Maksimkanin vətəndə və digər ölkələrdə
Yüklə 15,14 Kb. Pdf görüntüsü
|
39 əslində zəlzələdir – hələ ikinci minilliyin əvvəlində Dudiçdə və ətraf rayonlarda baş verib. O zamanlar Ptiç çayının sahillərində yarıqlar və dərələr əmələ gəlib. Əgər onlardan birini tapsaq onda hidroloji kostyum geyinib belə yarıqlardan keçib əməlli-başlı mağaralara rast gəlmək olar. Bax budur, xəritə! Bunu Aleksandr Karloviç Yelski tərtib edib. Ekranda dərin mənalı bir şəkil göründü. Mavi oxlarla mağaraya üç giriş istiqaməti göstərilmişdi. – Mən qayıqçını tapsam, onu necə dirildə bilərəm? Axı o, mağarada yaşaya bilməz, orada hava yoxdur!-deyə Maksimka professordan soruşdu. – Çox təəssüf ki, mən bunu bilmirəm. Lakin düşünürəm ki, sirri yerində açmaq olar. Yelskilərin qeydlərində suyun şəfaverici gücü haqqında da məlumatlar var... – Görünür, bulaq barədədir, – deyə Maksimka kubalı professorun sözünü kəsdi.-Bağışlayın, cənab Ernesto, mən tələsməliyəm. Sağ olun ki, Yelskilərin gündəliyini saxlamısınız... – Sənə uğurlar, oğlan! Əgər xeyirxah məqsədin varsa, şübhə etmə, hər şey alınmalıdır... "Kaş Lekarı tapaydım!" deyə Maksimka öz-özünə dedi. Dodaqları birləşməmiş ağsaçlı qoca əl ağacına söykənərək qarşısında peyda oldu. – Oğlan, görürəm, sən nəsə təzə bir şey tapmısan... Hörmətli idmançı Sobolun xilas edilməsi yolunu bilirsən. Bəs mənim köməyim sənə nə üçün lazımdır?.. – Professor Rodriqes suyun şəfaverici gücündən danışdı. Bəlkə o, bulaq balzamını nəzərdə tuturdu? – Elədir ki var! Lakin hələ məlum deyil sən qayıqçını nə qədər axtaracaqsan. Gərək bulaqdan su götürəsən, xüsusi qaba doldurasan. Həm də suyun içinə ot 40 tökəsən, bu otun adı həyatverici adlanır. Ot suyun həyatverici gücünü uzun müddət saxlayır... Lekardan məsləhət və üstəlik ondan gözəl keramik qab alandan sonra Maksimka bulaqdan su götürdü, qocanın ona verdiyi otu suyun içinə tökdü və mərkəzi muzey malikanəsinə getdi. Orda, kirə stansiyasında öz pul hesabının nömrəsini və parolunu dedi, sonra oğlan öz ölçüsündə olan hidroloji kostyum götürdü. Buna heç kəs xüsusi maraq göstərmədi. Doğrudur, kirə stansiyasının sahibi xəbərdarlıq etdi:"Əgər Ptiçin dərin qatlarına səyahətə gedirsənsə, onda onun sualtı aləmini müşahidə elə, amma tələs, ola bilsin ki, tezliklə bir daha belə bir çay olmasın..." "Pis proqnoz verməyə tələsməyin, bizim çayı xilas etməyə hələ vaxtımız var", -oğlan düşündü. Lakin görünür, onun bütün düşüncələrini üzündən oxumaq olurdu. Stansiyanın sahibi də başa düşdü ki, nəsə yaxşı şey demədi, tutuldu və Maksimkanın dalınca cəld qapını örtdü. Bilici Babanın söylədikləri Sotbis – hərracdır, burada incəsənət əsərləri, qiymətli zərgərlik işləri ən baha qiymətə satılır. Fenologiya – elmdir, canlı təbiətdə mövsümi hadisələri öyrənir, bitki və heyvanat aləmində ilin fəsilləri və hava şəraiti ilə bağlı mövsümi hadisələri izləməklə məşğul olur. 41 Ptiç çayı xilas edilir Maksimka axtarışa yollanır. Qayığın izləri sualtı səltənətə aparır. Sobolla görüş. Çayı Balıqçı qoruyur. İmtahan götürənin xeyirxahlığı. Maksimka və Sobol Ptiç sahilinə