Şüca Cavanpərəst
412
“Məgər (müşriklər) kəlam (Allah kəlamı - Quran) haqqında düşünüb daşınmır-
larmı? Yaxud onlara ulu babalarına (keçmiş ümmətlərinə) gəlməyən bir şey gəldi?
(Onlar Quranın, Peyğəmbərin haqq olduğunu niyə anlamırlar? Məgər ulu babalarına
İbrahim, İsmail, Musa kimi peyğəmbərlər gəlmədimi? Yaxud onlara Tövrat, Sühüf
kimi kitablar nazil olmadımı?)” (Muminun: 68).
Başqa bir ayədə deyilir:
“Onlar Quran barəsində düşünməzlərmi? Yoxsa ürəklərinə kilid vurulmuşdur?
(Yoxsa ürəklərinin öz kilidləri vardır?)” (Muhəmməd:24).
B. Tədəbbür halında ayələrin dərinlikləri və nəticələri, hadisələr və
başqa məsələlər araşdırılır. Ancaq təfsirdə bunlar izlənilmir.
C. Tədəbbür halında şəxs ayələrin ona müraciət etdiyini duyur, özünün
müxtəlif fikri və ruhi dərdlərinə çarə axtarır; ancaq təfsirçi ayələrin şərhi və
təbliği ilə məşğuldur, adi insanlar kimi özünə çarə axtamır. Hər bir tədəbbü-
rün təbliğat tərəfi də vardır, ancaq hər bir təfsir tədəbbür prosesinə qatılmır.
D. Tədəbbür psixoloji və fikri bir prosesdir, insan ayələri dinləməklə və
onların üzərində praktiki düşüncəyə dalmaqla öz durumuna uyğun nəticə
çıxarır, bunu əməli cəhətdən öz üzərində tətbiq edir, burada Quran ayələrinin
qiraəti həmin proses, yəni tədəbbür üçün zəmin hazırlayır, düşüncəyə
dalmaq isə onun əməli nəticəsi kimi çıxış edir. Bu prosesi belə göstərmək
olar:
Qiraət fəhm (düşüncə) əməl
Ancaq təfsirdə belə xüsusiyyət yoxdur.
E. Tədəbbürdə hər kəs – mömin, kafir və müşrik də iştirak edir, halbuki
təfsir müsəlmana, özü də müctəhidə aid bir işdir.
Ə. Çox halda tədəbbür zamanı hədislərə müraciət etməyə lüzum qalmır,
istər mömin və istərsə də kafir ayələr üzərində düşünərək həqiqətə yetişmək
istəyir. Ancaq təfsirdə hədislərə müraciət təbii haldır və bəzən bunlarsız düz-
gün məna çıxarmaq olmur (10.s.373).
Tədəbbür bir proses olaraq Quranın oxunuşundan başlayır, ayənin dərin
fəhmi ilə davam edir və əməl ilə bitir. İmam Sadiq (ə) təlavətlə bağlı Bəqərə
surəsi, 121-ci ayənin təfsirində onun tədəbbür baxımından əhəmiyyətini
açıqlayır. Ayədə deyilir:
“Verdiyimiz kitabı layiqincə (təhrif etmədən) oxuyanlar həmin kitaba iman
gətirənlərdir, onu inkar edənlər (dəyişdirənlər) isə (dünyada və axirətdə) özlərinə
zərər yetirənlərdir” (Bəqərə: 121).
Quranın düşüncə sistemində “tədəbbür” məfhumu
413
Bu fikri izah edən Reyşəhri yazır: “Haqq olaraq oxumaq” məhz Quran
ayələri üzərində düşünmək – tədəbbür mənasına işarə edir və bu proses belə-
dir: ayələrin mənasını anlamaq, hökmlərə əməl etmək, ilahi və’dəyə ümid,
əzabdan çəkinmək, hadisələrdən ibrət almaq və haramdan çəkinmək. Burada
məqsəd Quranın həqiqi oxunması və ayələr üzərində tədəbbür prosesidir: bu
proses qiraətdən başlayır, düşüncə və fəhmlə davam edir və əməl ilə bitir
(11.c.8.s.84).
Tədəbbürün Quran qiraəti ilə əlaqəsi.
Bir neçə Quran ayəsində (Nisa:82, Sad:29, Məhəmməd:23 və s) məhz
Quran üzərində tədəbbürdən – düşüncəyə dalmaqdan söz açılır. Bütün bu tip
ayələrin təhlili göstərir ki, tədəbbür canlı bir prosesdir, ancaq kitabda belə
bir hərarət və hərəkət yoxdur. Ruhun, nurun bəlağət və bəyanın vəsfi
bütövlükdə oxunan Qurana aiddir. Quranın qiraəti qulaq və qəlblə
əlaqədardır və sadəcə kağız üzərində yazıdan ibarət kitabın belə bir təsiri
yoxdur. Quran üzərində tədəbbür gerçəkləşdikdə onun qiraətinin bərəkət və
təsirinə şamil edilir. Aşağıdakı ayə bu məsələni təsdiq edir:
“Quran oxunan zaman onu dinləyin və susun ki, (onun sayəsində) sizə rəhm
olunsun!” (Əraf: 204).
