80
-
Neyləmək istəyirsən?
Sonra cavab gözləmədən əlavə etdi: - Subay-salıq oğlansan gəl otur maşına
gedək.
Onun bu ərkli dəvətindən keçə bilmədim. Özümü arxada əyləşmiş üç
müəllimin arasına zorla dürtdüm. Gəlib çıxdıq Zoopark adlanan ərazidəki bir
kababxanaya. Məclisdə bir az sıxıldığımı görən Zabit müəllim ara-sıra mənə ürək-
dirək verirdi ki, əməlli ye-iç, sən mənim fəxri qonağımsan!... Bir məqamda stoldan
aralaşmalı oldum. Yenidən stolumuza yaxınlaşanda qulağım çaldı ki,
məclisdəkilərdən biri Zabit müəllimə üzünü tutub deyir:
-
Ay Zabit, bunu boğazımıza calamaq haradan ağlına gəldi.
Zabit cavab verdi ki, siz narahat olmayın o mənlikdir.
Başa
düşdüm ki, deyəsən yoldaşlar rus demiş “sabrazim” ediblər. Özümü o
yerə qoymayıb yerimdə əyləşdim. Təsadüfən cibimdə kifayət qədər pul vardı.
Məclisin axırına yaxın yenə qalxıb xəlvətcə ofisiantı kənara çəkib hesabı bağladım
və kimin verdiyini deməməsini xahiş etdim. Bir azdan hesabı almaq üçün ofisiantı
çağırdılar və o da dedi ki, hesabınız çatıb. Hamı bir-birinin üzünə baxdı ki, görəsən
kim verib? Ətrafdakı stollarda əyləşmiş adamlara göz gəzdirdilər və müxtəlif
gümanlara düşdülər. Axırda ofisiantı yenə çağırmalı oldular. Zabit müəllim
amiranə şəkildə ona müraciət etdi:
-Ya hesabı kimin ödədiyini deyəcəksən, ya da qaytarıb özümüz verəcəyik.
Ofisiant əlacsız üzümə baxıb barmağını mənə tuşladı:
- Əşi kim verəcək, budey bu cavan oğlan verdi.
Zabit müəllimin qəhqəhəsi qulağımı batırdı:
- Ə Kamil, sən verdin? Ə belə əcəb elədin, lap yaxşı elədin! Ə durun
getdik
81
- Durub dağılışdıq. Məni Zabit müəllim aralaşmağa qoymadı. Əvvəl
dediklərini bir az əlavə ilə yenə təkrar əlavə etdi. Əlini cibinə salıb iki əlli manatlıq
çıxarıb köynəyimin döş cibinə soxmaq istəyəndə əlini tutdum:
- Sən allah məni sındırma, yenə pulum var...
Çıxarıb qalan pullarımı da göstərəndən sonra əmin oldu və şərt kəsdi:
-
Onda söz ver ki, bir də mən olan yerdə əlini cibinə salmayacaqsan.
-
Söz verdim və o gündən Zabit müəllimin yanında əlimi cibimə salmağa
cəsarət etmədim.
Zabit müəllim Hatəm səxavətli bir insan idi. Dünyasını dəyişsə də, onu
sevən insanların, dostların ürəyində yeri heç zaman dəyişməyəcək.
Allah dünyasını dəyişən bütün dostlara rəhmət eləsin.
dos.Kamil BəĢirov
Dostum Zabit Məmmədova həsr olunur.
ZABĠTĠN
Səksən ildə
çox insanlar görmüşəm,
Onları özümə həmdəm bilmişəm,
Ülfət bağlayaraq ömür sürmüşəm,
Başqadır ülfəti qağa Zabitin.
Orta boylu,nəcib bədən bu insan,
Məlhəm olur imkansıza o,hər an,
Tanış oldun istəmirsən qaçasan,
Mehri dönür bala-yağa Zabitin.
82
Hatəmlikdə deyin, ona tay hanı?
Comərtlikdə valeh edir insanı,
Dost-tanışı bürüyübdür dünyanı,
Bənzəri var barlı-bağa Zabitin.
Bu aqil Həmzənin dostu-sirdaşı,
Ehtiram göstərir hər addım başı,
Sevməmək olarmı belə qardaşı,
Qoy dönsün ürəyi dağa Zabitin
Dos.Həmzə Əliyev
Pedaqogika kafedrasının sabiq müdiri
13 aprel 2004-cü il
Nizami Suleymanov
Azərbaycan Dövlət İqtisad Universitet
“Azərbaycan tarixi” kafedrasının dosenti
Unutsaq unudularıq
İnsanın dünyaya gəlişi və dünyadan gedişi onun özündən asılı olmayan
qanunauyğunluqdur. İnsan doğulduğu gündən
Dünyadan köç etdiyi ana qədər ömür adlanan vaxtı necə yaşaması onun
ailəsindən, boya- başa çatdığı mühitdən, aldığı təlim- tərbiyədən, başlıcası isə
özünü dərk etməsindən asılıdır. Bu mənada insanın ömrü sevinc , kədər, çətinlik və
83
uğurlarla zəngin olan bir kitaba bənzəyir. Bu kitabı hər kəs özü yazır və yaşadığı
illərin sevincini, kədərini, nailiyyətlərini həmin kitabın səhifələrinə hopdurur.
