34
meyillərinin təhlil edilməsi və bunun əsasında büdcə vergi daxilolmaları həcminin
proqnozlaşdırılması maliyyə orqanlarının əsas vəzifəsidir.
Təsərrüfat subyektləri, eləcə də onların dövlət və əhali ilə olan qarşılıqlı
münasibətlərini tənzimləyən qanunvericiliyin korrektə edilməsi üzrə təkliflərin
işlənib hazırlanması təhlil və proqnozlaşdırmanın ayrılmaz hissəsidir.
Qanunvericilikdə nəzarətdə tutulmuş qaydada vaxtında qəbul edilmiş təkliflər,
iqtisadiyyatdakı mövcud neqativ hadisələrin kənarlaşdırılmasına və büdcə
gəlirlərinin artırılmasına şərait yaradır.
Təhlil və proqnozlaşdırma üzrə görülən işlər kompleksi büdcənin vaxtında
və əsaslandırılmış olaraq tərtib edilməsi üçün əsas kimi xidmət edir.
Vergilərin vaxtında və tam daxil olması üzərində nəzarət sistemini vergi
orqanları həyata keçirdiyi üçün, onlar həmçinin vergitutma bazasının təhlili və
büdcəyə daxil olmuş vəsaitlərin həcminin proqnozlaşdırılması, qüvvədə olan
qanunvericilik və digər normativ aktların təkmilləşdirilməsi üzrə təkliflər paketinin
hazırlanması sahəsində aktiv iş aparılır.
Dövlət büdcəsinin gəlir hissəsi işlənib təsdiq edilərkən vergi orqanlarının
gördüyü işlərin nəticələri icra və qanunverici orqanları tərəfindən nəzərə alınır.
Bundan başqa, vergi orqanları apardıqları təhlilin nəticələrindən səyyar vergi
yoxlamalarının aparılması, müəssisələrin məqsədyönümlü seçilməsi üzrə
tövsiyyələrin işlənməsi, vergi ödəyiciləri tərəfindən vergilərin ödənilməsinin
tamlığının qiymətləndirilməsi və onların büdcəyə ödənişlər üzrə olan borclarının
aşağı salınması üzrə tədbirlərin görülməsi üçün istifadə edilir.
Vergitutma bazası və onun tərkib elementləri (o cümlədən, sənaye və digər
xalq təsərrüfatı sahələri məhsullarının istehsal həcminin dinamikası, qiymətlər
indeksi, ümumi mənfəət, əməyin ödəniş səviyyəsi, müəssisələrin kəmiyyət və
keyfiyyət tərkibinin dəyişməsi və i.a.) aparılan təhlilin predmetini təşkil edir.
Praktikada bir qayda olaraq hal-hazırda ümumi həcmi büdcə daxilolmaları
məbləğinin 85%-ni təşkil edən əsas vergilərin (mənfəət vergisi, ƏDV, fiziki
35
şəxslərin gəlir vergisi, aksizlər, əmlak vergisi) vergitutma bazasının təhlilinə xüsusi
diqqət yetririlir.
Qüvvədə olan qanunvericiliyə müvafiq olaraq hər bir vergi növü
özünəməxsus xüsusiyyətlərə və vergitutma bazasına malikdir. Bəzi vergilərin
vergitutma bazasını təşkil edən müəyyən elementlər, digər vergi növlərinin
vergitutma bazasına daxil edilir. Məsələn, əməyin ödəniş fondu fiziki şəxslərin
gəlir vergisinin vergitutma bazası olmaqla yanaşı, qismən ƏDV və digər vergilərin
vergitutma bazasının tərkibinə daxildir.
Mənfəət vergisinin vergitutma bazasını məhsulların (işlərin, xidmətlərin),
əsas vəsaitlərin, müəssisənin digər əmlakının satışından əldə edilmiş mənfəət və
satışdankənar əməliyyatlardan əldə edilən və bu əməliyyatlar üzrə çəkilmiş
xərclərin məbləği qədər azaldılmış gəlirlər təşkil edir.
Müəssisənin mühasibat hesabları və vergi heablamalarına əsasən icmal
cədvəl tərkib edilir (cədvəl 1.1.). Bu cədvələ müəssisənin maliyyə-təsərrüfat
fəaliyyətinin aşağıdakı əsas göstəriciləri daxil edilir: məhsulların (işlərin,
xidmətlərin) satışından əldə edilmiş pul vəsaitləri (satış pulu); ümumi gəlir;
istehsala çəkilmiş məsrəflər (xammal və materiallar); əməyin ödəniş fondu;
mənfəət vergisi üzrə güzəştlər; ƏDV üzrə vergitutulan dövriyyə və s.
