65
narahatçılıq doğurursa digərində sevincə, bəlkə də zövqə səbəb olur. Rəhbər
işçinin sosioloji-psixoloji məsələləri, təşkilatçılıq funksiyasını müvəffəqiyyətlə icra
edə bilməsi üçün psixologiyanın, sosiologiyanın prinsip və metodlarını bilməsi
zərurətdir. Bu, adamlarla canlı yaradıcı iş aparmağa, onu şablon, yerli-yersiz
inzibati tədbirlərlə əvəz etməyə qoymaz, idarəetmə prosesində lazımsız olan
gərginliyin azaldılmasına imkan verə bilər. Müasir keçid dövrü, böhranlı situasiya,
müharibə şəraiti, müxtəlif xarakterli güclü informasiya axını, hər bir iş yerində,
adamlarda iş üçün məsuliyyət hissini, zehni fəallığı, əsəbi gərginliyi xeyli dərəcədə
artırır. Ona görə də idarəetmədə lüzumsuz, əlavə gərginlik həmin vəziyyəti daha da
kəskinləşdirə bilər. Indi idarəetmə sistemində belə fərsiz, bacarıqsız rəhbər işçi
işləri korlaya bilər, öz mədəniyyətsiz və kobud hərəkətləri ilə “psixoloji mühiti”
kəskinləşdirə bilər. Rəhbər işçidə şəxsi mədəni davranış olmalıdır.
Şəxsi mənəvi mədəniyyət işçinin diqqətçiliyi, adamlarla xoşrəftar, özünü
düzgün idarə edə bilməsidir. Davranış mədəniyyəti isə şəxsiyyətin mənəviyyat
normalarına əsaslanan gündəlik davranışın təzahür formasıdır, bu onun həyat tərzi
ilə əlaqədardır. Siyasi mədəniyyət də digər mədəniyyat növləri (mənəvi, bədii və
sair) ilə əlaqədardır. Bu, şəxsiyyətin siyasi, ictimai hadisələrə münasibəti, onun
siyasi fəaliyyəti, fəal həyat mövqeyi, siyasi şüuru ilə üzvü şəkildə əlaqədardır.
Bir sıra idarə və müəssisə rəhbərləri nöqsanları obyektiv tənqid edən işçiləri
işdən çıxarır və ya ciddi tənbeh edirlər. Idarəetmə təcrübəsində meydana çıxan belə
“prinsiplər” kollektivlərdə “psixoloji iqlimi” nəinki zəhərləyir, həm də adamları bir
növ çaş-baş salır, adamları hansı mövqedən çıxış etməsi istiqamətindən yayındırır,
yaxşını-pisdən, pisi-yaxşıdan ayırmağa imkan vermir. Belə ki, işçi bu və ya digər
davranışın və yaxud təşəbbüsün idarə müdirinin nə dərəcədə təmin edəcəyinə əmin
olmur. Bəs onda hansı meyarı əsas götürməlidir: idarə müdirinin, rəhbərliyin
mənafeyi, yoxsa bütövlükdə işlədiyi kollektivin, xalqın mənafeyi. Belə bir
anlaşılmazlıq, qeyri-müəyyənlik şəraitində rəhbərlik-tabeçilik münasibətləri daha
da kəskinləşə bilər, “özbaşınalıq prinsipi” geniş meydan alar, münaqişələr çoxalar,
hüquq normalarının və adi insanlıq normalarının kobud şəkildə pozulmasına gətirib
çıxara bilər. Bu hal kollektivdə təbii olaraq həmin rəhbərliyə etimadsızlıq və mənfi
66
emosional təsir hissi doğurar.bütün bunlar adamların şüuruna və psixologiyasına
ciddi zərər vurur, namuslu işçilərin demokratiyaya, mənəvi dəyərlərə, qanunlara
inamını sarsıdır. Ona görə də demokratik normalarımız və qaydalarımızın konkret
iş ilə möhkəmləndirilməsi, xidməti mövqedən neqativ hallar, himayəçilik,
yerliçilik, mənsəbpərəstlik məqsədləri üçün istifadə edilməsi faktlarına tamamilə
son qoyulmalıdır.
Mənsəbpərəstlik – həm də vəzifə xidməti sahəsində eqoizmin başlıca
formasıdır, şəraitdən (situasiyadan) asılı olaraq xəbis siyasət yeritmək, özünü hay-
küylə ümumi, işə, millətə sədaqətli kimi göstərməkdir. Lakin təəsüflə qeyd etmək
lazımdır ki, qəbul edilmiş ənənəyə görə “demaqoq” sözü rəhbərindən çox onları
tənqid edənlərə aid edilir. Bu elmi baxımdan tamamilə səhfdir. “Demaqoq” yunan
sözü olub, öz şəxsi məqsədləri üçün yalançı vədlər vermək, and içmək, özünü
zahirən xalqa sədaqətli göstərməklə onu ələ almaq kimi ikiüzlü siyasət yeritmək
mənasında işlədilir. Demək, bu anlayış daha çox vəzifəsi olana şamil edilməlidir.
