308
etmək məqsədinə xidmət edir. Etnosu ifadəyə yönəlikli hadisə
kimi nəzər-diqqəti cəlb edir.
Dastanlar toy məclislərində, el şənliklərində yüz illər boyu
söylənmiş, xalqın ruhunun, mənəvi-əxlaqi dəyərlərinin qorunu-
şunda, bədii-estetik dünyagörüşünün formalaşmasında əvəzsiz
hadisə kimi mühüm əhəmiyyət kəsb etmişdir. Ustad aşıqlar bu
dastanlarla türk ellərini gəzmiş, onların genetik yaddaşının,
təsəvvürlər sisteminin bütövləşməsində el anası funksiyasını
yerinə yetirmişlər. Məhz böyük şairimiz S.Vurğunun “Tomris”
əfsanəsi ilə bağlı dedikləri də həmin ənənənin əzəmətini,
davamlılığını aydınlaşdırır. Dastan təcrübəsi onu göstərir ki, bu
möhtəşəm sənət abidələri bir bütöv olaraq etnosu olanları ilə
təmsil edir və xalq məhəbbətinin izharı kimi yaxın-uzaq elləri
gəzib dolaşır. “Kitabi-Dədə Qorqu”, “Koroğlu”, “Aşıq Qərib”,
“Əsli və Kərəm”, “Abbas və Gülgəz”, “Tahir və Mirzə”, “Arzu
və Qənbər” bütünlükdə türk ellərini bu sevgi ilə gəzib
dolaşmışdır. Xalq onun içərisində məişətini, əxlaqını, milli-
mənəvi dəyərlərini görür və onun qoruyucusuna çevrilir, daha
doğrusu onunla yaşayır, kimliyini orada tapır. Ona görə də bu
xalq abidələrinin yaradıcıları yüz illər, min illər boyu xalqın ən
əziz sənətkarı, yaxın olanı kimi uca tutulmuşlar. Yaratdıqları
ilə etnosun keçib gəldiyi və gedəcəyi yolun xəritəsini cızmışlar.
“Vaqif” dastanı da belə bir sevginin, Vaqif yaradıcılığına
məhəbbətin ifadəsi kimi ortaya çıxmışdır.
Azərbaycan dastan ənənəsində dastanların yaranma yolları
bir müxtəlifliklə səciyyələnir ki, onlardan biri də böyük şəxsiy-
yətlərlə, yazılı ədəbiyyatın xalq şeiri üslubunda yazıb yaradan
görkəmli sənətkarlarının həyat və yaradıcılığı ilə bağlıdır.
Folklorşünas P.Əfəndiyev yazır ki, “aşıq və xalq pieziyası
üslubunda yazıb-yaradan yazılı ədəbiyyat nümayəndələri haq-
309
qında da bəzən dastanlar düzəldilmişdir. Burada da əsas mövzu
həmin sənətkarın tərcümeyi-halının bəzi cəhətlərindən ibarət
olur. Onların şeirləri də dastana daxil edilir. “Vaqif”, “Zakir”,
“Nəbati” dastanlarından bacarıqla istifadə edir”. (35, 379). Bu
sənətkarlar xalqın yaddaşında, ictimai mədəni həyatında xüsusi
rol oynamış və qəlbinin dərinliklərinə iz salmış şəxsiyyətlərdir.
Xalq arasında bu gün də danışılan rəvayət, əhvalat, hadisələr
onların nə qədər önəmli işlərinin olduğunu düşünməyə əsas
verir. Burada digər tərəf bu yaradıcı şəxsiyyətlərin ruhu etibarı
ilə etnosla bağlantılarının əsaslığıdır ki, M.P.Vaqif, Q.Zakir,
X.Natəvan müstəsnalığı ilə seçilir.
“Vaqif” dastanı öz başlanğıcını heç şübhəsiz elə şairin
sağlığından, xalq içərisində tanınmağa başladığı vaxtlardan
götürmüşdür. Dastanı folklorşünas alimimiz, dastan yaradı-
cılığının tədqiqatçısı prof.R.Rüstəmzadə Qazax rayonunun Dağ
Kəsəmən kəndində yaşayıb yaradan Aşıq Ədhəm Ərəbovun
dilindən yazıya almış və “Məhəbbət dastanları” kitabında
vermişdir.
