İNSAN ALVERİNƏ QARŞI MÜBARİZƏ- DƏRS VƏSAİTİ
39
R Roci və Ismailaj-a qarşı [2006] 2 Cr.App.R. (S.) 15. (UK)
Cinsi istismar məqsədilə insanların Birləşmiş Krallığa gətirildiyi işdə, şikayətçilər qazanc məqsədilə
cinsi xidmətlər göstərmək istəyən yaşlı qadınların Litvadan immirasiyasını təşkil etmişdilər. Qadınlar
ölkəyə öz istəkləri ilə gəlsələr də, onlar sonradan xoşa gəlməyən şəraitdə və öz arzularına zidd olan
tərzlərdə işləməyə və qazanclarının çoxunu ödəməyə məcbur edilmişlər.
Hakim qəbul etmişdir ki, qadınlar Birləşmiş Krallığa fahişəlik etmək məqsədilə gəlmişlər və heç bir
yolla ələ alınmamışdır. Onlar işləməli olduqları şərait səbəbindən məcbur edilmişlər. Burada yüksək
səviyyədə planlaşdırma və təşkilatçılıq olmuşdur və qadınlara qarşı hədələri və onların azadlıqlarının
məhdudlaşdırılmasını və onların pasportlarının əllərindən alındığını göstərən bəzi dəlillər olmuşdur.
Bütün bu məsələlərə aidiyyəti olan şikayətçinin məhkum olunduğu cəza on bir il həbs cəzasından
doqquz il həbs cəzasına kimi azaldılmışdır.
https://www.legislationline.org/documents/action/popup/id/7040.
BMT-nin İnsan Alverinə dair Protokolunun 3(c) maddəsində deyilir:
“Uşağın istismar edilməsi məqsədilə cəlb edilməsi, daşınması, təhvil verilməsi, gizlədilməsi və
ya alınması, hətta bu maddənin (a) yarımbəndində göstərilən hər hansı bir təsir vasitələrindən
istifadə edilmədiyi halda belə, ″insan alveri″ hesab edilir;
18 yaşadək uşaqlar istismara razılıq verə bilməzlər və istismar məqsədilə cəlb edilmiş, daşınmış və ya
təhvil verilmiş uşaq, məcbur edilib-edilməməsindən yaxud aldanılıb-aldanılmamasından asılı
olmayaraq, insan alverinin potensial qurbanı hesab edilir. Bu, o səbəbdəndir ki, uşaqların məlumatlı
şəkildə razılıq verməsi mümkün hesab edilmir və buna görə də razılıq nəzərə alınmır.
2.3 İstismar
İnsan alverinin məqsədi qurbanın istismar edilməsidir və o, insan alveri əməlinin əsas ünsürüdür.
İnsan alveri əməli istismar baş verənədək yaranır, bu, insan alverçisinin niyyətidir, insan alveri
cinayətinin üçüncü ünsürünü tamamlayan faktiki istismar deyildir, məsələn, insan alveriçisi istismar
etmək niyyətindədir.
BMT-nin İnsan Alverinə dair Protokolunda istismarın anlayışı verilmir və bu anlayışı vermək hər bir
dövlətin öz üzərinə düşür.
Palermo Protokolunun 3(a) bəndində deyilir:
“İstismara, ən azı digərlərinin fahişəliyinin istismarı yaxud digər formalarda cinsi istismar,
məcburi əmək və ya xidmətlər, köləlik, köləliyə oxşar hallar və orqanların çıxarılması aid edilir”
Aİ-nin 2011/36/EU nömrəli Direktivinin 2-ci maddəsində nəyin insan alveri hesab edilməli olmasına
dair geniş anlayış verilmiş və istismarın əlavə formaları da əhatə olunmuşdur. Bunlar məcburi əməyin
bir forması kimi başa düşülməli olan “məcburi dilənçilik” və cinayət, eyni zamanda, cibgirlik,
mağazadan oğurluq, narkotiklərin qanunsuz dövriyyəsi və cəzalanmalı olan və gəlir əldə etmək
niyyəti daşıyan digər oxşar əməlləri törətmək üçün şəxsin istismarı kimi başa düşülməli olan
“cinayətkar hərəkətlərin istismarı” olmuşdur.
İNSAN ALVERİNƏ QARŞI MÜBARİZƏ - DƏRS VƏSAİTİ
40
UNODC-nin “İstismar” konsepsiyasına dair Araşdırma Sənədində
78
vurğulandığı kimi “istismar yaxşı
və ya vahid şəkildə anlaşılmır” və “istismarın bəzi formaları xüsusilə praktiki və dəlillərlə bağlı
məsələləri qaldırır”. Bu, istismarın anlayışının verilməsində və onun milli qanunvericiliyə daxil
edilməsində problemlər yarada bilər. Bu, həm də istismar vəziyyətlərində olan qurbanları başa
düşməyi və ya müəyyənləşdirməyi və istismarın müxtəlif formalarını qəbul etməyi çətinləşdirə bilər.
