Maksimkanin vətəndə və digər ölkələrdə
Yüklə 15,14 Kb. Pdf görüntüsü
|
32 yayılan, çevikdir, cəlddir... Adama elə gəlir ki, bax elə indicə uçub isti ölkələrə gedəcək... – Birinci dəfədi belə şey eşidirəm... Əziz Lekar, amma məni təkcə çayın taleyi maraqlandırmır, həm də qələbə uğrunda mübarizə aparan qayıqçı Sobolun taleyi maraqlandırır- o, məkiklə bərabər müəmmalı burulğana düşüb və itib. Xilasedicilərin fikrincə, ondan ötrü çayın suyunu dayandırmaq olar... Lekar yorğun əlini ağ saqqalına apardı. Oğlanı iti baxışlarıyla süzdü. Maksim hiss etdi ki, ürəyi çırpınır, nəbzi tez-tez vurur. – Əziz dostum, sən mənim xoşuma gəlirsən. Həm də buna görə ki, adamların taleyi üçün narahatsan. Həm də buna görə ki, çaya da rəhmin gəlir. Lakin sənə daha yağlı təriflər deməyəcəm. Axı, düzünü desəm, söz gümüşdüsə, iş qızıldı. Yaxşı adamları xilas eləmək mənim birinci vəzifəmdir və ən başlıca qayğım da elə budur. Lekar düz Maksimkanın gözlərinin içinə baxırdı. Əlavə etdi: – Lakin bunu da gərək ağılla edəsən ki, başqalarına xətər dəyməsin. Su da yaşamaq istəyir! Axı çayı niyə dayandırasan, hə? O adamı xilas etməyə çalışmalısan... Məncə bizim hər ikimizin qayğısı eynidir. Hər şeyi gərək növbə ilə edəsən. Özün fikirləş, Maksimka, bax əgər biz ikimiz belə bir plan qursaq, necə olar... Birinci gərək suyun apardığı qayıqçını tapmaq üçün suyun dibinə baş vuraq. Sonra idmançını cana gətirək. Bundan sonra isə onu Ptiç sahilinə qaytaraq. – Düz deyirsiz. Amma demək asandır... Bəs bunları necə edək? – Mən də hər şeyi bilmirəm. Lakin bir şeyə əminəm: bizə Yelski bulağı və onların özləri kömək etməlidir. Mənim bildiyimə görə, sən də bunu az-maz bilirsən... 33 Bulaq suyunun möcüzəvi təsirindən çox adam şəfa tapıb, çox adamın səhhəti yaxşılaşıb, çox adam bundan özündə güc tapıb və müxtəlif zirvələr fəth edib. Yaşadığım bu müddət ərzində bunu görmüşəm, neçə qış, neçə yay ötüb və mən bu sahildə yaşaya-yaşaya bunları görmüşəm. Bəs qayıqçını neçə tapaq? Yaxşı olar ki, bunu Yelskilərin özündən soruşaq... – Məgər bu mümkündür? Axı Dudiçdə iki yüz il əvvəl yaşamış Yelskilər çoxdandı o dünyadadı, sağ deyillər... – Noolsun... Onların topladığı bilik xəzinəsi və xatirələri ki qalıb. Əsas məsələ budur ki, bu bilik xəzinəsindən bacarıqla istifadə edəsən. Gəl vaxt itirməyək, gedək bulaq başına. Lekar qaya parçasının üstündən durdu. Əli ilə işarə elədi ki, Maksimka onun dalınca gəlsin. Bulaq başına gedən yol çəmənlik-herbaridən və daha sonra isə Ptiç çayından keçirdi, ora çatmaq üçün cəmi yarım saat vaxt lazım idi. Qəribə də olsa bulaq başında heç nə yox idi, ətraf bomboş idi. Çeşmənin üstündə çapıqlı girdə dəyirman daşını oyan sənətkarın barelyefi olan gözəl bir cam vardı, xüsusi mismardan asılmışdı. İstedadlı sənətkarın şərəfinə düzəldilmiş bu mismar da, cam da "dudutka" emalatxanasından götürülmüşdü. Duluzçular və dəmirçilər öz sənətkarlıqlarını yüzilliklərdən bəri qorumuşdular və ötürə-ötürə gəlmişdilər. Lekar diqqətlə Maksimkanı süzdü, dedi: – Mən sənə bir tapmaca da demək istəyirəm. Onu hədiyyə hesab elə... Tapsan, deməli, yeni bilik əldə edəcəksən. İndi səncə, hansı hədiyyə qiymətlidir?.. Qulaq as, gör nə deyirəm... Mən kölgədə doğuldum, 34 Nə Günəş, nə Ay gördüm; İnsan əli dəydi mənə, dəlib-deşdi sinəmi, Dəmir çənbərlə belə bağladılar belimi, Sonra da fırlanmağı əmr etdilər mənə. – Axı bu ki, dəyirman daşıdır, hə, hə, dəyirman daşı... – Maksimka sevindi. O, göz yaşı kimi tərtəmiz sudan götürdü, camın yarısını başına çəkdi. Yerinə qoymaq istədi ki, bir qədər nəfəsini dərsin. Lakin Lekar əlinin işarəsilə onu saxladı, olmaz, suyu axıradək içmək lazım idi. Maksimka da səssizcə buz kimi su camını dibinə kimi başına çəkdi. – Hə, bax, indi sən gücləndin, və bir çox işlərin də öhdəsindən gələcəksən.-Lekar qəflətən balacalaşmağa və gözgörəti itməyə başladı. Oğlan istədi nəsə soruşsun, amma imkan olmadı. Bircə astadan pıçıltılı bir səs eşitdi: – Bulağın ətrafına bax, qalan sirləri özün tapacaqsan. Diqqətlə bax, inadla fikirləş! Bilici Babanın söylədikləri Su dəyirmanı – un üyüdən dəyirmandır, su enerjisi vasitəsiylə hərəkətə gətirilir. Su dəyirmanı çay, yaxud da axar göl sahilində tikilir. Əsas işlək mexanizmi- şaquli oxda iki oyulmuş girdə daşın fırlanmasıdır. Üst daş su təkərləri vasitəsilə-suyun gücü vasitəsilə hərəkətə gələn təkərlər vasitəsilə fırlanır. Herbari- qurudulmuş bitkilər kolleksiyasıdır. Bəzən herbariyə canlı bitki aləmi də deyirlər, buraya müxtəlif 35 bitki növləri aiddir. Nümunə üçün Aleksandr Yelskinin "canlı herbari"sini göstərə bilərik. Dəyirman daşı-əl dəyirmanıdır, səliqə ilə yonulmuş iki girdə daşdan ibarət olur, onların arasına taxıl tökülür, sonra əllə fırladılır, beləliklə, taxıl üyüdülüb una çevrilir. Yüklə 15,14 Kb. Dostları ilə paylaş:
|