315
olunmuş cədvəllərdə “Dastanı”, “Vaqifi” havalarının
yaradıcısının Vaqif olduğu da vurğulanır. Dastan strukturu isə
mükəmməl bir poetik sistemi, M.P.Vaqifin həyatı və
yaradıcılığının uğurlu ifadə forması ilə səciyyələnən zəngin bir
janr məzmunu ilə bütövləşir. Bütün bunlar “Vaqif” dastanının
aşıqların bağrının başından qopduğunu və ona olan xalq
sevgisinin nəticəsi kimi yarandığını düşünməyə əsas verir.
316
MOLLA PƏNAH VAQİF VƏ
MƏHTİMQULU FƏRAQİ
Vaqif yaradıcılığını araşdırarkən tədqiqatçıların diqqət
yetirdiyi problemlərdən biri də Molla Pənah Vaqiflə türkmən
xalqının mütəfəkkir şairi Məhtimqulu Fəraqi ilə tipoloji
təhlillərə üstünlük vermələridir. Əlbəttə burada diqqət
yetirilməli olan ən birinci məsələ türk xalqlarının bu iki
görkəmli şairinin milli düşüncədə yaxınlıqlarının genetik
mahiyyətinin aydınlaşmasıdır. Burada digər məsələ, bəlkə də
təbii olan və yaxud da olmayan hər iki sənətkarın eyni zaman
kəsiyində yetişməsi məsələsidir. Çünki tarixin elə kəsimləri
olur ki, mövcud vəziyyətin həllində problemi önləyəcək
şəxslərin yetişməsi eyni zaman kəsiyinə düşür və bu mövcud
zamanın zərurəti kimi daha çox təhlil faktına çevrilir. Vaqif və
Məhtimqulu yaradıcılığı arasındakı yaxınlığın genetikasında
bunu mümkünsüz etmək elə də asan məsələ deyildir. Belə ki,
XVIII əsrdə Azərbaycanda, Kiçik və Orta Asiyada gedən
proseslər yeniləşməni artıq bir zərurət kimi ortaya qoymaqda
idi. Hətta Avropanın ümumi mənzərəsinə fikir verdikdə eyni
proseslərin gedişini sezmək elə də çətin deyildir. Lakin məsələ
XVIII əsr Azərbaycan və türkmən ədəbiyyatı səviyyəsində
yaşananlarla bağlı olduğu üçün ona geniş müstəvidə yanaşmaq
zərurəti duyulmur, Siyasi prosesləri izlədikdə də bu bir tərəf
kimi ciddi faktlarla səciyyələnir.
Burada digər məsələ ruhun oyanışı ilə bağlıdır, artıq bunu
türklüyün bir hərəkat kimi yeni dalğası anlamında da başa
düşmək olar. Belə ki, orta əsrlərin ağır dolaylarında ağır-ağır
irəliləyən düşüncə modeli, klassik şeir ənənəsi, bütünlükdə
sistemin islami dəyərlər üzərində oturuşması, yeni bir oyanışı,
317
milli olanı bir zərurət kimi ortaya qoyurdu. Məhz bundan çıxış
etməklə ədəbiyyat yaranmış boşluğu doldurmaq yolunu tutdu.
Bədii düşüncənin daha bir modelini, xalq yaddaşından
gələnlərin oyanışını və hərəkətliliyini zərurətə çevirdi. Əlbəttə
bu proses əvvəlki çağlarda bir qədər arxa planda, elat
məişətində olan kimi yaşayır və qorunurdu. Hamısı bir qaynaq
olaraq “Kitabi-Dədə Qorqud”dan gələnlərə, qopuza, saza
dayanırdı. Və saz da öz böyük funksiyasını, elat mədəniyyətini
saraydan uzaq bir mühitdə yaşayır və yaşadırdı. Y.Əmrə, Molla
Qasım, C.Rumi, B.Nəqşbəndi, Ş.İ.Xətai və s. kimi böyük
simalar təriqət düşüncəsində bu missiyanın oyanışına və xalqa
daha yaxın olana üstünılük vermək yolunu tuturdular. Beləlik-
lə, artıq daha əski olanın, milli yaddaşın sadə, aydın və təbii
canlanması hərəkətliliyi bir istiqamət kimi xüsusi maraq
doğururdu. M.F.Axundovun dediyi “amma mən əyyami-səya-
hətimdə səfheyi-Qarabağda Molla Pənah Vaqifin bir para
xəyalatını gördüm ki, zikr etdiyim şərt bir növ ilə onda
göründü” (4, 315). M.F.Axundovun “zikr etdiyi şərt” eyni
dövrün görkəmli sənətkarı M.Fəraqidə də təkrarlanır.