qayıdırlar. tiçdəki lazımi yeri Maksim tez tapdı. Çayın burulduğu döngənin ətrafına əllərində fotoaparat çoxlu reportyor toplaşmışdı. Onların sinələrindən asılmış birkalardan məlum olurdu ki, müxtəlif ölkələrdən gəlmiş jurnalistləri hansısa vacib hadisənin şahidi olmaq üçün çayın kənarına gətirmişdilər. Maksimka özünə qarşı əlavə diqqət cəlb olunmasın deyə çayın üstüylə getdi. Xırda söyüdlüklərin və hündür otların arasında gizləndi. Əynini dəyişdi, bulaq suyu ilə dolu camı sinəsinin üstündə saxladı, cəsarətlə suya baş vurdu və axınla üzməyə başladı. Fənəri yolu işıqlandırdı, o, sahilə tərəf baxdı. Hardasa iki rəngli yer gördü- biri yaşıl, digəri qırmızıydı; hansısa lövhəciyin qırıntılarıydı. Maksim diqqətlə baxıb üç hərf gördü: "SOB..." "B" hərfi bir qədər qırılıb tökülmüşdü. Gənc macəraçı zənn etdi ki, bu Sobolun avarının parçası ola bilər."Deməli, hadisə hardasa buralarda baş verib", düşündü. Maksimka diqqətlə ətrafı gözdən keçirtdi, sonra sahil tərəfdə dar bir yarıq gördü. "Axı oraya məkiklə necə girmək olardı?.." Lakin elə girişə yaxınlaşmışdı ki, gözəgörünməz bir qüvvə Maksimkanı yaxaladı, onu mağaranın içinə tulladı-geniş işıqlı bir zal idi! Sualtı səltənət arxada qalmışdı. Burda divarlarda qəşəng, təzə balıqçı torları asılmışdı. Merejka, kriqa, klomlya... nə qədər desən balıqçı ləvazimatları vardı! 42 Küncdə balıq tutmaq üçün yeddi dişi olan çəngəllər də qoyulmuşdu. Bir sözlə, lap balıqçılıq muzeyi idi. Otağın ortasında avarçəkən qayıqçı da vardı, yorğun-yorğun başını qollarının üstünə qoymuşdu, görünür yatmışdı. Maksimka cəld Sobola tərəf qaçdı, dərhal kostyumunun sinə düymələrini açdı, bulaq suyu ilə dolu camı çıxartdı. Ovcuna su töküb Sobolun dodaqlarına damızdırdı. Ona elə gəldi ki, idmançının çiyinləri tərpəndi. Bundan sonra oğlan camı idmançının dodaqlarına dayadı və Sobol iri qurtumlarla sudan içməyə başladı. Başını qaldırdı, ayağa durmağa çalışdı, lakin nəsə onu saxladı. – Bəs sizin xilasedici gödəkçəniz hardadı? Hamı elə bilirdi ki, siz bu xüsusi geyimə görə sağ qalmısız. Axı bu gödəkçə su buraxmır... – Hər şey elə qəfil baş verdi ki, heç gözümü aça bilmədim. Şnuru dartmaq lazım idi, yalnız bundan sonra mənim gödəkçəm dönüb olardı xilasedici qayıq... Bəs sən kimsən və məni necə tapdın? – Mənim adım Maksimdir. Bütün hər şey barədə və mənim bura necə düşməyim barədə sonra danışarıq... İndi isə burdan cəld çıxmaq, Ptiçin sahilinə qayıtmaq lazımdır. Onlara demək lazımdır ki, siz sağsınız... Əgər geciksək, Belarus Ptiçsiz qalacaq!.. – Oğlan, sən nəyisə qarışdırırsan! Bu, heç vaxt ola bilməz!.. Çay-sənin üçün hansısa çuxur deyil günəş onu qurutsun... Çay bircə dəfə doğulur və əbədi qalır... O, uzun zaman yaşayır, hətta bizim hər birimizdən də milyon dəfə çox yaşayır... – Hər halda, gəlin tez çıxaq burdan... Qayıqçı bulaq suyunu ləzzətlə içirdi. Maksimka başa düşürdü ki, indi bütün məsuliyyət onun üzərindədir; götür- qoy edirdi, lazımi qərar qəbul eləmək barədə düşünürdü. Hətta fikirləşdi ki, öz hidroloji kostyumunu idmançıya Yüklə 15,14 Kb. Dostları ilə paylaş:
|