2.3.1 İstismarın formaları
İstismar insan alveri hallarında gəlir mənbəyi və buna görə də öz cinayətlərini törətməkdə insan
alverçiləri üçün əsas hərəkətverici qüvvədir. İstimar müxtəlif formalarda ola bilər, lakin prinsip budur
ki, insan alverçiləri qurbanların nə qədər çox məhsuldar səy göstərməsinə nail olarsa, insan alveri
əməlini törətmək üçün maliyyə stimulu da bir o qədər böyük olacaqdır.
79
BMT-nin İnsan Alverinə dair Protokolunda və ya beynəlxalq hüquqi sənədlərdə istismarın anlayışının
olmaması o deməkdir ki, istismarın formalarının müəyyənləşdirilməsi hər bir dövlətin öz öhdəliyinə
buraxılmışdır. Dövlətlərə ya yeni anlayışlar qəbul etməklə, ya da təyin edilməmiş anlayışları müvafiq
ölkədə və ya mədəni kontekstdə uyğun gələn müəyyən davranışı əhatə edəcək şəkildə təfsir etməklə
bu siyahını genişləndirməyə icazə verilir.
80
İnsan alveri yalnız cinsi istismar məqsədilə insan alverini əhatə etmir, eyni zamanda, bura istismarın
bir sıra digər formaları da aiddir. İnsan alverini əmələ gətirən istismarın müxtəlif və yeni meydana
çıxan formalarına dair biliklər tədricən artmaqdadır. Son araşdırmalar onu göstərir ki, əməyin
istismarı, işləmək üçün xarici ölkələrə üz tutan səriştəsiz insanlarla böyük bir problemə çevrilir.
81
İstismarın yeni meydana çıxan və dəyişən formalarından əlavə, istismara görə məsuliyyət daşıyan
insan alverçiləri davamlı şəkildə bu əməli törətmə üsullarını da dəyişir və inkişaf etdirirlər. Buna görə
də, insan alverçilərinin insan alveri əməlini necə törətmələrini başa düşmə istismarın müxtəlif
formalarını başa düşmə kimi vacib ola bilər.
Məcburi əmək (köləliyə bənzər hallar)
Dünyada məcburi əməyin istismarı halları getdikcə daha çox müəyyən edilir, təqiblərin sayı isə
məhduddur. Buna tədricən tək dövlətlərin üzərinə öhdəliklər qoyan insan hüquqlarının pozulması
kimi deyil, eyni zamanda, həm milli, həm də beynəlxalq səviyyədə cinayət qanunvericiliyinin bir
norması kimi baxılır. Ayrı-ayrı fərdlər məcburi əməyə görə cinayət məsuliyyətinə cəlb edilir və
dövlətlər belə cinayətləri təqib etmək kimi öhdəliklər daşıya bilərlər.
82
Əsas problemlərdən biri odur ki, müxtəlif hallar cinayət ədliyyə məsələsi kimi qəbul edilmir və ya
müəyyən olunmur və onlara inzibati məhkəmələrdə əmək qanunvericiliyinin pozuntusu kimi baxılır.
Təhlükəsizlik qaydalarını pozma, müəyyən edilmiş iş vaxtını aşma və məvaciblərin saxlanması kimi
əməyin istismarının ən yungül formaları işəgötürənlər tərəfindən əmək qanunvericiliyinin
pozulmasıdır. Bu pozuntulara görə işəgötürən əmək və inzibati qanunvericiliyə görə məsuliyyət
daşıyır. Bu pozuntulardan əlavə, işəgötürən özü və ya başqa insanlar vasitəsilə işçiləri istismara cəlb
etmək və belə vəziyyətlərdə saxlamaq üçün qanunsuz vasitələrdən istifadə etdikdə, bu hal məcburi
78
UNODC 2015
İnsan Alverinə dair Protokolda “istismar” konsepsiyası barədə Araşdırma Sənədi.
79
UNODC 2014
İnsan Alverinə dair Qlobal Hesabat p33.
80
UNODC 2015
İnsan Alverinə dair Protokolda “istismar” konsepsiyası barədə Araşdırma Sənədi.səh.7
81
ATƏT 2013
Resurs polis təlim bələdçisi: İnsan alveri səh.58.
82
BƏT 2009
Məcburi əmək və insan alveri: məhkəmə qərarlarının qeydiyyat kitabı, səh.7.