1943-cü ildə Azərbaycanın dilbər guşələrindən olan, qədim mədəniyyət
mərkəzi İsmayıllıda dünyaya göz açan Zabit müəllimin həyatı məhz belə təzadlarla
dolu olan bir kitabdır.
Bu kitabın nəinki bütün səhifələri, hətta bəzi sətirləri ilə tanış olduqda onun
səbrinə, dözümünə, işgüzarlığına, ülviliyinə hörmət etməmək olmur. Onun
ailəsində böyüyə hörmət, ata- anaya məhəbbət, qayğı, düzlük, doğruçuluq, ailənin
şərəf və ləyaqətini həssəslıqla qorumaq kimi Azərbaycançılığa xas olan qaydalar
hökm sürürdü. Zabit də
belə bir ailədə böyüyür, illər bir- birini əvəz edirdi.
Zabit Məmmədov hələ gənc yaşlarından həyatını ali məktəblə bağlayıb,
filoloq alim kimi dərs deməklə yanaşı respublikada keçirilən konfranslarda,
simpoziumlarda elmi çıxışları ilə diqqəti cəlb edirdi. O, gənc nəslə vətənpərvərlik,
humanistlik, obyektivlik, mənəvi təmizlik ruhu aşılayırdı. İşlədiyi ADPU-nun
ictimai- siyasi həyatında həmişə fəal iştirak edir, dərs dediyi tələbələrə böyük
diqqət və qayğı ilə yanaşırdı.
Zabit müəllim respublikamızın tanınmış ziyalılarından idi. Nəcib, xeyirxah,
saf qəlbli insan kimi dostların qohumların, işlədiyi kollektivin, onu tanıyanların
hörmətini qazanmışdı. Zabit müəllim səmimi dost, əsl vətəndaş, yüksək erudisiyalı
insan, istedadlı alim, gözəl müəllim, nümunəvi ailə başçısı, insanlarla ünsiyyət
qurmağa qabil şəxsiyyət kimi onu tanıyanların qəlbində özünə abidə ucaltmağı
bacara bilmişdi.
Şəxsən mən Zabit müəllimi ilk günlərdən yüksək insani keyfiyyətləri özündə
birləşdirən bir ziyalı kimi tanımışam. Yəqin ki, onun haqqında yazanların hamısı
bu fikirdə olacaqlar, onu ləyaqətli bir alim kimi xarakterizə edəcəklər.
Zabit müəllimi insanlara sevdirən xüsusiyyətlərindən biri də milli adət-
ənənələrimizə, soy- kökümüzə bağlılıq, ağsaqqala, ağbirçəyə hörmət, uşaqlara
məhəbbət idi. Mən onunla tez- tez əlaqə saxlayırdım. Hər dəfə mənə yaxın
insanları bir - bir soruşar, onların vəziyyəti ilə maraqlanardı. Onun daxilində
insanlara sevgi və məhəbbət var idi.
ƏSL İNSAN! Bu ifadənin həqiqi tutumunu, sanbalını yalnız yüksək zəka və
idrak sahibləri, şərəf və ləyaqəti uca olanlar, mənəvi nemətləri maddi nemətlərdən
üstün tutanlar daha yaxşı dərk edə bilərlər. Zabit müəllimin bir xoşbəxtliyi də onda
idi ki, o, bu keyfiyyətlərə sahib olan ziyalılarla əhatə olunmuşdu. Bu məntiqə
əsaslanaraq cəsarətlə demək mümkündür ki, haqqın dərgahına qovuşan Zabit
müəllim insanlıq yükünü cismani ömrünün axırına qədər ləyaqətlə daşıyan
insanlardandır.
Bu da həqiqətdir ki, eyni vaxtda gözəl mütəxəssis və gözəl insan olmaq heç
də hamıya qismət olmur. Onun şəxsi keyfiyyətlərini xatırlamaqla əsl insan
xarakterinin bütün cizgilərini özündə cəmləşdirdiyini görmək mümkündür.
Kimliyindən asılı olmayaraq Zabit müəllimi tanıyanlar onun haqqında eyni
sözü deyir: Zabit müəllim yaxşı insan idi! Düyada ən çətin iş yaxşılıq etməkdir.
İnsan həyatı boyu bir – birinin əksi olan iki məfhumla - xeyirxahlıq və bədxahlıqla
üzləşir. Mütəfəkkirlərimizdən birinin təbirincə desək, dünyada insan üçün ən