68
Keçid dövrünü başa vuran Azərbaycanda yeni bir mərhələyə-modernləşmə
mərhələsinə daxil olunmuşdur.Azərbaycanın dinamik sosial-iqtisadi inkişafının
davamlılığını təmin etmək məqsədilə yeni inkişaf strategiyasının dəqiq hədəflər
əsasında müəyyən edilməsi vacib məsələrdən biridir.Prezident İlham Əliyevin də
bəyan etdiyi kimi məqsəd Azərbaycanda ümumdaxili məhsulun ən azı 2 dəfə artımına
nail olmaq,respublikanı inkişaf etmiş ölkələr sırasına yüksəltməkdir.
2.3.Azərbaycanda mülkiyyətin özəlləşməsinin modelləri və mərhələləri.
Bazar iqtisadiyyatına keçidin əsasını təşkil edən özəlləşdirmə prosesinin səmərəli
idarə olunması, özəlləşdirmədən sonra dövlət səhmlərinin idarə olunması və milli
koorperativ idarəetmə sisteminin formalaşma məsələləri özəlləşdirmənin ikinci və
sonrakı mərhələlərində mühüm əhəmiyyət kəsb edir.
Müstəqillik əldə etdikdən sonra Azərbaycan Respublikasında bazar iqtisadiyyatına
keçmək məqsədi ilə hökumət tərəfindən geniş əhatəli və sistemli iqtisadi islahatlar
həyata keçirilməyə başlanıldı. İqtisadi islahatların əsasında mülkiyyət münasibətlərini
əsaslı surətdə dəyişməklə iqtisadi sistemin transformasiyasını nəzərdə tutan
özəlləşdirmə prosesi dayanmışdır. İqtisadiyyatı yenidən qurmaq və onu bazar
iqtisadiyyatı istiqamətində formalaşdırmaq üçün özəlləşdirməni həyata keçirmək və
çoxukladlı iqtisadiyyatı yaratmaq konsepsiyası qəbul edilmişdir.
Bütövlükdə Azərbaycanda özəlləşdirmə prosesinin gedişini 5 mərhələyə bölmək
olar:
1-ci mərhələ - 1995-1998-ci illər
2-ci mərhələ - 1998-2000- ci illər
3-cü mərhələ - 2000-2001-ci illər
4-cü mərhələ - 2001-2005-ci illər
5-ci mərhələ-2005-....
69
1995-1998-ci illəri əhatə edən birinci mərhələdə dövlət müəssisələri,kiçik
müəssisələrin,mənzil fondunun özəlləşdirilməsi nəzərdə tutulmuşdur.1998-2000-ci
illəri əhatə edən ikinci mərhələdə orta və iri müəssisələrin özəlləşdirilməsi
məqsədəuyğun hesab edilmişdir.2000-2001-ci illəri əhatə edən və ondan sonrakı
mərhələlərdə isə dövlət mülkiyyətində olan iri və böyük müəssisələrin
özəlləşdirilməsi nəzərdə tutulmuşdur.
Azərbaycanda özəlləşdirmənin ən səciyyəvi cəhətlərindən biri onun aparılması
modelləri ilə bağlıdır. Bir sıra ölkələrdə mülkiyyətin əhali arasında pulsuz
bölüşdürülməsinə, yəni, vauçer özəlləşdirilməsinə, bəzi ölkələrdə isə mülkiyyətin
satılması üsuluna üstünlük verilmişdir. Azərbaycanda isə özəlləşdirmənin iki
modelinin uzlaşdırılması yolu seçilib. Çeklərin əhaliyə pulsuz verilməsi və dövlət
müəssisələrinin özəlləşdirilməsi- pullu hərraclarda satılması xüsusiyyətlərini əks
etdirir.
