MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 81 avtomobilimi işə salmaq üçün açara da ehtiyac qalmır. Qalanını artıq siz özünüz də bilirsiniz. Ümumiyyətlə, həmin şəxs mənim avtomobilimdə hansı naqillərin siqnalizasiya sisteminə, hansı naqillərin isə mühərrikə getdiyini çox yaxşı bilirmiş. Qatil bu tipli avtomobilə çox yaxından bələd imiş. - Bəs, avtomobilinizin markası nə idi? - RANGE ROVER - Telefonla danışanda sizə deməmişdim. Məhz burda - Bakıda qətlə yetirilən oğlanları da onların məşğul olduqları sahəyə uyğun qətlə yetirmişdilər. Məsələn, Bahadur atası ilə birlikdə qəssablıqla məşğul olurdu və onu özünün işlətdiyi qəssab baltası ilə qətlə yetirmişdilər. Rəvan ağır atletika üzrə çempion idi və onu da trenajor zalında özünün istifadə etdiyi ağırlıq qaldırma alətləri ilə qətlə yetirmişdilər. Yəqin ki, bu cinayətkar sizin və oğlunuzun da avtomobil satışı ilə məşğul olmağınızı bilirmiş və törətdiyi qətli də məhz buna uyğun planlaşdırıb. - Deməli, mənim oğlumu da digər oğlanları qətlə yetirən qatil öldürüb. - Bu aydın məsələdir. İbrahim əli ilə Tərlanı prokurora göstərə-göstərə qəhərdən boğulmuş şəkildə sözünə davam etdi: - Yoldaş müstəntiq, mənə zəng edəndə bu işi o qədər də ciddiyətə almadım. Hətta dedim ki, mənim uşaqlarıma barmağını toxunduran heç anasından olmayıb. Çox böyük bir səhvə yol verdim. Hətta, mənə zəng edən müstəntiqinizin üzünə telefonu belə söndürdüm. Kimə pislik elədim ? Əlbəttə ki, özümə. İndi sizin hər ikinizdən bir xahişim var - tez bir zamanda həmin qatili tapıb layiqli cəzasını verin. Nə mənim balamın, nə də ki, digər uşaqların qanını yerdə qoymayın. Cavabında prokuror bildirdi ki, 9 aydır ki, onların idarəsi bu cinayət işinin üzərində işləyir. Eyni zamanda Səbael rayon prokurorluğundan əlavə Nəsimi rayon prokurorluğu və bir neçə polis bölməsi də baş vermiş cinayət işlərinin istintaqı ilə bağlı təhqiqat aparırlar. Uzun müddətdir ki, çalışmaqlarına www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 82 baxmayaraq qatilin şəxsiyyətini hələ də müəyyən edilməmişdir. Prokuror sonuncu olaraq qətlə yetirilən İbrahimin atası Rasimi əmin etdi ki, məhz onun köməyi ilə çox yaxın zamanlarda həmin cinayətkarı taparaq layiqli cəzasını verəcəklər. Prokuror eyni zamanda bildirdi ki, lazım gəlsə onların idarəsi Rusiyadakı həmkarları ilə də əlaqə saxlayacaq və hər necə olursa-olsun bu cinayət aktının üstünü açacaqlar. Bunun üçün Rasimin bir müddət Bakıda qalması vacibdir. Rasim cavabında bildirdi ki, o bir müddət Bakıda qalacaq və əgər istintaqla bağlı onu prokurorluğa çağırsalar o, istənilən vaxt, istənilən yerə gəlməyə hazırdır. Təki həmin cinayətkar tapılsın. Daha sonra Rasim öz nömrəsini Tərlana təqdim etdi. Bundan sonra Rasim Səbael rayon prokurorluğunun binasını tərk elədi. Kabinetdə qalan Tərlan və prokuror isə söhbətlərini davam etdirdilər. Əvvəlcə söhbətə prokuror başladı. - Allahverdiyev, törədilən cinayətlər barədə psixoloqun və sizin təxmininiz düzgün