130
Hal-hazırda dünyada Qərb və Şərq adlanan fəlsəfi düşüncə
məkanları anlayışı mövcuddur. Bununla bərabər, hər iki coğrafi
mədəniyyət arealı arasında olan birləşdirici, qovuşdurucu,
bəzən də toqquşdurucu, ziddiyyətlərin qarşılaşdığı və
mübarizəsi ilə müşahidə edilən aralıq coğrafi mədəniyyət
sahələri də mövcuddur. Buraya əsasən Rusiya, Cənubi Qafqaz
ölkələri və Türkiyə kimi dövlətləri aid etmək olar. Belə hesab
edilir ki, Şərq mədəniyyət arealı başlıca olaraq ənənələrin
(məsələn, Ərəb cəmiyyətləri, İran, Pakistan və s.) qorunub
saxlanılması üzərində dayanır, Qərb cəmiyyətləri isə daima
islahatlara meyilliliyi ilə seçilir. Fəlsəfi baxışlarda həm Şərqlə
Qərbin qovuşmasını, həm də kontrastların mövcud olduğunu
ə
sas gətirərək, hər bir arealın özünəməxsus istiqamətlərinin
olduğunu baza prinsip olaraq qəbul edənlər və kəskin fərqlər
baxımından qovuşmanı qəbul etməyənlər var. Şərqin ruhunun
Qərb düşüncələri ilə birləşdirilməsi də bir çox düşüncələrdə
özünə yer tapmaqdadır. Məsələn, fəlsəfəşünas S.Xəlilov hesab
edir ki, Qərbin intellekti onu həyatın təməl prinsiplərindən,
fəlsəfi bazisdən ayrı salmışdır. Çox uzağa getdiyindən geri
qayıtmaq mümkün deyil. Qərb mədəni-mənəvi süquta
uğrayıbdır. Qərbin həyat tərzi ümumbəşəri fəlsəfi düşüncə
ə
nənəsindən uzaqlaşmışdır. Fəlsəfəni daha çox praqmatik
düşüncələr əvəz edibdir.
1
Azərbaycanda rasional-estetik cəmiyyət.Azərbaycançılıq
məfhumu, məfkurəsi dedikdə, coğrafi amil (Şərq-Qərb), milli
(öz müasir dövlətinə xas olan, formalaşmış xalq), etniklik
(burada azəri türkləri ilə yanaşı digər etnik xalqlar), ənənəvilik
(şərqin ənənələri ilə çulğaşaraq yaşamaq qaydaları), müasirlik
(reformizmin
zamanla
ayaqlaşması
prinsipləri)
və
postmodernizm, milli adət-ənənlər, müasir yaşam tərzini qəbul
etmə, islam dininə etiqad, “odlar yurdu” statusu və imicinin
1
Xəlilov S.S. Şərq və Qərb: ümumbəşəri ideala doğru. Fəlsəfi etüdlər. Bakı,
“Azərbaycan Universiteti” nəşriyyatı, 2004, 624 səh., səh.6.
131
olması və s. kriteriyaları, xüsusiyyətləri özündə cəmləşdirən
anlayış başa düşülür.
Azərbaycanlılar həm şimal və cənub, həm də şərq və qərb
mədəni, iqtisadi və siyasi elementlərini qəbul edərək, öz milli
və coğrafi mədəni elementlərini formalaşdırırlar. Burada
regionçuluq (Qafqazçılıq) amili də mühüm rol oynayır.
Azərbaycanda,
xüsusilə
müasirliyi
yaşamış
və
onun
nemətlərindən bəhrələnmiş və postmodernizmi qəbul edən
xalqın yaşadığı məmləkətdə zəka olaraq, təfəkkür tərzi olaraq
birtərəfli (bircəhətli)
istiqamət mümkün deyil.
İ
ndiki
Azərbaycan özünün dövlət quruculuğu və fəaliyyəti sistemində
müasir demokratik prinsipləri əsas götürür, dünyəvi hüquq
sistemi tətbiq edilir. Digər tərəfdən də ənənəyə sadiq qalaraq
adət və ənənələr yaşanır. Bu baxımdan Azərbaycanda
dünyəvilik (rasionallıq, pozitivlik, təkmil cəmiyyət, təbiət
elmlərinin ideyalarının bir çox məsələlərdə üstünlük təşkil
etdiyi elmi cəmiyyət) və ənənəvilik (adət-ənənələrə uyğun
yaşayış tərzi qaydaları, ənənənələrin nəsillərdən- nəsillərə
ötürülməsi, adətlərin vahid xətt üzrə yaşamasını təmin etmə)
qovuşmuş şəkildə mövcud olur. Milli Azərbaycan fəlsəfi
düşüncəsi obyekt olaraq məhz ənənəvilik və müasirliyin birgə
şə
kildə, vəhdətdə daimi qorunub saxlanması üzərində cəmləşir
və bu sintezdən məhz Azərbaycançılıq yaranır və yaşanır.
