Maksimkanin vətəndə və digər ölkələrdə
Yüklə 15,14 Kb. Pdf görüntüsü
|
43 versin. "Amma mənim kostyumum idmançının əyninə olacaqmı?.." Lakin birdən tavanın altından hansısa səs onu fikirdən ayırdı. Elə təsəvvür yarandı ki, o səs mikrofondan gəlir: – Narahat olmayın... Sən də, Maksimka, çox götür- qoy eləmə! Mən sizə burdan çıxmaqda kömək edəcəyəm. Lakin əvvəlcə üç tapmacanı tapmaq lazımdı! Səs Maksimkaya çox tanış gəlirdi. Amma onun bütün fikri-zikri tapmacada idi. – Hə, qulaq asın: o nədir ki, yekəqarın və qaradır, suda üzür... – Bu ki qayıqdır!- oğlan sevindi. Maksimka səsin onu sınadığına fikir vermədi. Əsas məsələ düzgün cavab vermək idi. – İkinci tapmaca: Arabasız qoşqu, qumsuz yol, fit verərək gedir, ölümün üzünə baxır. Maksimka tavanın altından gələn səsin Lekarın səsinə bənzədiyini zənn etdi. – Maksmka, tapmaca barədə fikirləş, mən Lekar deyiləm! – deyə naməlum səs onun fikrini oxudu.-Lakin biz sənin tanışınla yaxınıq. Hər ikimiz Aleksandr Karloviç Yelskinin dövründə bu səhifədə peyda olmuşuq. Mənm adım Balıqçıdır. Artıq iki yüz ildən çoxdur ki, mən bu çayın mühafizə xidmətində çalışıram. Adamlara məsləhətlər verirəm, deyirəm ki, təbiətlə necə harmoniya yaratmaq lazımdır, onunla birgə necə yaşamaq lazımdır. Doğrudur, indi tez-tez balıqlara və çayın özünə müraciət edirəm, deyirəm ki, adamlarla necə birlikdə yaşamaq lazımdır, yaxud onlardan nə zaman və hansı məqamda can qurtarmaq olar... Bax belə... Hə, qardaşım, di tez ol, tapmacanı tap... 44 – Təkərsiz, qoşqusuz araba- qayıq deməkdir... Qumsuz yol- çay... Vıyıltıyla, fitlə qovmaq-avar çəkmək deməkdir... Deməli, tapmacanın cavabı- qayıqda avar çəkib üzmək deməkdir. – Əhsən, oğlan! Görürəm, şəhərli olsan da, həyatı, təbiəti bilirsən. Üçüncü tapmacanı da tapsan, qayıqçıyla bərabər dərhal sahildə olacaqsan! Amma məkiki mənə saxlayın! Ona baxmaq istəyirəm! O, mənim gücümü artırar. Əgər adamlar keçmişə hörmətlə yanaşırlarsa, deməli, heç də hər şey itməyib...Tapmacanı dinlə... Kimsə gəldi, nəsə götürdü, getdim axtarmağa, izi-tozunu da görmədim... – Bunu da bilirəm, – deyə Maksimka sevincindən qışqırdı. – İnsan və qayıq... Oğlan istədi yenə nəsə desin. Lakin birdən otaq fırlanmağa başladı. Görünür, tapmacanın cavabları öz sirli işini görmüşdü... Qayıqçıyla Maksimka bir-birinə sarıldı...Bir də ayılıb gördülər ki, sahildədirlər. Günəşin zərrin şüaları çəmənlikləri oxşayır, gül-çiçəyin üzünə qonub oynaşırdı. Maksim söyüdlüyün arxasında sığınacaq yerini tapdı, dərhal əynini dəyişdi. Və Sobolla birlikdə jurnalistlərin yanına qaçdı. Orda isə adamlar daha da çoxalmışdı. Televiziyadan da gəlmişdilər. Bundan başqa bir maşının üstündə iri hərflərlə bu sözlər yazılmışdı: "Su ehtiyatlarının mühafizəsi Baş departamenti!". Qamətli, ağsaç bir kişi bir qrup jurnalistə müsahibə verirdi. – ...Artıq qərar qəbul edilib: Ptiç çayının suyu dayandırılacaq! Təxminən on dəqiqədən sonra hadisə baş verdiyi hövzənin yuxarı sahələrindəki bütün su qapıları bağlanacaq. Və bir neçə saat sonra isə idmançının itkin düşdüyü yer dəqiq müəyyən olunacaq, konkret axtarış işləri həyata keçiriləcək... İnanırıq ki, hər şey yaxşı qurtaracaq. 