.
464
Lakin G.V. Plexanov eyni zamanda incəsənətin bu
və ya digər formalarının əmək prosesində yarandığını da
deyirdi. Onun fikrincə, rəqs və mahnı ibtidai insanın əmək
prosesində yaranır və onu müşayiət edir. G.V. Plexanov
yazırdı ki, “ibtidai xalqlarda həmişə iş vaxtı bir hava oxu-
nur. Melodiya burada ikinci dərəcəli bir şeydir, mətn həm-
çinin. Ən başlıcası ritmdir. Mahnının ritmi eynilə işin rit-
mini təkrar edir. Musiqi də öz mənbəyi etibarı ilə əməyə
borcludur”.
Buradan belə nəticə çıxır ki, əmək fəaliyyəti ilə bəra-
bər ona uygun gələn incəsənət növü də yaranır. Doğrudan
da, insan əmək fəaliyyəti prosesində gördüyü işin xarakte-
rinə uyğun olaraq mahnı oxuya bilər. Əgər söhbət ibtidai
ovçuların əmək fəaliyyətindən gedirsə, günlərlə pusquda
dayanıb ov gözləyən ovçunun mahnı oxuması və ya həmin
prosesdə rəqs etməsi ağlabatan deyil. Ovçunu ritmik hərə-
kətlər etməyə, ovsun mahnıları oxumağa vadar edən ilkin
istək, onun fövqəltəbii inamından irəli gəlir. Fövqəltəbii
inam əmək prosesində bəhrələnmək marağından doğsa da,
xüsusi halda, ənənə və mərasim şəklində icra olunmuşdur.
İspaniyanın Altamira mağarasında, Fransanın Mon
de Qom mağarasında, Qobustan qayalarında və s. yerlərdə
aşkar olunmuş qədim təsvirlər və dünyanın başqa yerlərin-
dəki ibtidai rəsmlər üzərində aparılan tədqiqatlar sübut
edir ki, ac qalmaq qorxusu insanları fövqəltəbii olaraq dü-
şünməyə və hərəkətlər etməyə məcbur etmişdir. Həyat uğ-
runda mübarizə onların fəaliyyətini istiqamətləndirmiş, di-
ni inanclarla zənginləşdirmişdir. İnsanlar özlərinin hiss və
duyğularını bəhrələnmək istədiyi hadisəyə və predmetə
ilahi ümidlə yönəltmişlər. Bunun da nəticəsində təkrarla-
nan vərdişlər, fövqəltəbii məqsədə xidmət edən hərəkətlər
.
465
ənənəvi hal almışdır. Ənənəvi xarakter daşıyan fəaliyyət
prosesi isə öz növbəsində adət və mərasimlərin, bayram
təntənələrinin yaranmasına səbəb olmuşdur.
Təbii ki, adət və ənənələr ictimai formasiyaların xa-
rakterinə uyğun olaraq modernləşməyə məruz qalmışlar.
Lakin ailə və məişətlə, təbiətlə, hissi aləmlə, peşə vərdiş-
ləri ilə bağlı olan adət və ənənələrdə mühafizəkarlıq bütün
quruluşlarda üstünlük təşkil etmiş, onlar formaca müəyyən
dəyişikliklərə uğrasalar da, mahiyyətcə varislikdən imtina
etməmiş, ilkin məzmunu qoruyub saxlaya bilmişlər. Bu
cəhət adət və ənənələrin bədii-emosional elementlərinin
unudulmasında, nəsildən-nəslə ötürülməməsində özünü
büruzə vermişdir.
Sovet kommunist ideologiyası və ona xidmət edən
elmi mənbələr adət və ənənələrdə varisliyin mövcudluğu-
nu, köhnənin yeni ilə əvəz olunmasının labüdlüyünü iddia
edirdi. Məsələn, O. Abdullayev “Sosial fəallıq və yeni
adət-ənənələr” adlı kitabında vazırdı ki, hər bir yeni icti-
mai quruluş, keçmiş ənənələrdən özünə lazım olanlarını
götürmək, onları “özünküləşdirmək” şərti ilə keçmiş cə-
miyyətlərin adət-ənənələrindən təmizlənir, öz adət- ənənə-
lərini yaradır və inkişaf etdirir. Bunlar yeni adətlər və ənə-
nələrdir.
Proletkultçular isə XX yüzilliyin 20-ci illərində keç-
mişin bütün mənəvi və maddi sərvətlərindən, tarixi varis-
likdən imtina edib, “açıq səhrada” proletar mədəniyyəti
yaratmaq fıkrinə düşmüşdülər. Lakin nə proletkultçular,
nə də sonrakı dövrlərin sovet ideoloqları xalqların qədim
mədəni irsini, onların bədii-hissi ənənələrini yox edə bil-
mədilər. Keçmişin müxtəlif bayram və mərasimləri ən
.
466
amansız təzyiq və təqiblərə məruz qalsalar da, yaşadılar.
Sovet həyat tərzi isə çox asanlıqla dağıldı.
122
Hər bir xalqın və millətin özünəməxsus yaradıcılıq
ənənələri, estetik düşüncə tərzi vardır. Dini və siyasi-icti-
mai quruluşlardan asılı olmayaraq xalqlar və millətlər öz
ənənələrinə, məşğuliyyət vərdişlərinə daima sadiq qalmış-
lar. Buna Bayıl daşları üzərindəki süjetli pannoları da
misal göstərmək olar. İslam dininin cəmiyyətə daha dərin-
dən müdaxilə etdiyi bir dövrdə Bayıl daşları üzərində canlı
məxluqların təsvirləri ilə yanaşı, əfsanəvi − mifık obraz-
lara da təsadüf edirik. Həmin daşlar üzərində aslan bədən-
li, qadın başlı, qanadlı sfinkslər, qartal başlı, aslan gövdəli
qrifonlar və Vaq-vaq adlı gövdəli bitki, budaqlarından
canlıların baş hissəsi asılmış şəkillər təsvir edilmişdir.
123
İncəsənətdə yaradıcılıq ənənələrinin davam etdiril-
məsinin və təkamülünün əsas amillərindən biri də mövcud
ictimai quruluşun iqtisadi imkanlarıdır. Təbii ki, iqtisadi
imkanları geniş olan bir cəmiyyətdə yaradıcılıq tarazlığını
da insanlar arasında əmin-amanlığı da qoruyub saxlamaq
mümkündür. İqtisadi zəmində sənətkarın maddi təminat
mühiti formalaşdıqda onun yaradıcılıq imkanları da artır.
Xüsusilə, təsviri incəsənət və dekorativ-tətbiqi sənət mad-
di materiallar əsasında gerçəkləşir. Məsələn, bədii toxucu-
luqla məşğul olanlar üçün dəzgah, sap, rəng və s. material-
lar tələb olunur. Zərgərlik, misgərlik və s. sənət sahələrin-
də də yaradıcılığın imkanları maddi imkanla vəhdət təşkil
edir.
122
İlqar Hüseynov,Tural Əfəndiyev. Kulturologiya tarixi. Bakı, Mars-Print,
2012. səh.82
123
İlqar Hüseynov,Tural Əfəndiyev. Kulturologiya tarixi. Bakı, Mars-Print,
2012. Səh.141
Dostları ilə paylaş: |