20
innovasiyalı inkişaf planının hazırlanması;
innovasiyalı inkişaf planının reallaşdırılması.
İqtisadiyyatın elmi əsaslarla innovativ inkişafı yeni texnologiyalar, yeni xidmət
növləri və idarəetmənin təşkili sahəsindəki yeniliklərdən daha çox və səmərəli istifadə
edilməsinə əsaslanır. İstənilən dövlətin iqtisadi inkişafı elmin və texnologiyanın
inkişafı, eləcə də onların tətbiqi ilə birbaşa qarşılıqlı surətdə əlaqəlidir. Odur ki,
qabaqcıl ölkələrdə iqtisadiyyatın inkişafında innovasiya siyasətinin formalaşması əsas
məsələlərdən biri hesab olunur.
1.2
Elmi, texniki innovasiyaların yeni iqtisadiyyatdakı rolu.
Dünya inkişafının yeni mərhələsinin səciyyəvi xüsusiyyəti insan sivilizasiyasının
sənaye cəmiyyətindən postsənaye cəmiyyətinə keçid sayılır. Bu isə, hər şeydən əvvəl
tüxnika və elmin cəmiyyət həyatının bütün tərəflərinə daha da güclənməkdə olan
təsirinin qlobal xarakteri ilə, irimiqyaslı sosialiqtisadi və tarixi dəyişikliklərə aparan
elmi texnoloji irəliləyişlərə əlaqədardır.
XX əsrin sonlarından müasir dövrümüzə qədər insan cəmiyyətində çox sürətli
dəyişikliklər getmişdir. Bütün bu dəyişikliklərin əsası innovasiya ilə əlaqədardır.
Elektronika,
radiofizika,
optoelektronika,
lazer
texnologiyaları,
müasir
materialşünaslıq, kimya və kataliz, müasir aviasiya və kosmonavtika sahələrində
müəyyən edilən, bir sıra texnoloji və fundamental ixtiralar və kəşflər, müasir
informasiya texnologiyalarından istifadə edilməsi, mikro və makroelektronika
sahələrindəki alınmış nəticələr, habelə, nanotexnologiyalar elmtutumlu məhsulların
yaranmasına səbəb oldu. Belə məhsulların alınmasını təmin edən texnologiyalar
elmtutumlu texnologiyalar adlandırıldı.
Nəticə etibarı ilə elmtutumlu texnologiyalardan istifadə edilməsi iqtisadi
inkişafın yeni bir istiqamətinin ―innovasiya yönümlü iqtisadi inkişafın‖ yaranmasına
21
səbəb oldu. İnnovasiya yönümlü iqtisadi inkişaf modeli öz yüksək
səmərəliliyini dünyanın inkişaf etmiş ölkələrinin timsalında sübuta yetirdi.
XX əsrin sonlarından ―bilik iqtisadiyyatı‖ və ya ―biliyə əsaslanan iqtisadiyyat‖
terminləri elmdə geniş yayılmağa başlamışdır. Yeni növ iqtisadiyyatı ona qədər olan
aqrar və sənaye iqtisadiyyatından fərqləndirən, onun əsas amilinin bilik və insan
kapitalı olmasıdır. Bu gün inkişaf etmiş ölkələrdə məhz bilik istehsalı iqtisadi artımın
əsas mənbəyidir.
Dünya Bankının araşdırmalarının nəticələrinə görə: ―...cəmiyyətin biliyi
yaratmaq, seçmək, uyğunlaşdırmaq, gəlir mənbəyinə cevirmək qabiliyyəti sabit
iqtisadi inkişaf və əhalinin həyat səviyyəsinin yaxşılaşdırılması üçün həlledici
əhəmiyyətə malikdir‖. Dünya Bankının mütəxəssislərinin fikrinə görə, bilik
iqtisadiyyatı - öz şəxsi inkişafını sürətləndirən və rəqabət qabiliyyətini artırmaq üçün
biliyi yaradan, yayan və istifadə edən iqtisadiyyatdır.
