Еколоэийа вя су тясяррцфаты ъурналы, №5, декабр, 2013 - жц ил
35
lazımdır ki, qurğunun səmərəliyini artırmaq məqsədi ilə lövhələrin layarası məsafələri kiçik qəbul
olunub. Tərkibi yüksək mexaniki qarışıqlı çirkli suların (neft mədən çirkli suları) belə nazik layda
duruldulması mümkün deyil, çünki layarası məkanlar qısa bir vaxtda lilləşəcəkdir ki, bu da öz
növbəsində duruldulma prosesini pozacaq və nəticədə qurğunu sıradan çıxardacaq.
Nazik laylı qurğular, bütün durulducular kimi işçi həcmlərdən, supaylayıcı hissədən, sudan
ayrılan çirklənmələrin yığma həcmindən və su yığan avadanlıqdan ibarətdir. Qeyd edək ki, nazik
laylı duruldulma prosesi nəticəsində çirklənmə fraksiyalarının xüsusi çəkisi sudan az olduğundan
lövhələrin altında, ağır çirklənmələr isə - lövhələrin üstündə toplaşır. Lövhələrdə yığılmış
çirkləndiricinin toplanma yerlərinə nəqli üçün onlara müəyyən maillik verilir. Göstərilən qurğuların
tədqiqatına, konstruksiyaların seçilməsinə və onların istismarına həsr olunmuş təhlillər göstərir ki,
nazik laylı duruldulma prosesinin və onun təşkilinin sadəliyinə baxmayaraq, məlum konstruksiyalı
qurğularda istənilən üstünlükləri əldə etmək mümkün olmur. Bizim ölkədə və demək olar kı,
xaricdə asılı maddələrin nazik layda sudan ayrılmasının praktiki təcrübələri nəticəsində müyyən
edilmişdir ki, nazik laylı qurğularda mövcud durulduculara xas olan çatışmazlıqlar da müşahidə
olunur. Bunlara ilk növbədə: qurğunun canlı en kəsiyi üzrə supaylamanın müntəzəm və bərabər
paylanmasının mürəkkəbliyini, ayrılmış çöküntülərin lövhələrlə nəql edilməsi və nəticədə çirkli
suların etibarlı təmizlənməsinin təminatını aid etmək lazımdır. Laylı qurğularda ayırma prosesinin
ən ciddi çatışmamazlığı dövrəvari lövhə arası məkanlarda suyun qeyri-müntəzəm paylanmasıdır.
Axının maili hərəkətinin təmin olunduğu nazik laylı qurğular istehsalatda ən geniş yayılmış
hesab olunurlar. Bu isə onunla izah olunur ki, maili durulducularda horizontal durulduculardan
fərqli olaraq axının hərəkəti zamanı sulardan ayrılmış çöküntülərin kənarlaşdırılması xeyli asanlaşır.
Bundan başqa bir neçə müəlliflər tərəfindən qeyd olunub ki, suyu maili hərəkət edən durulducular,
horizontal durulducularla müqayisədə həm səmərəlidir həm də az yer tutur. Hal-hazırda ABŞ-da,
İngiltərədə, Fransada, Almaniyada, Yaponiyada, İsveçdə, Hollandiyada və bir sıra yüksək inkişaf
etmiş ölkələrdə müxtəlif tərkibli çirkli suların təmizlənməsi üçün belə konstruksiyaya malik
durulduculardan istifadə olunur. Lakin qəbul edilmiş supaylama üsulları bu cür konstruksiyalı
qurğularda hidravlikanın qanunları ilə uzlaşmadığına görə, nazik laylı qurğularda suyun maili
hərəkəti, qurğunun tam işçi həcminin istifadəsini təmin etmir.
Nazik laylı durulducu
qurğularda bir neçə çətinliklərlə mövcuddur ki bu da əsasən suyun müntəzəm layarası məkanlarda
paylanması və bu məkanların lilləşməsindən ibarətdir . Son 10 il ərzində bizim ölkədə nazik laylı
qurğuların təkmilləşdirilməsinə dair hərtərəfli tədqiqatların aparılmasına baxmayaraq qurğuların
geniş istifadə olunmasına hələ də nail olunmayıb. Bu işlərin tədqiqatlar nəticələrindən məlum
olmuşdur ki, belə qurğuları tətbiq edərkən, çirkli suların xüsusiyyətlərini və çirklənmələrinin
xassələrini nəzərə almaq lazımdır. Tərkibi yüksək mexaniki qarışıqları ilə fərqlənən, neft-mədən
Еколоэийа вя су тясяррцфаты ъурналы, №5, декабр, 2013 - жц ил
36
çirkli sularının təmizlənməsi üçün nazik laylı qurğulardan istifadəsi zamanı paralel lövhələrin
lilləşdirilməsinin qarşısını almaq üçün lazımı tədbirlər görülməlidir. Müqayisə üçün Kiriş
neftayırma zavodunun horizontal nefttutanları paralel lövhələr paketləri ilə təchiz olunmuşlar.