Heç şübhəsiz, uzun illər “Vaqif” dastanı xalq sənətkarları
tərəfindən məclislərdə söylənmiş və formalaşma prosesi
keçirmiş, müxtəlif epizod, əhvalat əlavələri ilə repertuarı
bəzəmişdir. Burada M.P.Vaqifin həyatının, yaradıcılığının
müxtəlif məqamları özünə yer tapır. Hətta onunla bağlı yazılan
bədii nümunələr üçün də bu dastan bir fakt kimi önəm
daşımışdır. Yəni ayrı-ayrı təzkirələrdə, bəyazlarda, ədəbiyyat
nümunələrində verilənlərlə dastanın daxilində yer almış
epizodlar arasında ciddi bağlantılar vardır. Bunun isə
başlanğıcında Vaqifin elat həyat tərzi ilə güclü bağlantıları
dayanır. Xalq onun qətlindən sonra Vaqifə daha da
yaxınlaşmış, onun yazıb bağladığı “Divan” və yaxud da
310
“Divan”ları bağrının başında gəzdirmişlər. M.Y.Qarabağinin
“Məcmuəyi-Vaqif və müasirini digər” təzkirəsinin əvvəlində
vurğulanır ki, “bu məcmuə deyil, rəngarəng söz və mənalar
toplusudur. Bu, bəyaz deyil, bəlkə də, üzü ağ, gözləri qara
gözəlin zülf və rüxsarının surətidi və bu surəti məlaikələr
gözləri üstünə qoya bilər, bu bəyazı gözəllər ürəkləri üstündə
gəzdirə bilərlər. Hər səhifəsi gözəllərin cöhrəsi kimi nur saçır,
hər vərəqi vəfa əhlinin qəlbi kimi məhəbbətlə döyünür” (62,
11). Məhz “hər səhifəsi gözəllərin cöhrəsi kimi nur saçan”
Vaqif şeirləri öz qaynağını sazdan, el məclislərində
söylənənlərdən aldığı üçün elə öz ruhu etibarilə də ona
köklənmişdi. S.Vurğun bu sadəliyin, ozandan / aşıqdan
gələnlərin nəticəsi olaraq “səsinə səs verir dağda çobanlar”
deyirdi. Vaqif xalqdan, aşıqların sazından, sözündən sinəsinə
yığdıqlarını elə eyni ruhda daha poetik, daha təravətli, həm də
əlavələri ilə aşığa, mühitin bədii sferasına qaytarmışdır. Aşıqlar
onun şeirlərini söz-söz, misra-misra sinəsinə yığmış,
məclislərdə çalıb oxumuşlar. Eyni zamanda Böyük şairin
şeirlərinin təsirində əvəzsiz nümunələr yaratmış və aşıq
yaradıcılığını daha da zənginləşdirmişlər.
XVIII əsrdə yaşayıb yaratmış və Vaqifə yaxınlığı ilə
seçilən Aşıq Əli Qaracadaği, Abdalgülablı Aşıq Valeh, Xəstə
Hasan, Aşıq İrfani və başqaları buna nümunədir. Göründüyü
kimi, Vaqifə aşıqların sevgisinin başlanğıcı elə böyük şairin
sağlığında qoyulmuşdur. Sonrakı dövrdə Aşıq Hüseyn
Şəmkirli, Aşıq Ələsgər, Aşıq Pəri, Aşıq Hüseyn Bozalqanlı,
Molla Cümə və s. kimi onlarla sənətkar Vaqif yaradıcılığından
bəhrələnmişlər.
Deməli,
Vaqif
ustad
sənətkarlardan
öyrəndiklərini, yazdıqlarını artıqlaması ilə ustadların, aşıqların
özünə qaytarmışdır. Folklorşünas P.Əfəndiyev Vaqiflə Molla
Dostları ilə paylaş: |