çıxdı. Qətlə yetirilənlər bir vaxtlar məktəbdə oxuduğu vaxtlarda nə eləyiblərsə, etdiklərinin günahlarını indi çəkirlər. Əgər ilk qətlə yetirilənlər Bahadur və Rəvan məktəbi bitirdikdən sonra da bir-biri ilə görüşüb əlaqə saxlamışdılarsa, bu sonuncu qətlə yetirilənin məktəbi bitirdikdən sonra sinif yoldaşları da daxil olmaqla Bakıdakı heç kimlə əlaqəsi olmayıb. Amma hər necə olursa-olsun artıq bu qatili saxlamaq lazımdır. Mən cənab baş prokurora zəng vurub xahiş edəcəm ki, Rusiya Federasiyasındakı həmkarlarımızla, eyni zamanda Rusiyanın Daxili İşlər Orqanları ilə əlaqə saxlamaqda bizə yardımçı olsun. Əlaqəli çalışsaq, tez bir zamanda bu işin üstünü açarıq. - Cənab prokuror, mümkündürsə həm AZAL-nan, həm Dövlət Dəmir Yolu idarəsi və Xəzər Dəniz Gəmiçiliyi İdarəsi, həm də yenidən Dövlət Gömrük Xidməti ilə də əlaqə saxlayardınız. Mütləq respublikaya gələn və gedən bütün insanların siyahısı www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 83 ilə də tanış olmalıyıq. Mənə elə gəlir ki, qatil hər kimdisə artıq bu idarələrdən birinin siyahısına düşüb. - Bunu yaxşı yadıma saldınız. Cənab baş prokurordan xahiş eliyərəm həmin orqanlarla da əlaqə saxlamaqda bizə hərtərəfli köməklik göstərsin. Mən özüm birbaşa həmin orqanlardan icazə ala bilmərəm. Buna baş prokurorluq səviyyəsində icazə alınmalıdır. Yəqin ki, sizdə keçmiş sinif yoldaşlarının telefon nömrələri qalıb ? - Bəli, qalıb. - Onlara və valideynlərinə, eyni zamanda ilk qətlə yetirilənlər Bahadur və Rəvanın valideyni Kərim və İbrahimə, həmçinin bir qədər öncə buranı tərk edən Rasimə zəng edin və sabah saat 10-00-dan gec olmayaraq mütləq burda olmalarını tapşırın. Mən Nəsimi rayonundakı həmkarıma, bizimlə əməkdaşlıq edən polis bölmələrinə və psixoloqa da zəng vurub sabah bura dəvət edəcəm. Siz həmçinin öz müstəntiq həmkarınız Ramini də mütləq çağırarsınız. Amma çalış bu gün işdən sonra da olsa Raminin özü ilə görüşüb bəzi şeyləri məsləhətləşəsiniz. Lazım gəlsə, hətta o sinifdə oxumuş qızları və onların valideynlərini də bura çağırarıq, araşdırarıq. Ola bilməz ki, bütün bunlardan sonra kimsə nəyisə xatırlamasın. Tərlan “Oldu.” deyərək, prokurorun kabinetini tərk elədi. Öz otağına gedərək keçmiş sinif yoldaşlarına və onların valideynlərinə, həmçinin oğlanları qətlə yetirilmiş valideynlər - Kərim, İbrahim və bir qədər öncə prokurorluğu tərk edən Rasim də daxil olmaqla hər kəsə bir-bir zəng edərək, onlara sabah səhər saat 10 00 -da Səbael rayon prokurorluğuna gəlmələrini bildirdi. Eyni zamanda Raminə zəng vuraraq istintaqla əlaqədar olaraq görüşməli olduqlarını bildirdi. Həmin gün işdən sonra Raminlə görüşən Tərlan səhər saatlarında Moskavadan Bakıya gələrək oğlu İbrahimin qətlə yetirilməsi xəbərini çatdıran Rasimin bütün dediklərini bir-bir Raminlə bölüşdü. Hər iki müstəntiq sabahkı gün geniş tərkibdə təşkil olunacaq istintaq toplantısında nələri müzakirə edəcəklərini indidən müəyyənləşdirdilər. Yüklə 2,96 Kb. Dostları ilə paylaş:
|