Azərbaycanda
özəlləşdirmənin
xüsusiyyətlərindən
biri
də
onun
kənd
təsərrüfatından başlanmasıdır. Bu obyektiv zərurətdən irəli gəlir. Bir tərəfdən bu,
əhalinin istehlak malları ilə sənayenin isə xammalla təchiz olunması üçün əlverişli
şərait yaradır. Digər tərəfdən, inzibati amirlik sisteminin sosial strukturunda bazar
mexanizminə daha tez uyğunlaşan məhz kənd əhalisinin olmasıdır. Kənd sakinlərinin
gəlirlərinin əsas hissəsi şəxsi yardımçı təsərrüfatlarda istehsal edilən məhsulların
satışından əldə edilir.
Azərbaycanda özəlləşdirmənin xarakterik cəhətlərindən biri də özəlləşdirmənin
dünya ölkələrinin üzünə açıq olmasıdır. Bu iqtisadi islahatların aparılmasında xarici
investorların maraqlarını artırır. Qanunvericiliyə görə xarici və fiziki şəxslərin
özəlləşdirmədə iştirakı opsionların alınması yolu ilə həyata keçirilir. Bu opsion xarici
sərmayəçiyə özəlləşdirmədə iştirak etmək üçün bir çek almaq hüququ verir.
Respublika vətəndaşlarına özəlləşdirmə prosesində iştirak etmək üçün ilkin bərabər
imkan yaratmaq məqsədilə özəlləşdirmə payı verilmişdir. Özəlləşdirmə payı (çeki)
respublikanın hər bir vətəndaşına özəlləşdirilən dövlət mülkiyyətindən əvəzsiz
70
verilən hissədir. Dövlət mülkiyyətindən əvəzsiz pay əldə etmiş vətəndaşlar çeklərdən
aşağıdakı istiqamətlərdə istifadə edə bilərlər:
a)çek hərracları vasitəsilə özəlləşdirmədə iştirak
b).investisiya fondlarının səhmlərə dəyişmə
c). müəssisə səhmlərinə birbaşa mübadilə
Azərbaycanda özəlləşdirilmə modelinin fərqləndirici cəhətlərindən biri də
dövriyyəyə buraxılan özəlləşdirmə çeklərinin nominal qiymətə malik olmasıdır.
Azərbaycanda
özəlləşdirmə
çeklərinin
dövriyəyə
buraxılması,
ölkəmizdə
özəlləşdirməyə başlamazdan əvvəl makroiqtisadi sabitliyə nail olunması nəticəsində,
inflyasiya sərbəst bazar prinsipləri əsasında alqı-satqı zamanı tələblə təklif arasında
nisbətlə müəyyən olunur. Rusiyada isə güclənən inflyasiya vauçerlərin real
qiymətinin nominal qiymətinə nisbətən kəskin surətdə aşağı düşməsinə gətirib
çıxarır.
Azərbaycanda özəlləşdirmə iki istiqamətdə həyata keçirilmişdir:
1) kiçik dövlət müəssisələrinin özəlləşdirilməsi
2) orta və iri dövlət müəssisələrinin özəlləşdirilməsi.
Bütün özəlləşdirilən müəssisələr işçilərin sayına görə üç qrupa bölünür.
Azərbaycanda müəssisələrin təsnifatı zamanı kiçik müəssisələrə 10-50, orta
müəssisələrə 50-300, iri müəssisələrə isə 300-dən çox işçisi olan müəssisələr daxil
edilir.
Özəlləşdirmə “zəfər yürüşünə” 70-ci illərdən başlayaraq, dünyanın 80-dən çox
ölkəsində sınaqdan keçirilib. Böyük Britaniyada “tetçerizm”, Çində “kənddə
islahatlar”, Türkiyədə “kamuların islahatı” adlanan böyük özəlləşdirmə prosesi 80-ci
illərin sonu-90-cı illərin əvvəlində keçmiş sosialist məkanını əhatə edən 18 ölkədə
geniş vüsət aldı. Müxtəlif ölkələrdə fərqli adlar daşıyan belə proqramlar fərqli
şəraitlərdə də həyata keçirilməyə başladı. Bu tip proqramlar Çexiya və Slovakiyada