323
müqqəddəs olanıdı. Əgər M.P.Vaqifin şeirləri anaların dilində
layla kimi əzizlənirdisə onda bunun dəyəri ölçüyəgəlməzdi.
Məhtimqulunun da şeirləri bu mənada əvəzsizdir. “Hər hansı
bir türkmən ilə üzbəüz oturub şeirdən, sənətdən söhbət açsan,
M.Fəraqini “türkmən poeziyasının atası” adlandıracaq.
Əslində, burada məsələ ədəbiyyat dairəsi ilə məhdudlaşmayıb,
daha da dərinlərə gedir. Bu sevginin kökündə türkmən milli
varlığının özünü təsdiqi, milli özünüdərk düşüncəsinin təşəkkül
tapıb formalaşması, millətin tarix səhnəsində öz mənəvi və
fiziki varlığını qoruyub saxlaması kimi ciddi amillər dayanır”.
(3, 47). Məhtimqulunun şeirlərindəki ruh bütünlükdə türkmən
elatının düşüncəsində olanların izharıdır və qaynağını da
oradan götürür və bu səbəbdən də onun düşəncəsindən süzülüb
gələnlər hansı formada olmasından asılı olmayaraq uğurlu
alınır. Həm klassik üslubda yazdığı qəzəl, müxəmməs və s.,
həm də xalq şeiri üslubunda yazdığı qoşmalar etnosun ruhunun
ehtiyacı kimi səslənir.
Seyr eylədim, gəzdim eşqin dağında,
Nə bəladır, kimsə çəkər bu dərdi.
Eşq dağın asdılar göyün boynundan,
Göy titrəyib, çəkə bilməz bu dağı.
Eşq əsər etməsə yanmaz çıraqlar,
Eşqə düşsə quşlar sızlayıb qurd ağlar,
Əyilər heybətli, qüvvətli dağlar,
Daşlar əriyib, çəkə bilməz bu dərdi. (70, 82)
M. Fəraqinin bədii-estetik, fəlsəfi düşüncəsində dayanan-
lar, gözəllik anlayışları Vaqiflə eyni sistemdə dayanır və bu
XVIII əsrin düşüncəsində olan yeniləşmənin bir zərurət kimi
324
gərəkliyini aydınlaşdırır. Orta əsrlərin şeir fəlsəfəsində olanlar
həm Vaqifdə, həm də Məhtimquluda yeni konsepsiyalarla,
milli olanın aparıcılığının ortaya qoyulması ilə şərtlənir. Məhz
ona görə də M.Fəraqi türkmən poeziyasında olan boşluğu milli
olanların bədii arenaya gətirilməsi ilə doldurdu və “türkmən
poeziyasının atası” kimi bir təsəvvürü özü haqqında formalaş-
dırdı.
Gözəl vardır gözəllərdən ziyadə,
Onun qulluğunda durasın gələr.
Ədəbli, ərkənli, mülayimzada,
Ta ölüncə belə yörəsin gələr.
Gözəl vardır uzun boylu, alkımı,
Qaranlıq gecədə düşər yalkımı,
Söyləyən sözləri misli-bal kimi,
Yanağından busə alasın gələr. (70, 148)
Və yaxud da bir başqa nümunəyə diqqət yetirək və burada
da xalq düşüncəsindən gələnlərin elə aşıq şeir texnologiya-
larından yararlanmaqla təbii nizamı görünür.
Dəli könlüm, bir nəsihət deyəyim,
Can deməsən, belə canan olarmı?
Bir sözün yerinə söyləyə bilməyən,
Adam deyən belə insan olarmı?
