bağlanmasının bir səbəbi də elə Mədinənin özünün istiqanlılığı, elmliliyi
və ciddiliyi idi.
Mədinəni elə belə ağaclar altında oturan, parkda gəzişən
görməzdin. Hava qaralan təki otağına çəkilib kitablardan yapışardı.
Teymur yuxarı mərtəbənin işıqlı pəncərələrindən qalın pərdələr
arxasında elə bil, ana ilə balanın nə işlə məşğul olduğunu görürdü.
Kəmalə yerinə girən kimi yuxulayır, Mədinə də gözləri yumulunca kitab
oxuyurdu.
Teymurla rastlaşanda yanından onu heç görmürmüş kimi
ötürdü. İstirahət evində çox qadının diqqət mərkəzində olduğunu, xoşa
gəldiyini bilən Teymur Mədinənin ona nə münasibət bəslədiyini
bilmirdi. Əlbəttə, Teymur da onunla salamlaşmırdı. Ancaq onun qeyri-
adi bir aləmdə dolaşdığını, onun əhatəsində hər şeyin gözəlləşdiyini,
hətta
udduğu
havanın
da
adi
olmadığını
düşünürdü.
Onun
cazibədarlığında alovlu məhəbbət, həm də saflıq, sədaqət vəd edən nəsə
vardı. Onun düşdüyü otaq da, oturduğu skamya da, əli dəydiyi nə
vardısa, hamısı, elə bil, sehirliydi. Qəribəsi bu idi ki, onun Mədinəyə
olan münasibəti anasına, ev adamına olan münasibətə bənzəyirdi.
Teymur onu uzaqdan- uzağa özünün doğması bilirdi.
Onun təbiətində özlərini gözə soxmaya çalışan, rəqs
olduğunu biləndə gündə bir neçə dəfə yuyunub, bəzənib – düzənən,
ətirlənən, yaxalarını az qala bellərinə qədər açıq qoyan, axşamlar ağaclar
altında, qaranlıqda sərxoş kimi xumarlana-
xumarlana kişilərin
boynundan sallanan qadınlardan, qızlardan fərqli olaraq rəğbət doğuran
elə şahanə bir qurur vardı ki, bunu sezməmək mümkün deyildi.
Mədinə uşaqla gəlsə də tək idi. O, ərdə idimi, ərdə
deyildimi, bu barədə adamlarla danışmadığından Teymur heç nə
bilmirdi. Əvvəla, belə cazibədar, həm də ağıllı bir qadının sahibsiz
olması ağlabatan deyildi. Digər tərəfdən azərbaycanlı ərin az yaşlı
uşağıyla cavan arvadının təkbaşına istirahətə getməsinə razılıq verməsi
də inandırıcı görünmürdü.
Onun ərindən ayrıldığını Teymur elə həmin axşam
Raufdan öyrəndi. Ancaq Mədinə tək olduğunu heç nə ilə biruzə vermirdi.
Bütün bunlara baxmayaraq onun iztirab çəkdiyi, bərk darıxdığı, bir yerdə
qərar tuta bilməməyi diqqətli, fəhmli gözlərdən yayınmırdı. Teymur
əmin idi ki, Mədinə onu görürdü. Burada Teymurun ancaq və ancaq ona
görə yubandığını da bilirdi. Həm də Teymur özünə arxayın idi. Hələ ona
“yox” deyən olmamışdı.
Bir dəfə Teymur onunla salamlaşdı. Mədinə salamı
özünəməxsus ləyaqətlə aldı,ancaq Teymurun onun üzündə, gözlərində
ilişib qalan, heç cür qopmaq istəməyən baxışlarını, elə bil, heç görmədi,
yaxud da görmək istəmədi. Mədinə ona sonralar da gözünün ucuyla da
baxmadı. Teymur Mədinə üçün onlarla kişinin içərisində heç nə ilə
seçilməyən adi bir adam olduğunu duydu. Amma yenə də inadından
dönmədi.
Mədinə, ümumiyyətlə, başını qaldırıb heç kimə, heç nəyə
baxmaq fikrində deyildi. Onun bu xüsusiyyəti Bakıda da dəyişmirdi. O
öz içində qərara gəlmiş qətiyyətli, qüvvətli, sərt, güzəştsiz adamı
xatırladırdı.
O, Teymura heç bir hərəkəti ilə “məndən kənar ol”, yaxud
“əl çək” demirdi. Teymur onun həndəvərliyində vurnuxanda da
əsəbiləşib narahat olmurdu. Onun ətrafındakı laqeydlik dumanı çox qatı
idi. Mədinənin bütün həyatı, uşaqlığından başlayaraq indisinə qədər
Teymuru maraqlandırırdı. Onun nə vaxtsa kiməsə məxsus olması barədə
sakit, həyəcansız fikirləşə bilmirdi. Hələ heç bir haqqı çatmadığı bu
qadını keçmişinə, üzünü görmədiyi ərinə qısqanırdı. Qəzəbindən bütün
günü özünə gələ bilmirdi. Odur ki, onun keçmişini öyrənmək fikrindən
birdəfəlik daşındı. Mədinə elə bu cür də xoşuna gəlirdi. Teymur onu da
hiss edirdi ki, öz keçmişi ilə Mədinə çoxdan vidalaşıb və bu keçmiş, o
adam onun yaddaşında heç nə ilə qalmayıb.