Elmlə istehsalın qarşılıqlı təsiri sayəsində yeni rəqabət forması yaranmağa
başladı. Hal-hazırda yeni elmtutumlu texnologiyaları istehsalda mənimsəməyən
müəssisələr dünya bazarlarında rəqabət apara bilməz. Deməli, müəssisələrin inkişaf
strategiyasının işlənilməsində nəzərə alınacaq ən vacib şərt – elmi yeniliklərin və
elmtutumlu texnologiyaların istehsala tətbiqi olmalıdır.
İnnovasiyalı iqtisadiyyatın hər bir ölkənin inkişafındakı yerini anlamaq üçün
P.Drukerin dediyi bir kəlamı xatırlamaq kifayətdir: ―Gələcəkdə dünyada varlı yaxud
kasıb ölkələr anlayışı olmayacaqdır. İnnovasiyaya üstünlük verən ölkələr və ona
diqqət yetirməyən ―inamsız‖ ölkələr olacaqdır‖. İqtisadiyyatın innovasiya yönümlü
inkişafı ilə yaxından tanış olmaq üçün: innovasiya, onun sürətləndirilməsində xüsusi
rol oynayan elmi parklar (texniki parklar, kiçik biznes inkubatorları, texnopolislər),
―fundamental elmi – tətbiqi, elm – istehsal əlaqələrinin müasir təşkili formaları və
başqa bu kimi anlayışlarla və məfhumlarla tanış olmağı vacib hesab etmək olar.
22
Hal-hazırda dünyanın inkişaf etmiş ölkələrində ÜDM-in artımının böyük hissəsi
elmtutumlu malların və texnologiyaların payına düşür. Son illərdə ABŞ, Qərbi
Avropa, Yaponiya, Hindistan, Çin həmçinin Cənubi Koreya, Sinqapur və s. kimi yeni
industrial ölkələrin iqtisadi artımı əsasən innovasiya infrastrukturlarının inkişafı ilə
əlaqədardır.
Biz yeni iqtisadiyyat haqqında son zamanlar çox eşidirik. Yeni iqtisadiyyat
əsasən 1990-cı ildən yüksək texnolji inkişaf nəticəsində internetin və yüksək sürətli
komputerlərin inkişafı və yayılması səbəb olmuşdur. Yeni iqtisadi dövr informasiya
dövrüdür.
Yeni İqtisadiyyat, yeni çıxan texnologiyaların davam edən iqtisadiyyata təsirini
təsvir edən bir sözdür. Tekstil ağırlıqlı sənaye istehsalın geniş olduğu 1800-cü illərin
sonlarında avtomobil, elektrik enerjisi və sonradan radio, telefon və TV kimi yeni
ixtiraların çıxması ilə başlayan dövrü təsvir edir.
Müasir dövrün yeni iqtisadiyyatı, informasiya cəmiyyəti, informasiya istehsalı,
yaradıcılıq, informasiya kimi anlayışlarla əlaqələndirilir. Yeni iqtisadiyyat həqiqətən
də informasiya və biliyin məhsulu yeni texnologiyaları istifadə edir və bu yeni
texnologiyalar iqtisadiyyatın hər sahəsində səmərə artırır.
Bundan başqa, yeni iqtisadiyyat inkişaf etmiş ölkələrin güzəştli vəziyyətini daha
da inkişaf etdirmələrini asanlaşdırdığı üçün, inkişaf etməkdə olan ölkələrə eyni
dərəcədə töhfə vermədiyi də düşünülməkdədir.
Yeni iqtisadiyyat informasiya iqtisadiyyatıdır. Yeni iqtisadiyyatda informasiya
həm keyfiyyət, həm də kəmiyyət baxımından daha əvvəlki dövrdə istifadə edilən
daxilolmalardan daha əhəmiyyətli hala gəlir. Məlumat, sanki əmək və kapitaldan daha
əhəmiyyətli yeganə istehsal faktoru halına gəlir. Bu səbəblə yeni iqtisadiyyatın ən
mühüm xüsusiyyətlərindən biri bütün iqtisadi fəaliyyətlərə informasiyanın inteqrasiya
edilməsi, başqa sözlə iqtisadi fəaliyyətlərdə məlumat intensivliyinin nisbi olaraq
əhəmiyyətli dərəcədə artmasıdır. İnformasiya ticarəti və informasiya mal və
Dostları ilə paylaş: |