62
-
Işə qəbul olunan gənclərə qayğı ilə yanaşmaq, onların ixtisas dərəcəsinin
yüksəldilməsinə, müəssisədə onların mənəvi cəhətdən yüksəlməsinə kömək
etmək;
-
Sex rəislərinin, növbə ustalarının gənclərə qarşı məsuliyyətini gücləndirmək,
istər işdə və istərsə də işdən sonra ehtiyaclarını öyrənmək və kömək etmək;
-
Qadınlara şəxsi gigiyena qaydalarına riayət etmək üçün xüsusi yerlər ayırmaq;
-
Ardıcıl olaraq kadrların ixtisasının artırılmasını təşkil etmək və onun
keyfiyyətinin yaxşılaşmasına nəzarət etmək;
-
Fəhlə və xidmətçilər arasında vaxtaşırı əmək-tərbiyə tədbirləri keçirmək,
ümumi və peşə xəstəlikləri haqqında mühazirələr oxumaq, iş şəraitini
yaxşılaşdırmaq, peşə xəstəliklərinə səbəb olan amilləri ləğv etmək:
-
Kadrlar axıcılığı ilə səmərəli mübarizə aparılmasında ilk növbədə müəssisə
rəhbərləri və ictimai təşkilatçıların məsuliyyətini artırmaq.
Yuxarıdakı tədbirlərin həyata keçirilməsi məqsədilə və ardıcıl ictimai tədqiqat
aparılması üçün müəssisələrdə əmək və sosial-psixoloji idarəetmə problemləri üzrə
xüsusi xidmət bölmələri yaratmaq məqsədəuyğun olardı.
63
FƏSİL III. ƏMƏK KOLLEKTİVLƏRİNDƏ ƏLVERİŞLİ-PSİXOLOJİ
MÜHİTİN FORMALAŞMASI VƏ ONUN ƏMƏYİN SƏMƏRƏLİLİYİNƏ
TƏSİRİ
3.1. Kollektivə rəhbərliyin sosial-psixoloji aspekti və rəhbərlik üslubunun
optimallaşdırılmasının əməyin səmərəliliyinə təsiri
Idarəetmə fəaliyyəti sosial-psixoloji hadisə və proseslərlə əlaqədardır. Hətta
yeni texnikanın, səmərəli iş üsullarının tətbiqindən tutmuş idarəçilik qanunlarının
qəbul edilməsi, kadrların seçilməsi, işçilərin maddi və mənəvi həvəsləndirilməsinə
qədər olan hər bir tədbir sosioloji-psixoloji cəhətdən əsaslandırılmalıdır. Sosioloji-
psixoloji amillərin kifayət qədər nəzərə alınmaması bir çox kollektvlərdə psixoloji
maneələrin əmələ gəlməsi üçün şərait yarada bilir. Cəmiyyətin, ictimai həyatın
demokratikləşməsi, insan amili ilə əlaqədar məsələlərə elmi baxımdan yanaşmağı,
obyektiv amillərlə subyektiv amillərin daha dolğun və optimal halda
əlaqələndirməyi tələb edir. Burada idarəetmənin iqtisadi-təşkilati, inzibati-
sərəncam və psixoloji-emosional, mənəvi-etik və pedaqoji cəhətlərinin də
əlaqələndirilməsinin böyük əhəmiyyəti vardır. Çünki iadrəetmə fəaliyyəti, birinci
növbədə adamlarla aparılan işlərdən başlayır və bilavasitə onunla bağlı olur.
Adamların, şəxslərin idarə edilməsi sosioloji idarəetmənin başlıca formasıdır.
Çünki idarəetmə orqanı, rəhbərlik əməyi üçün insan fəaliyyəti başlıca obyektdir.
Bəzi müəlliflər insanı haqlı olaraq “mikrosistem” adlandırırlar. Idarəetmə bir
sistem olmaq etibarilə iki yarım sistemdən – idarə edən və idarə olunan
sistemlərdən ibarətdir. Insan sosial idarəetmədə, hər iki yarım sistemdə iştirak edir.