Ayrıca
götürülmüş
region səviyyəsində
cədvəldəki
göstəricilər,
müəssisələrin eyni qəbildən olması prinsipi üzrə fəaliyyət növləri, mülkiyyət
formaları və digər əlamətlər, eləcə də ərazi və bütövlükdə regionlar üzrə
qruplaşdırıla bilər. Bundan başqa, təhlilin məqsəd və vəzifələrindən asılı olaraq
ümumi göstəricilərə başqa göstəricilər də daxil edilə bilər.
Cədvəldəki informasiya hər bir müəssisə, müəssisələr qrupu və bütövlükdə
reqionlar üzrə istehsalın rentabelliyini, 1 manatlıq satış puluna düşən
materaltutumu; satılmış məhsulun 1 manatına düşən məsrəflərin, o cümlədən əmək
haqqının həcmini; hesabat dövründə vergi daxilqlmalarının hesablanması üçün
baza kimi xidmət edən konkret verginin vergitutma bazasını müəyyən etməyə
imkan verir. Eyni zamanda, vergi orqanları bu cədvəlin göstəricilərini təhlil
36
etməklə, ilkin sənədlərə əsasən səyyar vergi yoxlaması aparmaqla, eyni qəbildən
olan müəssisələr üzrə ayrı-ayrı göstəricilərin kənarlaşmaların səbəbini müəyyən
etmək məqsədilə, hansı müəssisələrdə səyyar yoxlamanın aparılmasını
müəyyənləşdirmək imkanı əldə edirlər.
Məsələn, 1№li müəssisədə məhsulun materialtutumunun region (rayon) üzrə
orta göstəricidən kəskin dərəcədə kənarlaşması səbəblərini araşdırmaq lazımdır.
Ola bilər ki, müəssisə tədarük edilmiş (alınmış) mal-material qiymətliləri üzrə
çəkilmiş məsrəfləri satılmış məhsullarin maya dəyərinə əsassız olaraq aid
edilmişdir. Və ola bilsin ki, müəssisə məhz bu səbəbdən vergitutulan mənfəəti və
dövriyyəni azaltmış, vergiləri isə tam həcmdə ödəyə bilməmişdir.
3№li müəssisənin göstəricilərini təhlil edərkən mənfəət üzrə güzəştlərin
xüsusi çəkisinin orta səviyyə ilə müqayisədə yüksək olmasına diqqət yetirmək
lazımdır. Bu halda, mənfəət vergisi üzrə güzəştlərin əsaslandırılması üçün
müəssisələrin təqdim etdiyi xüsusi hesablamaları (haqq-hesabları) olduqca diqqətlə
yoxlamaq lazımdır.
Bir qayda olaraq, perspektiv üçün büdcənin gəlir hissəsinin formalaşması və
vergi daxilolmalrının proqnozlaşdırılması, onların cari ilin IV rübündəki
dinamikası nəzərə alınmaqla 3 aylıq hesabat məlumatlarına əsasən həyata keçirilir.
Beləliklə, hesabat ilinin göstəriciləri proqnoz hesblamaları üçün baza kimi
müəyyən edilir. Bu zaman, vergi qanunvericiliyində baş verə biləcək dəyişikliklər
və onların proqnozlaşdırılılan dövrdə vergi daxilolmalarına təsiri nəzərə
alınmalıdır.
1.1. saylı cədvəlin göstəriciləri şərti olaraq proqnoz hesablamaları üçün
(o cümlədən, ümumi gəlir, əməyin ödəniş fondu və orta aylıq əmək haqqı, mənfəət
vergisi üzrə göstəricilərin xüsusi çəkisi, ƏDV və b.) baza kimi qəbul olunur.
Hesabat ilinin IV rübü ərzində müxtəlif səbəblərdən verilmiş göstəricilərin
əhəmiyyətli dərəcədə dəyişdiyi hallarda, bui vəziyyət proqnozlaşdırılan dövrə görə
aparılmış hesablamalarda nəzərə alınmalıdır.
Dostları ilə paylaş: |