Beləliklə, demoqrafiya nəinki idarəetmədə, siyasətdə də avantürizmin mühüm bir
təzahür formasıdır. Lakin bu sahədə elmi həqiqət sosioloji, psixoloji, hətta bədii
publisist ədəbiyyatımızda belə əsasən yanlış bir formada şərh edilmişdir. Insani
münasibətliyin gözəlliyi, nəcibliyi, onun sosial-psixoloji cəhətləri həmişə diqqət
mərkəzində olmalıdır. Ərizə və şikayətlərə qarşı biganəlik, insafsızlıq, ədalətsizlik,
kobudluq bəzən ən səbrli adamları belə hərəkətə gətirir. Azğınlıq, biganəlik və
yaxud təkəbbürlük isə adamların özünə qarşı tənqidi yanaşma hissini itirməsi, öz
qabiliyyətini, ləyaqət və xidmətini həddindən artıq şişirtməsi, bu və ya digər
məsələlər, hadisələr haqqında hamı tərəfindən qəbul olunmuş ümumi, saölam
fikirlər, təsəvvür və prinsiplərlə hüsablaşmamaq deməkdir. Nəzərə almaq lazımdır
ki, rəhbər işçi həmişə kollektivin, ictimaiyyətin diqqət mərkəzində, göz qabağında
olur. Bir rəhbər kimi onun hər bir hərəkəti, davranışı, adamları eşitmək və danışıq
qabiliyyəti cəhətdən idarəetmədə nümunə olmalıdır.
Psixoloji tarazlıq hər yerdə olmalıdır: rəhbərlik-tabeçilik münasibətlərində də,
vəzifəcə eyni səviyyədə olan şəxsiyyətlər arasında da. Tarzlığın etalonu sağlam və
elmi, mənəvi, iqtisadi-texniki norma və normativ göstəricilər və parametrlərdən
67
ibarət olmalıdır. Belə norma və normativlər, göstərici və parametrlər adamlar,
ictimai-iqtisadi proseslər, hadisələr arasında obyektiv qarşılıqlı münasibətlər
qaydasını təmin etməyə və həmin proseslər obyektiv bir halda idarə etməyə imkan
verə bilər.
Idarəetmə prosesi ilk növbədə müstəqil fəaliyyət göstərmək, müstəqil
təşəbbüslər irəli sürməklə əlaqədardır. Müstəqillik anlayışı mürəkkəb psixoloji
proseslər kompleksi olmaqla, rəhbər işçinin iradə heyyətini, necə deyərlər, özünə
sahib, məxsus olmasını, yiyələnməsini, cəsarətli olmasını, kifayət qədər
intellektual inkişaf səviyyəsinə malik olmasını göstərir. Demək, bu və ya digər
məsələni müstəqil qaydada həll etməyə cəhd etməsi, bu haqda özünün şəxsi
fikrinin olması rəhbər işçinin fərdi psixologiyasından irəli gəlir. Burada psixoloji
dəyanətlilik insanın özünün-özünə sadiq qalma qabiliyyəti, iş bacarığı, öz
şəxsiyyətini dərk etməsi, hər bir şəraitdə (situasiyada) öz fərdiyyətini mühafizə
edib saxlaması deməkdir. Lakin nisbi müstəqilliyə və təşəbbüsə malik olan hər bir
rəhbər işçinin fəaliyyəti həmişə və hər yerdə rəğbətlə qarşılanmır. Bir çox faktlar,
hadisələr göstərir ki, adamlar bu və ya digər məsələ barəsində müxtəlif idarələrə
uzun müddət müraciət edir, ədalətsizlikdən şikayət edir, amma onun səsinə qulaq
asan olmur. demək, bu zaman bəzi rəhbər işçinin kobud şəxsiyyətindən,
psixologiyasından irəli gələn və ümumi qanun və prinsiplərə uyğun gəlməyən
hərəkətlər etməsi normal psixoloji uyğunluğu və tarazlığı pozmuş olur. Uyğunluq,
tarazlıq burada mühüm bir psixoloji prinsip, qanun kimi fəaliyyət göstərməlidir.
Bizim fikrimizcə bu qanunun fəaliyyət müxanizmi yalnız idarəetmə sistemində baş
verən rəhbərlik-tabeçilik münasibətləri ilə məhdudlaşmamalıdır, daha geniş
fəaliyyət diapazonuna və miqyasına malik universal bir qanun kimi
qiymətləndirilməlidir.
Rəhbər işçi onun tabeliyində olan hər bir işçinin şəxiyyətin özünəməxsus
psixoloji rəngarəngliyi, yəni onun kompleks sosial-psixoloji və mənəvi keyfiyyətə
malik olması kimi obyektiv, real bir faktla hesablaşmalıdır. Burada insanlıq,
xəlqilik amili, sağlam partnyorluq, yoldaşlıq münasibətləri əsas götürülməlidir.
əksinə qalanda qarşılıqlı rəğbət, nüfuz, etimad və sair sosioloji-psixoloji
Dostları ilə paylaş: |