Mədinənin keçmişindən canlı bir xatirə Kəmaləydi ki,
Mədinə Teymurun xoşuna elə bu uşaqla bir yerdə gəlirdi. Kim bilir,
bəlkə Kəmalə olmasaydı onda Teymur Mədinəni daha yaxından tanıya
bilməyəcəkdi. Kəmalə həm də anasının hər bir ovqatını, əhvalını,
sevincini, kədərini, arzularını, duyğularını özündə əks etdirən güzgüydü.
Bu güzgüyə baxanda Teymur Mədinənin dünyasını lap aydın görür,
qəlbinin döyüntülərini lap yaxından eşidirdi.
Mədinə ruhən də güclüydü. Təkcə öz istək və arzularının
deyil, hətta Teymurun da çovlan edən hiss və duyğularının öhtəsindən o
bədənin sahibi imiş kimi məharətlə gəlir, onu özünün dəmir iradəsinə
tabe edirdi. Qarşısında müti və aciz olduğu adam vardısa, o da bu kiçik
qızcığazdı. O, Mədinəni xasiyyətinin əksinə getməyə vadar edir, istədiyi
kimi incidir, bütünlüklə özünə tabe edirdi.
Mədinəni qəfəsindən dörd divar arasından çıxaran da
Kəmalə idi. O qızcığazın xatirinə bağda ağaclar altında oturur, dənizdə
çimir, şəhərə çıxır, rəqsə gedirdi. Teymur da Mədinəni ancaq bu vaxtlar
görürdü. Bəlkə elə buna görə də bu balaca qızcığaza həddsiz minnətdar
idi. Həm də Kəmalə elə məsum, elə sevimli idi ki, ona laqeyd olmaq da
mümkün deyildi.
Teymur uşağın da sıxıntı keçirtdiyinin şahidi olurdu. Bu
onun həmyaşlarının ataları ilə söhbətləri zamanı daha çox nəzərə
çarpırdı. Uşağın üzündən yaşına yaraşmayan qayğı, pərişanlıq oxunurdu.
O, bu kişilərin öz uşaqlarına necə qayğı göstərdiklərinə göz qoyur, sonra
dərindən köks ötürərək anasına sarı qaçırdı. Hələ uşaq olsa da tərslik və
dözümlülükdə də eyni ilə anası idi. Qayıqda gəzmək, karuselə minmək
istəsə də arzusunu bildirməzdi. Çox çəkingən idi. Xüsusilə kişilərdən
qaçardı. Amma Teymurla tez dostlaşdılar. Kəmalə, nə üçünsə, hər yerdə
tez-tez qabağına çıxan bircə bu “əmi”- nin üzünə gülümsədi. Onun özünə
sarı uzanan əlindən tutdu, birlikdə karuselə minmək təklifini rədd
etmədi.
Kəmalə həm rus, həm də ana dilində yaşınaməxsus
sərbəst danışırdı. Hiss olunurdu ki, Mədinə ona hər iki dili eyni vaxtda
yaxşı öyrətməyə çalışır. Teymur onu azərbaycan dilində dindirdiyindən,
Kəmalə də onunla bu dildə danışırdı.
Mədinə ilə ilk kəlməni Kəmalənin qayığa minmək
arzusu ilə əlaqədar kəsdilər. Çimərlikdə Teymurla Virqa qayığa minib
dənizə çıxmaq istəyirdilər. Hardansa Kəmalə gəldi: “- Mən də
istəyirəm”, - azərbaycanca Teymura bildirdi. “-Yaxşı, gəl, otur”, -
Teymur qayığın ortasındakı oturacağı Kəmalə üçün rahladı. “-Qoy
gedim anamdan soruşum” – uşaq sevincək anasına sarı qaçdı. Qızcığazın
kəlməsi çox uzun çəkdi. Buna hətta Virqa hirsləndi də: ”- İndi ki, bu
uşaqla getmək sənə çox maraqlıdır, buyur get” – deyib qayıqdan düşdü.
Virqa yəqin gözləyirdi ki, Teymur onun könlünü alıb birlikdə getməyə
razı salacaq. Ancaq Teymur buna səy etmədi. “Bəlkə uşağın xatirinə
Mədinə özü də qayığa oturdu” ürəyindən keçirtdi. Amma səhv etmişdi.
Uzun kipriklərinin bir-birinə
qovuşmasından, üzünün
qızarmasından Kəmalənin ağladığı hiss olunurdu. Görünür icazə almaq
ona elə də asan başa gəlməmişdi. Ancaq buna baxmayaraq qızcığaz anası
ilə mübarizədə qalib çıxmışdı. Hətta Mədinəni gərgin vəziyyətdə
qoyaraq özü ilə çəkib gətirmişdi.
Dostları ilə paylaş: |