49
(həm mineral, həm də üzvi) çatışmazlığı 20°S-dən aşağı temperaturda bərkiməsi və
150-200°S-dən yuxarı temperaturlara kimi qızdırıldıqda buxarlanması və
oksidəşməsidir. Spirtin, efirin və silisiumun üzvi birləşmələri əsasında alınan sintetik
sürtkü materialları yüksək istismar xassələrinə (o cümlədən, istiliyədavamlılığa)
malikdirlər, lakin, hələ ki onlar məhdud şəkildə tətbiq olunurlar, çünki neftdən alınan
yağlara nisbətən baha başa gəlirlər. Plastik (konsistent) sürtkülər mürəkkəb təbiətli
məhsullardır və tərkibi mineral yağlardan (əsası), qatılaşdırıcılardan (sabun, bərk
karbohidrogenlər) və aşqardan (qrafit və s.) (bir maddənin texniki keyfiyyətini
yaxşılaşdırmaq üçün ona qatılan başqa maddə) ibarətdir. Bu cür sürtkülər geniş tətbiq
olunurlar, vakuumda aşağı və yüksək temperaturlarda iş zamanı dayanıqlıdırlar.
Sürtkü yağları karbürator, dizel və aviasiya daxiliyanma mühərriklərində
istifadə üçün nəzərdə tutulmuş motor yağlarına, sənaye avadanlığının, cihazların,
hidravlik qurğuların, metalkəsən dəzgahların, separatorların, nəzarət ölçü
aparatlarının və digər maşın və mexanizmlərin yağlanması üçün tətbiq olunan sənaye
yağlarına, bütün növlərdən olan transmissiya aqreqatlarının yağlanması üçün
transmissiya yağlarına, turbin, kompressor və s. yağlara bölünürlər. Plastik sürtkülər
antifriksion, konservasion, bərkidici (sıxlaşdırıcı) və kanat növlərinə bölünürlər.
stismar xassələrini yaxşılaşdırmaq üçün sürtkü yağlarının tərkibinə aşqarlar –
mürəkkəb üzvi və ya metal – üzvi birləşmələr daxil edirlər. Aşqarların miqdarı sürtkü
materiallarının təyinatından və istismar şəraitindən asılıdır və yüzdə bir faizdən 10-
larla faizə kimi dəyişir. Aşqarlar fərdi (yağa əlavə etdikdə onun bir xassəsini dəyişir)
və çoxfunksiyalı (kompleks) növlərə bölünürlər. Yağların bu və ya digər xassəsini
dəyişmə qabiliyyətinə görə özlülük, depressor, antioksidləşdirici, korroziyaya qarşı,
aşınmaya qarşı, cızılmaya qarşı, yuyucu və kompleks aşqarlar tətbiq olunurlar.
Özlülük aşqarları (3%-ə qədər) özlülüyü qaldırır və yağların özlülük-temperatur
xassələrini yaxşılaşdırır; depressor aşqarlar (0,5-1,0%-ə qədər) məhsulun səthində
yüksək bərkimə xüsusiyyəti olan karbohidrogenlərin müdafiə təbəqəsini əmələ
gətirməklə yağların bərkimə temperaturunu aşağı salırlar; oksidləşməyə qarşı aşqarlar
(1%-ə qədər) oksidləşmə məhsullarının əmələ gəlmə müddətini artırmaqla sürtkü
50
yağlarının kimyəvi stabilliyini yüksəldirlər; korroziyaya qarşı aşqarlar (faizin onda
biri və ondan çox) iki əsas qupa bölünürlər: birinci qrup (kükürdlü və fosforlu
birləşmələr) metalın səthində mühafizə təbəqəsi yaradır, ikinci qrup yanacağın
yanmasının və yağların oksidləşməsinin aqressiv məhsullarını neytrallaşdırır.
Aşınmaya (köhnəlməyə, sıradan çıxmaya) qarşı olan aşqarlar (1,2-2,0%-ə qədər)
səthi plastikliyin artırılması hesabına metalların aşınmasını azaldırlar. Cızılmaya qarşı
aşqarlar (5,6%-ə qədər) səthlərin dağılmasını və dağılma yükünün artması hesabına
sürtünməsini azaldırlar. Yuyucu aşqarlar (3-15%) silindrik porşenlərdə yanıq və lak
ə
mələ gəlməsinin intensivliyini azaldırlar. Yağların bəzi xassələrini yaxşılaşdıran
kompleks (çoxfunksialı) aşqarlar müxtəlif təyinatlı aşqarların qarışığından və ya
xüsusi üvzi birləmələrdən ibarətdir.