Qeyd edildiyi kimi, hal-hazırda Qərbə inteqrasiya
istiqamətində hüquqi cəmiyyət quruculuğu prioritet məsələ
olaraq qarşıya qoyulub. Burada qaydaları özündə əks etdirən
dövlət və cəmiyyətin birgə mövcudluğu prinsipi mühüm
ə
həmiyyət kəsb edir. İndiki cəmiyyət quruculuğunda ictimai
təfəkkürün və elmi təfəkkürün qarşısında duran əsas obyektiv
problem
cəmiyyətin
təkmilləşdirilməsi
və
daha
çox
sistemləşdirilməsidir. Əgər dövlət dünyəvi xarakter kəsb
edirsə, deməli, onun məxsus olduğu cəmiyyət də hüquq
normalarına tabe olmalı, cəmiyyət öz-özünü hüquq normaları
vasitəsilə tənzimləməlidir. Lakin onu da nəzərə almaq lazımdır
132
ki, adət-ənənələr təbii olaraq hüquq normaları ilə yox,
özünəməxsus qaydalarla tənzimlənir. Ancaq cəmiyyətdə
yaşamaq, sosial rifaha nail olmaq, xoşbəxtlik,rəftar qaydaları,
nəzakət formaları tək adət-ənənələrə söykənmir. Onun tərkib
elementləri isə daha genişdir. Məsələn, adi küçədə
münasibətlər (küçəni keçmək qaydaları, məsələn sürücülərlə
piyadalar arasında olan təhlükəsizlik münasibətləri və s.),
məişət davranışı, normalarla yaşamaq (israfçılığa yol
verməmək, ekonomiksin tələbləri ilə yaşamaq, təmiz küçə və
həyət və s. prinsipləri) heç də milli adət-ənənlərlə (məsələn,
milli bayramlara) tənzimlənmir. Bu baxımdan hesab etmək olar
ki, cəmiyyətin yaşayış qaydalarında iki baza əməl prinsipi var:
hüquq normalarına, mövcud qaydalara bu və ya digər faktlar
üzrə əməl etmə və ya əməl etməmə.
Xaos (siyasətdə anarxiya) və nizam (siyasətdə qayda-
qanunlara tabe olmaq) prinsipi əhəmiyyət kəsb edir. Belə
hesab etmək olar ki, sistemli həyat tərzi daha çox insanların
ə
hatə olunduqları cəmiyyətin sistemləşməsinə gətirib çıxarır.
Sistemli həyat tərzi dedikdə, eləcə də həyat rejimləri də daxil
olmaqla, ona aid olan bütün münasibətlərin normalar əsasında
qurulması kimi başa düşülə bilər. Ümumiyyətlə, sistemli
həyatın faydası baxımından hesab etmək olar ki, bu istiqamət
daha çox nailiyyətlərin qazanılmasına səbəb ola bilər və s.
Cəmiyyətin sistemləşməsi proseslərinin tərkib elementləri
çoxçalarlıdır, müxtəlifdir. Burada elm, mifologiya və rasional
təfəkkürün mövcud olduğu bədii ədəbiyyat, fəlsəfə xüsusi rol
oynayır. İncəsənət, musiqi, rituallar isə vasitələr kimi çıxış edir.
Cəmiyyətin
təkmilləşməsi
proseslərinin
komponentləri
içərisində elmlə yanaşı, elmin və fəlsəfnin vəhdət təşkil etdiyi
və təsir göstərməsi ilə təkmilləşən mədəniyyət də mühüm rol
oynayır və mədəniyyət insan təfəkkürünün rasionallaşmasına
böyük müsbət təsir göstərir.
Reallıq ondan ibarətdir ki, Azərbaycan hal-hazırda Qərbə
inteqrasiya istiqamətini əsas götürüb və öz milli mədəni
Dostları ilə paylaş: |