Ona görə də rəhbərlik edən və idarə olunan sistemlər də xeyli dərəcədə subyektiv
amillərin özünün qarşılıqlı əlaqəsi və təsirindən asılı olur. Sənayecə inkişaf etmiş
xarici ölkələr, o cümlədən ABŞ, Avropa, Yaponiya, Türkiyə və digər əlaqələrdə
idarəetmənin sosioloji, psixoloji amillərinə böyük əhəmiyyət verilir. Idarəetmə
prosesində rəhbər işçilərlə tabeçilikdə olan adamlar, sosial qruplar, siyasi liderlər
arasında mürəkkəb sosioloji-psixoloji kommunikativ əlaqələr və münasibətlər
yaranır. Lakin bu əlaqələr səbəbsiz olmur, nəticəsiz qalmır, adamların
psixologiyasına təsir göstərir, digər tərəfdən isə psixi proseslərə, təsəvvürə,
64
təfəkkürə, diqqətə, iradəyə, habelə şəxsiyyətin psixi xassəsinə, temperamentinə,
xarakterə, qabiliyyətə, müxtəlif tələbat və motivlərə və sair mühüm təsir edir. Ona
görə də idarəetmə prosesi fərdlərin psixologiyası ilə yanaşı liderlərin, kiçik qrup və
kollektivlərin psixologiyasını da bilməyi, ona dərindən nüfuz etməyi tələb edir. Bu
və ya digər psixi xassə bütün adamlarda, eyni səviyyədə olmur. Adamlar həm də
məhz bu cəhətə görə bir-birindən fərqlənirlər. Lakin həmin psixi xassələr və
proseslər bəzilərinin düşündüyü kimi heç də tamamilə tənzim olunmaz,
idarəedilməz deyildir. Idarə rəhbərləri işçilərin psixi vəziyyətini (emosiyanı, əhval-
ruhiyyəsini, həyat fəaliyyətini və s.) psixi xüsusiyyətlərini bilərək onu şəxsi
məqsədlər naminə bir növ “tənzim olunan” obyektə çevirə bilirlər, belə qaydada
“səmərəli kollektiv” fəaliyyətini özləri üçün istifadə etmək imkanına malik olurlar,
həm də bəzən öz psixoloji xüsusiyyətlərinə uyğun gələn bir növ elastik, dəyişkən,
“yumşaq” xasiyyətə malik olan adamları da öz ətrafına toplaya bilirlər. əslində bu
da idarəetmə psixologiyası sistemində bir fəaliyyət növüdür. Lakin şüurlu
idarəetmə ən yaxşı psixoloji keyfiyyətlərin, sağlam psixoloji əsasların, özəklərin
nəzərə alınmasını nəzərdə tutur. Insanın psixi fəaliyyətinin ən alisi olan şüurluluq
səviyyəsini psixoloji amillərdən kənarda təsəvvür etmək olmaz. Ona görə də
idarəçilik prosesində şüurluluq kateqoriyasına və psixoloji xassə və vəziyyətlərə
sistem halında, kompleks amillərin təhlili əsasında yanaşmaq lazımdır. Demək,
iadrəetmə psixologiyası psixoloji xassə və xüsusiyyətlərlə yanaşı rəhbər işçinin
xidmət etikası, mənəvi və siyasi mədəniyyəti, peşə etikası, normal sosioloji-
psixoloji şərait və habelə kadrların seçilməsi və yerləşdirilməsində zəruri tələblərə
ciddi əməl olunması ilə də üzvü şəkildə əlaqədardır. Idarəetmə münasibətlərinin
sağlamlaşdırılması bu sferada elmi metod və prinsiplərin geniş tətbiq edilməsinə,
rəhbər işçilərin, hər bir idarə aparatı işçisinin fəaliyyətini məqsədyönlü işlərə
yönəltməyə, idarəetmə fəaliyyətində nöqsanlara, qeyri-qanuni hallara yol
verməməyə, idarəetmə sisteminin, orqanlarının yüksək humanist-əxlaqi səciyyə
daşımasına, onu keyfiyyətcə yeni əsaslar üzrə qurmağa imkan verir. Insanların
şüuru kimi onların psixologiyası, sosial təfəkkürü də müxtəlif olur. Məsələn, eyni
bir emosional situasiya bir adamda gərgin psixoloji vəziyyət, nifrət hissi oyadırsa,