45 – Axı mən tapılmışam! – deyə arxadan Sobolun səsi gəldi və o, jurnalistlərə yaxınlaşdı. Gərək bu səhnəni gözünlə görəsən! Bütün mikrafon və kameralar, fotoaparatlar sanki öz sahiblərindən də qabaq dərhal dönüb idmançıya tuşlandı. Maksimka isə xilasetmə əməliyyatının rəhbərinə sarı yürüdü. Rəhbər isə özünü vacib şəxs kimi göstərməyə çalışırdı, lakin ona xüsusi maraq belə göstərilmədi. Axı kimsə dərhal bildirməliydi ki, çaya toxunmaq olmaz!.. Hündürboy, qaşqabaqlı rəis, Dudiçətrafı bütün kəndlərdə gözlənilən reportajların rəhbəri dərhal əl telefonunun düymələrini basdı və mikrafona qızğın səsiylə qışqırdı: – Təcili bütün işləri dayandırın! Çaya toxumağı qadağan edirəm! Biz artıq idmançını xilas etmişik!.. Xilasetmə əməliyyatı uğurla keçdi! Tezliklə siz onu televiziya ekranlarından görəcəksiniz! Sobol sağ və salamatdır!.. Rəhbərliyin tapşırığı yerinə yetirldi! Maksimka bəxtiyar-bəxtiyar gülürdü. Hə fərqi var - Sobolun və Ptiç çayının əsas xilaskarı kim olub! Əsas vacib şey başqadır- doğurdan da hər şey uğurla bitdi, çox gözəl şəkildə! Sonda bir neçə söz ...Sonrası necə oldu və Maksim Minski evə hansı fikirlərlə qayıtdı? Bütün bunlar barədə siz o biri nağıldan biləcəksiniz. Lakin bir şeyi dərhal nəzərinizə çatdırmaq istəyirəm: sizi yenə bizim baş qəhrəmanla birgə səyahətlər gözləyir. Həm də təkcə Belarusa yox. Lakin sizə deməliyəm ki, bizim ölkəyə səyahət, Minsk vilayətində macəra axtarmaq, yaxud da Vitebsk gölü ətrafı rayonlarda, Slonimdə, ya da Brestin Polesyasında sərgüzəştlər 46 axtarmaq heç də maraqsız məşğuliyyət deyil; bu, bəlkə də Amerikanı kəşf eləməkdən, ya da Hindistanla tanışlıqdan daha maraqlıdır... Bilici Babanın söylədikləri Merejka- balıq tutmaq üçün ləvazimat; dar girişləri olan konus şəklində söyüd çubuqlarından toxunan balıqçı torudur. Merejkaya tor da deyirlər. Kriqa-balıqçılıq şəbəkəsidir. İki tir və şüvüldən ibarət olur, ona "baba" da deyirlər. Ona qalın iplərdən ibarət şəbəkə pərçim edilir. Tirlərin ucları elə birləşdirilir ki, hər hansı bucaq yarada bilirlər. Balığı kriqlə üç nəfər tutur. İkisi tirlərin ucundan yapışır, şəbəkəni dartır, üçüncü şəxs isə şüvülün köməyi ilə şəbəkəni suyun dibinə basır. Ovu yoxlamaq üçün tirləri birgə bururlar və kriqanı suyun üzünə qaldırırlar. Tor- balıq tutmaq üçün şəbəkə. Adətən bu konusşəkilli asan idarə olunan çıxıntılı ləvazimatı suya salanda balıqlar ona tərəf gəlir. Bu torlarla bir nəfər də balıq tuta bilər, köməkçilərə ehtiyac olmur. Klomlya-ənənəvi belarus balıq tutan cihazı, üç tini olan prizma şəklindədir, torla örtülür, bir tini isə açıq qalır. Karkas üstündə söyüd çubuqlarından düzəldilir. Klomlya vasitəsilə iki nəfər balıq tuturdu. Onu suya salır və balıqlar onun içinə doluşurdular. Yüklə 15,14 Kb. Dostları ilə paylaş:
|