Məlumdur ki, zavodda əmələ gələn çirkli sularda ağır asılı maddələrin miqdarı, mədən çirkli suları
ilə müqayisədə qat-qat aşağıdır . Altı aylıq fasiləsiz istismardan sonra məlum olmuşdur ki, maili
lövhələr üzərində yığılmış çöküntülər, suların təmizləmə prosesinə mane olmur və təmizlənən
sularda neftin miqdarı artmır. Çöküntülərin özlərini müxtəlif şəkildə aparması bir daha təsdiq edir
ki, nazik laylı qurğuların parametrlərinin və texnoloji iş rejiminin seçilməsində çirkləndiricilərin
tərkibini və təbiətini nəzərə almaq lazımdır. Lövhələrarası boşluqların həcmi, paralel lövhələrin
maillik bucağı və uzunluğu, suyun istiqaməti və hərəkət sürəti, hətta lövhələrin materialları kimi
hesabı parametrləri, müvafiq çirkli suyun çöküntülərinin xarakteristikası reqlamentləşdirilməlidir.
Məsələnin həlli üçün konstruktiv cəhdlər də göstərilib. Neft-mədən çirkli sularının nazik laylı
durulducuda çökməsi zamanı onun lövhələrində əmələ gələn çöküntü qatının plastik-özülü
xassələri digər təsərrüfat qurğularında yaranan çöküntülərin xassələrindən kəskin sürətdə
fərqlənir.
Neft-mədən çirkli sularının çöküntüləri mürəkkəb, çox komponentli və polidispers
sistemdir. Onların tərkibi kvars, gil hissəcikləri, müxtəlif minerallar, neft, duzlaşmaları, parafin,
seresin və bir sıra başqa elementlərdən ibarətdir. Bu az hərəkətli sistem başlıca olaraq, onun reoloji
xassələrindən asılıdır. Çöküntülərin təbiətinin təyini və onların maili lövhələrdə hərəkəti hal-hazırda
çox az tədqiq olunan sahələrdəndir. Nazik laylı durulducuda neft-mədən çirkli sularının
təmizlənməsinin mühüm praktiki əhəmiyyət kəsb edən işçi durulducunun artırılması, həcmlərin
ayrılan çöküntülərin lilləşməsi məsələlərinin öyrənilməsinə daha ciddi yanaşmaq lazımdır.
Nazik laylı duruldulma prinsipinin perespektivliyi onun geniş sahələrdə, xüsusəndə gillərin,
lopavari çöküntülərin, lil qarışıqların çökdürülməsində istifadəsinə gətirib çıxarır. Bu halda
qurğunun konstruktiv parametrlərinin seçilməsinə ehtiyatla yanaşmaq lazımdır. Paralel lövhələrə
çökən və az sıxlığı olan strukturların tutduğu həcm nəzərə alınmalıdır, əks halda lövhələrarası
boşluqların ixtisarı qurğuda hidravlik rejimin pozulmasına səbəb ola bilər və yaxud da təmizlənmiş
sularla çöküntülər də aparıla bilər. Hər iki hal qurğunun səmərəliliyi kəskin azaldır. Neft
hissəciyinin maili lövhə arasında hərəkəti məsələsinə də baxılıb. Lakin burada ayrı-ayrı neft
hissəciklərinin hərəkəti göstərib ki, maili lövhə altında əmələ gələn neft qatının axının mövcudluğu
tədqiq olunmayıb.
Nazik laylı qurğuların lövhə materialının ümumi səthi aktiv korroziya mühiti ilə təmasda
olur. Neft quyu məhsulunun korroziya aktivliyinin artması lay sularında bu və ya digər ionların
olması ilə əlaqədardır. Korroziyanın ən qorxulu agentləri kimi kükürdlü hidrogen, oksigen sulfat
bərpa edici bakteriyaları qeyd etmək olar. Ona görə də lövhələr üçün elə material seçilməlidir ki, bu