296
sahiblərini) zəlalət torpağında, alçaqları, cahil və nadanları
mötəbər məqamında görən sənətkar acizləşir. Haqqa üz
tutmaqdan başqa çıxış yolu tapa bilmir. Sərvətin də, hər cür
cah-cəlalın da, zülfünə, xətti-xalına tərif yazdığı gözəllərin də
ötəri, aldadıcı, illüziyadan ibarət olduğu qənaətinə gəlir” (17,
734). Göründüyü kimi, xalq şeiri ənənəsində əvəzsiz
nümunələr yaradan Vaqif klassik üslubda da istedadının
möhtəşəmliyini göstərdi. “Müxtəsər kim, belə dünyadan gərək
etmək həzər” deməklə eyni zamanda bu həzər etmənin cavabını
da verdi və söylədi ki, “ondan ötrü kim, deyildir öz yerində
xeyrü şər”. Sonda “Vaqifə, ya rəbbəna, öz lütfünü eylə pənah”
deməklə bütün düşüncəsində olanların mahiyyətinə nöqtə
qoydu.
Baş ağardı, ruzigarım oldu gün-gündən siyah,
Etmədim, səd heyf kim, bir mahi rüxsarə nigah,
Qədr bilməz həmdəm ilə eylədim ömrü təbah,
Vaqifə, ya rəbbəna, öz lütfünü eylə pənah,
Səndən özgə kimsədə lütfü inayət görmədim. (89, 175)
Doğurdan da, “Görmədim”in verdiyi mətn informasiya,
poetik sistemi, janrın məzmunyaratma imkanı Vaqif
yaradıcılığının əzəmətini, möhtəşəmliyini, Azərbaycan şeirinin,
bədii-estetik düşüncəsinin imkanlarını bir fakt olaraq ortaya
qoyur. “Zəngin və bənzərsiz yaradıcılığı, məşhur “Görmədim”
müxəmməsi və lütfü-kəramət” səyləri Vaqifi ucaldaraq Molla
Pənah dərgahına çatdırmışdır” (45, 8). “Bax” qəzəlində
söylədiyi “üz çevir ali-əbayə, Əhmədi-Muxtarə bax” qənaəti
“ya rəbbəna, öz lütfünü eylə pənah, səndən özgə kimsədə lütfü
inayət görmədim”lə yekunlaşmışdır. Bütün bunlar Vaqif
297
yaradıcılığında “Vaqifin son şeirləri” adı ilə qəliblənmiş
düşüncədə nələrin olduğunu, Vaqifin bu şeirlərdə nələri
çatdırmaq istədiyini, bir şair olaraq qüdrətinin, yaradıcı
imkanlarının sonsuzluğunu və əlçatmazlığını müəyyənləşdirir.
“Hayıf ki, yoxdur”. M.P.Vaqif yaradıcılığında elə poetik
nümunələr vardır ki, arxasında şairin həyatının, yaradıcılığının,
mühitinin bir sıra məqamlarını əks etdirəcək hadisələr dayanır.
Məsələn, “Bax”, “Tüfəng”, “Kürk”, “Göndərmiş” və s. şeirləri
buna nümunədir. “Hayıf ki, yoxdur” qoşması da bu sıradadır.
Bu qoşma müxtəlif səpkili təhlillərin mövzusu olmuş, xalq
arasında maraqlı əhvalatların danışılması ilə diqqət mərkəzində
dayanmışdır. M.Y.Qarabaği, F.Köçərli, S.Mümtaz, Ə.Müznib,
Y.V.Çəmənzəminli, H.Araslı, A.Dadaşzadə, N.Cəfərov,
İ.Həbibbəyli, Y.Babayev və başqaları “Hayıf ki, yoxdur”
qoşması ilə bağlı elmi-nəzəri, publisistik səciyyəli qənaətlər
irəli sürmüşlər. Bütün təhlillərdə “Hayıf ki, yoxdur” qoşması
fonopoetik, morfopoetik, sintaktik sistemin mükəmməlliyi ilə
diqqəti cəlb edir və mükəmməl ədəbiyyat nümunəsi kimi ciddi
faktlara çevrilir. M.Y.Qarabaği “Məcmueyi – Vaqif və
müasirini digər” təzkirəsində dörd bənd vermişdir. Görkəmli
ədəbiyyatşünas F.Köçərli yazır: “İbrahim xan bir vaxtı Tiflisə
səfər edəndə Molla Pənahı dəxi özü ilə aparıb və əsnayi-rahda
Molla Pənah xandan izn alıb öz vətənini və qohum əqrəbasını
ziyarət etmək üçün gəlibdir. Və lakin burada bir neçə gün
iqamət etdikdən sonra öz əhli-əyalının müfariqətinə tab
gətirməyib, münasibi-hal bu fərdləri deyibdir:
Vətən xoşdur, deyə Vaqif, məni çəkdin Salahlıya,
Nədir onda səlahın kim, çü yari-canfəza yoxdur.