Sadiq olub, Xuda əmrin tutmayan,
Gövhər alıb, bazarında satmayan,
Atadan, babadan bəylik etməyən,
El qədrin bilən soltan olarmı? (70, 377)
325
Göründüyü kimi, M.Fəraqi şeirlərində aşıq poeziyasından,
elat həyat tərzində olanlardan gələnlər kifayət qədərdir və bu
böyük sənətkar onları türkmən baxşılarının məclislərində
oturub öyrənməklə, onların dediklərini sinəsinə yığmaqla, milli
olana vurğunluq nümayiş etdirmiş və görüb götürdüklərini
böyük bir ilhamla yenidən ustadların özünə qaytarmışdır. Bu
nümunələrdə eyni zamanda Yunis Əmrənin, Dədə Kərəmin,
Qəribin, Qurbaninin, Tahir Mirzənin, Abbas Tufarqanlının,
Sarı Aşığın, Xəstə Qasımın, Aşıq Ələsgərin və s. sənətkarların
ruhu boy göstərir, sazının səsi gəlir. Sanki min illər boyu ağır-
ağır irəliləyən, dünyanın hər üzünü görüb yola salmış türk
kimliyinin mənlik duyğusu, təsəvvürü boy göstərir. Məhtim-
qulu türkmən düşüncəsində qəlibləşmiş klassik ənənənin
sərhədlərini pozmaqla, qəzəl şeiri haqqında təsəvvürlərə öz
əlavələrini elədi, formanın məna imkanlarını genişləndirdi.
Məhtimqulu milli ruhun yaşarlığı və qorunuşu konsepsiyasını
müəyyənləşdirmişdir. Vaqif və Məhtimqulu bu müstəvidə bir
xətdə görünür, türk milliliyinin yeni şəraitdə konservatoru
rolunu oynayırlar.
Bir dilbərə tuş gəldim, qəmzəsi ox, qaşı yay,
Gün heyrandır görkündən, xəcalətdə dolan Ay.
Canım versəm cayizdir, beylə surət məhbuba,
Heç görmədim onun tək başqa doğru, bağrı tay. (70, 85)
Və yaxud da:
Fələk aləmə rüsvay etdi, ayırıbdır zarımdan,
Nə iş etsəm, xəbər biləm mən ol Mengli yarımdan.
İns-cins tüğyan eyləyib, zəmin lərzana gəlmiş,
Asimanlar cünbüş edib, kövkəb yanmış narımdan. (70, 93)
326
M.P.Vaqif şeiri M.Fəraqi poeziyası ilə milli təfəkkürün
reallaşdırdığı və zərurət kimi ortaya qoyduğu arxetiplərdə,
yaddaşdan gələnlərdə qovuşur, həm də biri digərini
tamamlayan fakta çevrilir. Ədəbi-bədi təfəkkürün tarixi nikişafı
normativlərin dəyişkənliyini, bir mədəniyyət layının digəri ilə
əvəzlənməsini də aktuallaşdırır. Məhz XVI əsrdə olan yüksəliş
sonrakı yüzilliklərə doğru irəlilədikcə Füzuli xəttində olanlar-
dan daha çox Şah İsmayıl Xətai, Qurbani təsəvvüründə
olanların intişarını və aparıcılığını Vaqiflə, Vidadi ilə, Məhtim-
qulu ilə reallaşdırdı. Zaman estetik təfəkkürün normativlərinin
yeni standartlarını müəyyənləşdirdi və qəzəli də bu sistemdə
islahatlarla, janrın formatını (mövzu kontekstində) genişlən-
dirdi. Vaqif “Düşər”i, “Bax”ı yazdı və bu silsilədən olan bədii
nümunələrin yaranması prosesinin genişlənməsinə rəvac verdi.
Hər gedən gəlmiş, mənim ol gülüzarım gəlməmiş,
Ey gözüm, qan ağla kim, çeşmi-xumarım gəlməmiş.
Getmiş idi ixtiyarım biləsincə yarımın,
Çünki yarım gəlməmiş, həm ixtiyarım gəlməmiş. (89, 146)
Vaqif qoşmaları ilə Məhtimqulu qoşmaları texnoloji
sistemin mətn sxemləri, məzmun yaratma funksiyası ilə eyni
funksiyanı nümayiş etdirir və bütünlükdə mifik təsəvvürdən bu
yana olanlara, milli estetikanın prinsiplərinə köklənir. Bütün
boyalarını, fonopoetik, morfopoetik, sintaktik simmetriyasını
etnosun şeir təsəvvürləri ilə reallaşdırır.
Bulud zülflü, ay qabaqlı gözəlin,
Duruban başına dolanmaq gərək.
Bir evdə ki, belə gözəl olmasa,
O ev bərbad olub talanmaq gərək.
Dostları ilə paylaş: |