Sürtkü yağlarının əsas istismar xassələri özlülük, bərkimə və alışma tem-
peraturu, oksidləşmə qabiliyyəti, korroziyaya dayanıqlığı, aşınmaya, cızılmaya qarşı,
yuyuculuq və köpüklənməyə qarşı xassələridir. Sürtkü yağlarının ən mühüm
xüsusiyyəti soyutma effektivliyinə, işə salmanın asanlığına və s. tədir edən özlü-
lükdür, ona göə də bir çox yağların markasında özlülüyün qiyməti göstərilir. Özlülük
temperaturdan asılıdır (şəkil 2.4), özü də müxtəlif marka yağlar üçün özlülük
müxtəlif temperaturda normallaşır və sınaqdan keçirilən yağın viskozimetrin
kapillyarından keçməklə kürəşəkilli tutuma axma zamanına görə müəyyən olunur.
Temperatur artıqca yağların özlülüyü azalır, lakin özlülüyün temperaturdan
asılı olaraq dəyişmə intensivliyi yağların müxtəlif növləri üçün müxtəlifdir. Yağlar
üçün müəyyən edilmiş satndartlarda özlülük-temperatur göstəricilərini özlülük
indeksi ilə qiymətləndirirlər. Özlülük indeksi dedikdə özlülüyün temperaturdan asılı
olaraq dəyişmə intensivliyini (etalon yağla müqayisədə) göstərən kəmiyyət nəzərdə
tutulur. Özlülüyün indeksini formul ilə hesablayırlar, yaxud da xüsusi nomoqrama
ə
sasən tapırlar. Özllük indeksini artlrmaq üçün az özlülüklü yağlara özlülük
(qatılaşdıran) aşqarları daxil olunur. Daha geniş yayılmış yüksək özlülüklü
polimerlərə misal olaraq poliizobutileniŞ polimetakrilatı və s göstərmək olar.
Yağların bərkimə temperaturu, o temperaturdur ki, həmin temperaturda yağ o qədər
51
bərkiyir ki, işərisində yağ olan sınaq şüşəsini 45° altında əydikdə 1 dəqiqə ərzində
yağ hərərkətsiz qalır.
Şə
kil 2.4. Yağ
ların özlülüyünün temperaturundan aslılığ
ı: 1-yay; 2- qış
Bu temperatur yağın tərkibində - parafin karbohidrogenlərinin miqdarının və
molekulyar kütlənin artması ilə artır. Məsələn, motor yağlarının bərkimə temperaturu
-20°S ilə -30°S arasındadır, özlülüyü az olan (transformator, cihaz yağları və s.)
yağların bərkimə temperaturu isə 50°S ilə -60°S arasındadır. Yağların bərkimə
temperaturunu aşağı salmaq üçün müxtəlif depressor aşqarlar tətbiq olunur. Onların
içərisində əsas olaraq naftalinin kondensasiya məhsulunu, kalsium alkinfenolatın
yağda məhlulunu, polimetakrilat D-ni və s. göstərmək olar. Yağın alışma temperaturu
onun qaynama həddini və yanğın təhlükəsizliyini göstərir. Sürtkü yağlarının xassəəri
nəinki temperaturun təsiri ilə, həm də oksigenin iştirakı ilə dəyişir. Yağların
oksigenlə qarşılıqlı təsir reaksiyalarına davam gətirmək qabiliyyətinə kimyəvi
stabillik deyilir.Sürtkü yağlarının kimyəvi stabilliyi temperatur artdıqca əhəmiyyətli
dərəcədə azalır. 60-70°S temperaturlarda yağda turş və neytral birləşmələr əmələ
gəlir və o qaralmağa başlayır. Temperaturu daha da artırdıqda oksidləşmə prosesləri
güclənir, həll olunmayan asfalt maddələri və karbonlu məhsullar yığılır, 300°S-yə