298
Əzəl başdan şəkərləblər olurdu Sarıqamışda,
Gəlib sordum sorağın, şimdi onlardan səda yoxdur”
(60, 160)
M.P.Vaqifin Qarabağ xanlığında olarkən doğma yurda
gəlişi ilə bağlı müxtəlif əhvalatlar, rəvayətlər yaranmışdır.
Bunun bir tərəfində və əsas olanında Vaqifə, böyük şairə olan
sonsuz vurğunluq dayanırsa, digər tərəfində baş verən hadisə-
lərin reallığı durur. F.Köçərlinin M.P.Vaqiflə bağlı yazdığı
oçerkdən verdiyimiz nümunənin əsasında da bu dayanır.
Ə.Müznib M.P.Vaqifin yaradıcılığı haqqında qənaətkərini
bölüşərkən vurğulayır ki, “hətta ədəbiyyatda yüksəlişi o qədər
olmuş ki, haqqında söylənən təqdir və təhsin mənqibəsi
Vaqifin haqqında da söylənmişdir. Mirzə Yusif Qarabağinin
yazdığına görə, İbrahimxəlil xan səfərlərinin birində piyada
qoşunu ilə Kür nəhri qırağında çox yubandığından məiyyəti ilə
gedənlər darıxıb Molla Pənahdan Şuşaya qayıtmaq və bir çarə
eləməyi rica etmişlər” (76, 77-78). Ə.Müznib sonra Molla
Pənahın altı bəndlik “Bu yerdə” rədifli qoşmasını verir, ki biz
ondan üç bəndini “Kür qırağında”nın ilkin variantı kimi
fikrimiz müqabilində təqdim edirik.
Siyahtel görmədinm Kür qırağında,
Məgər heç yaşılbaş olmaz bu yerdə.
Tərlan könlüm yenə uca dağlara,
Havalanıb hərgiz qonmaz bu yerdə.
Bu diyarda kolağı yoq, kətan yoq,
Sinəmə müjgan oxun atan yoq,
Sərxoş durub bir nəzakət qatan yoq,
Heç sövdəkar fayda bulmaz bu yerdə.
299
Yarın xəyalıyla bu gün mən şadam,
Ğəribliyə düşsə qan ağlar didəm,
Pərisi yanında olmayan adam,
Nə yaxşı sağ qalır, ölməz bu yerdə. (76, 77-78).
Verilən məlumatlara görə, M.P.Vaqif bunu “xanın
məclisində oqutmuşsa da bir nəticə verməmişdir”. Bu şeir
Vaqif ruhunun özünəməxsusluğunu və birxətliliyini aydınlaş-
dırmaq, “Hayıf ki, yoxdur”un mahiyyətini ortaya qoymaq
baxımından daha çox önəm kəsb edir. Burada ciddi görünəcək
bir sıra müəyyənləşməli məqamlar var.
a) Vaqif yaradıcılığının məzmun qaynaqlarını aydınlaşdır-
maq baxımından;
b) xalqın şairə məhəbbətinin ifadəsi kontekstində;
c) xanın Vaqif sözünə, şəxsiyyətinə verdiyi qiymət müstə-
visində;
ç) Qarabağ xanının Qazağa səfərinin poetik ifadəsi anla-
mında;
d) Vaqifin vətən, yurd sevgisini ehtiva etmək baxımından;
e) XVIII əsr Azərbaycan şeirinin enerji qaynaqlarını müəy-
yənləşdirmək cəhətdən;
ə) şeirin özünün poetik mətninin bütövlüyü, uğurluluğu,
mətn informasiyası kontekstində və s.
S.Mümtaz “Rudəki və Molla Pənah Vaqif” adlı məqalə-
sində ciddi tipoloji təhlillər aparmış və vurğulamışdır ki, “ustad
Əbülhəsən Rudəki ilə böyük Molla Pənah Vaqifin bir-birlərinə
oylə çox bənzəyiş və münasibətləri vardır ki, bunları bir azacıq
təəmmül ilə nəzər-diqqətdən keçirsək filfövr təsdiq etmək
məcburiyyətində qalacağıq” (76, 262). Əlbəttə burada ciddi
paralelləri zəruri edən kifayət qədər məqamlar var, ən başlıcası,
Dostları ilə paylaş: |