Quran oxunub dinlənilərkən “tədəbbür” gerçəkləşir, yəni onun təsiri ilə
insan rəhm olunur. Biz bilməli və inanmalıyıq ki, bu hökmdə olan hər bir
dəyişiklik və həmin prinsipin azacıq pozulması ümumi nəticəyə xələl gətirər.
Quran və başqa səmavi kitablar arasındakı bu fərqə diqqət yetirmək
lazımdır. Müqəddəs Bibliya (Tövrat) yunan və latınca məktub kökündən
olub Musaya nazil olan ilahi ənənə və qanundur. İncil (Yevangeliya) isə xoş
xəbər və müjdə mənası bildirir. Avesta bilik kitabı və tanımaq mənası
bildirir. Hindlilərin “Upanişad” kitabı “upa” (yaxın), ni (aşağı) və sad
(oturmaq) birləşməsindən düzələrək “aşağıda oturmaq” mənası bildirir. Belə
ki, şagirdlər öz ustadlarının dövrəsində əyləşərək ondan həqiqəti öyrənir və
cəhalətdən uzaqlaşırdılar. Quran isə “qiraət” kökündəndir Bu sözün sonralar
pərəstiş və ibadət mənaları da əlavə olunmuşdur. Göründüyü kimi,
müqəddəs sayılan bu kitabların heç birində oxumaq anlamına rast gəlmirik
(12.c.1.s.99; 13.c.2.s.932). Quranın oxunmaq və dinlənilmək üçün nazil
olması onun ayələri üzərində qəlb vasitəsilə tədəbbürlə bağlıdır. Onu da
əlavə edək ki, Quran əvvəlki səmavi kitabları hidayətedici və hər şeyi əhatə
edən nur və zikr deyə tərifləmişdir (Maidə:44,46; Ənbiya:48). Ancaq həmin
Şüca Cavanpərəst
414
kitablarda Qurana xas olan dil-üslub ecazı yoxdur. Eyni zamanlarda onların
orjinal dili artıq unudulmuş və buradakı mətnin əsl dil ilə əlaqəsi kəsilmişdir.
Dinləməyin tədəbbürdə təyinedici rolu.
Quranın lüğəvi mənasında olan “oxumaq” məfhumu onun dinlənilməsi
və düşünülməsi ilə bağlıdır. Quranın oxunulması mühüm olduğu kimi, onun
dinlənilməsi də mühümdür. Çox zamanlar Quranı oxuyanlar öz qiraətini din-
ləmirlər, halbuki “qiraət zamanı qulağı möhürləmək” olmaz (14..c.92.s.207).
Hədislərdə dinləməyin rolu xüsusi qeyd olunur, yəni dinləmədən qiraət
məqbul sayılmır. Allahın Rəsulu (s) da bu barədə xəbərdarlıq etmişdir “
14.c.92.s.207).
Metodoloji baxımdan Quranın qəlbə nüfuzunun onun üzərində düşün-
mək üçün böyük əhəmiyyəti vardır. Quranın qiraəti həmin məqsədlə qulağa
yetişməlidir. Allahın ayələri üzərində düşünmək baxımından qəlblərə vuru-
lan qıfılların açılması nə qədər önəmlidirsə, ayələrin dinlənilməsi üçün qu-
laqlarda olan qıfılların silinməsi də o qədər əhəmiyyətlidir.
Tədəbbür mətnin qiraəti prosesində formalaşır və qiraət özü dinləmədən
gerçəkləşmiş sayılmır, dinləmənin tədəbbürlə əlaqəsi bu nöqtədən başlayır.
İbn Abbasın rəvayətində dinləmək, dinlənilmək və onun qəlblə birbaşa əla-
qəsi tamamilə açıq şəkildə verilir. O, sürətlə Quran oxuyan şəxsə belə tövsi-
yə verir: “Öz qiraətini öz qulağına çatdırmayan şəxs əslində qiraət etməmiş
olur” (15.c.1.s.339).
Allahın Rəsulu (s) öz qiraət üsulu haqqında belə söyləmişdir: “Mən Qu-
ranın batinini qiraət edirəm, siz isə zahirini oxuyursunuz. Ondan soruşurlar
ki, “batin” nədir? Cavab verir ki, mənim qiraətim tədəbbür və əməl üçün
münasib zəmin yaradır (16.s.622).
Göründüyü kimi, bu rəvayət qiraət və tədəbbür arasında olan birbaşa
əlaqəni göstərir. Onun cümləsindən bəlli olur ki, “mənim qiraətim tədəbbür
üçün zəmin hazırlayır və məni bu yöndə bəhrələndirir. Ancaq siz elə qiraət
edirsiniz ki, bu sizə belə imkan vermir. Sonra mübarək əli ilə işarə edir ki,
oxuyub gedirsiniz”.
Başqa bir rəvayətdə Peyğəmbərdən (s) belə nəql edilir: “Quranı gecə-
gündüz haqq olaraq oxuyun, onu dilinizlə izhar və zümzümə edin, onun
üzərində düşünün ki, səadətə yetişəsiniz” (16.s.611).
Buradan görünür ki, Quranın davamlı oxunuşu və dildə zümzüməsi
tədəbbür üçün zəmin hazırlayır. Əllamə Təbatəbai “haqq olaraq təlavət
Dostları ilə paylaş: |