Maraqlıdır ki, eyni təhlillər, eyni ruh, həyata, həyat
hadisələrinə yanaşmalar hər iki böyük şairdə bir-birinə yaxın
səviyyədə boy göstərir və bu təbii, həm də ortaq olacaq oyanış,
bədii-estetik düşüncənin arxetiplərlə süslənməsi məsələsini
ortaya qoyur. Türkmənistan prezidenti Qurbanqulu Berdi-
mühəmədov bu böyük şairi insan qəlbinin mənəvi loğmanı
adlandırır və vurğulayır ki, “türkmən xalqının mütəfəkkir şairi
Məhtimqulu Fəraqi özünün qiymətli bədii yaradıcılığı və öz
adı ilə təxminən üç yüz ildir ki, soydaşlarını şöhrətləndirir.
Şairin hörməti, türkmən tarixində, ictimai-siyasi, mədəni-ədəbi
həyatında yeri əbədidir. Məhtimqulu özünə türkmənlərin
318
qəlbində çox böyük inanc, onların düşüncəsində həyatın
yaxşısını-yamanını səhvsiz ayırd edən məhək daşı kimi
möhkəm yer tutmuş, onların gözlərinin sönməz nuru olmuşdu”
(20, 5). Doğurdan, da həm Vaqifin, həm də Məhtimqulunun
yaradıcılığı üç yüz ildir ki, soydaşlarını şöhrətləndirir. Milli
ədəbiyyatın yeni bədii-estetik meyar daşımasında, texnolo-
giyalarının məzmun yaratmada mühüm önəm kəsb etməsində
ciddi fakt rolu oynadığı aydınlaşır. Məhz bu səbəbdəndir ki,
hər iki sənətkar milli intibahın hadisəsi kimi elə öz dövründən
yazılır, yozulur və yenə də fərqli yanaşmaların ortaya
çıxmasını zəruriləşdirir. F.Köçərli xüsusi olaraq vurğulayırdı
ki, “Molla Pənah milli şair olduğuna binaən, onun şeir və
qəzəliyyatı bizim Azərbaycan türklərinə ziyadə xoş gəlir və
hər nə onun qələmindən zühura gəlibsə, xah müxəmməsat və
xah mürəbbeat, və xah qəzəliyyat tamami ürəkdən və həqiqi
həyatdan nəşət edən əsərlərdir. Bu qism əsərlərdən masəva
Molla Pənahın bir çox əşar və ədəbiyyatı dəxi vardır ki,
onlarda öz müasirlərinin ayinü adətı, adabü əxlaqı və
dolanmaları artıq məharət ilə rişteyi nəzmə çəkilibdir. Belə ki,
onlar gələcək nəsil üçün böyük bir yadigar məqamındadır”
(60, 172). Təxminən keçən əsrin doxsanıncı illəri idi və
Məhtimqulunun şeirlərindən bir qism əlimə keçmişdi.
Oxuduqda ilk ağlıma gələn onun M.P.Vaqif şeirləri ilə
yaxınlığı oldu. Düşündüm ki, bunların bu qədər yaxınlığının
səbəb və mahiyyəti nə ilə bağlana bilər. Heç cür bir yana çıxara
bilmədim. Çünki bu iki böyük sənətkarın şəxsən əlaqə
imkanları mümkünsüzdü və yenə də o fikirdəyəm ki, bu ola da
bilməzdi. Bunların olsa-olsa eşitdikləri ozanların, el
sənətkarlarının verdiyi informasiya qədərində bilgiləri yarana
bilərdi və bunun özü də müşküldü. Ancaq yaxınlığın bu qədər
Dostları ilə paylaş: |