şərti – zövqə və ölçü hissinə riayət olunmasıdır.Son vaxtlar geyimdə eklektiklik dəbli meylə çevrilmişdir. Bir kostyumda ənənəvi olaraq birləşdirilməsi mümkün olmayanı birləşdirmək müasir dizaynerlərin üsuluna çevrilmişdir, onlar bunda yenilik axtarışının qeyri-məhdud imkanlarını görürlər.
Bu gün Paris və dünya podiumlarında eyni zamanda ən nazik ipək və kobud pambıq kətan, təbii bahalı dəri və “sürtülmüş” cinslər, əcaib rəsimli parça və ciddi ingilis tvidi geymiş modelləri görmək mümkündür. Dəb artıq ciddi qaydalar və üsullar diktə etmir, hər kəsə adi şeylərin yeni obrazda təzahürü üçün axtarışlar, cəsarətli eksperiment aparmağı təklif edir. Yüklə 0,53 Mb. Dostları ilə paylaş:
|