76
Məhsul istehsalının texnoloji
proseslərinə uyğun olmayan
materiallar anbardan buraxılarsa, kənarlaşmanı adətən
materialların anbardan buraxılmasını özündə əks etdirən
sənədlər vasitəsilə təyin edirlər. Bu sənədlərdə materialların bir
qayda olaraq normadan kənarlaşmalar miqdar və dəyər
ifadəsində həmçinin səbəblər də göstərilir. Bir materialın digər
materialla yalnız bir dəfə əvəz edilməsi hallarında materialların
anbardan buraxılmasının xüsusi (siqnal) sənədlərlə (əvəzedilmə
tələbnamələri) rəsmiləşdirilməsi tövsiyə edilir. Əksər hallarda
materialların əvəz edilməsi ilə onların maya dəyəri bahalaşır və
emalın əmək tutumu artır. Ona görə də sənədlərdə həmçinin
əvəzedilmənin səbəbləri, kənarlaşmanın miqdar üzrə həcmi və
s. göstərilir.
İstehsal fəhlələrinin əmək haqqı üzrə kənarlaşmaların
aşkara çıxarılmasında sənədləşdirmə üsulu mühüm rol oynayır.
Bunun mahiyyəti ondan ibarətdir ki, müəssisədə qəbul edilmiş
sənəd üzrə mövcud normalara əsasən işçilərə əmək haqqı
hesablanır. Bütün hallarda işçilərə hesablanan əlavə əmək
haqqı üçün xüsusi sənədlər tərtib edilir: əlavə ödəniş sənədi,
boşdayanmalar haqqında məlumat, kənarlaşma haqqında
tapşırıq və s. Vaxtamuzd işləyən işçilərin əmək haqqı üzrə
kənarlaşmalar hesablanmış əmək haqqının normativ dərəcələr
(stavkalar) üzrə bölüşdürülməsi nəticəsində aşkara çıxarılır.
Faktiki və normativ dərəcələrə əsasən hesablanmış fərq
kənarlaşma hesab olunur.
Bir çox müəssisələrdə normadan kənarlaşma səbəblərinin
nomenklaturasından istifadə edilir ki, burada da yəni ilk
sənədlərdə kənarlaşmanın kodu göstərilir. Əmək haqqının
məmulatlar üzrə bölgüsü mühasibat uçotu registrlərində
kənarlaşma ayrıca sütunda (qrafada) göstərilir.
Qeyri-müstəqim xərclər üzrə kənarlaşmalar hesablama
yolu ilə aşkara çıxarılır. Uçota alınmamış kənarlaşmalar ilk
uçotun təşkilindəki çatışmazlıqlar və xərclər üzrə əməliyyatları
77
sənədləşdirərkən baş verir və bitməmiş istehsalı inventarizasiya
etdikdən sonra aşkara çıxarılır. Normadan kənarlaşmaların
analitik uçotu:
1.
Baş verdikləri yerlər üzrə;
2.
Baş vermə səbəbləri üzrə;
3. Buraxılan məhsulların növləri üzrə aparılır.
Materialların istehsalda faktiki sərfiyyatı üzrə 9 N-li
cədvəldən daha aydın görmək olar. Sexdən buraxılan məhsullar
üzrə normadan kənarlaşmaların maşinoqramması məmulatın
maya dəyərinin kalkulyasiyası üçün verilir. Kənarlaşmalar üzrə
yekun məlumatları məsrəflərin məmulatlar üzrə uçotu
cədvəlinə köçürülür.
Normadan kənarlaşmaların
aşkara çıxarılması və
uçotunun xüsusiyyətləri müəssisənin istehsal xərclərinin
mühüm maddələri üzrə nəzərdən keçirək. Xammal və material
məsrəfləri
üzrə
hər
şeydən əvvəl müəssisə üçün
kənarlaşmaların səbəblərinin və onlara məsul şəxslərin vahid
nomenklaturası və rəqəmlə ifadə olunma işarələri (kodları və
şifrələri) sistemi işlənib hazırlanır. Kənarlaşmaların aşkara
çıxarılma metodları istifadə edilən materialın növündən,
istehsalın təşkili və texnologiyasından asılıdır.
79
Kənarlaşmaların aşkara çıxarılmasının əsas metodları
aşağıdakılardır:
1. Xəbərdarlıq
sənədləşdirilməsi;
2. Materialın partiyalar üzrə və fasiləsiz biçilməsinin
uçotu;
3. Materialın istehsalata faktiki buraxılması resepturasına
əsasən kənarlaşmanın öncədən hesablanması (hesablama-
analitik metod);
4. İnventar metodu.
Normadan
kənarlaşmaların
aşkara
çıxarılmasının
xəbərdarlıq sənədləşdirmə metodu materialların məcburi əvəz
olunması və ədədi materialların, yarımfabrikatların və
komplektləşdirici məmulatların normadan (limitdən) artıq
buraxıldıqları hallarda tətbiq edilir. Belə hallarda materialları
istehlak edən sexlərə xüsusi işarəsi olan xüsusi sənəd
(Tələbnamə, əvəz edilmə haqqında əmr) yazırlar. Bu
sənədlərdə kənarlaşmanın səbəbləri və məsuliyyət daşıyan
şəxsin adı yazılır. İstehsalatda xəbərdarlıq sənədləşdirmənin
üstünlüyü onun sadəliyindən, universallığından və istənilən
hallarda tətbiq mümkünlüyündən ibarətdir. Müəssisənin
rəhbəri, sexlərin rəisləri bu sənədlərə imza edərkən müvafiq
informasiyalarla təmin olunur və artıq xərclərin qarşısının
alınması barədə tədbirlər görürlər. Bu metodun çatışmayan
cəhəti ondan ibarətdir ki, burada materialın normadan artıq sərf
edilməsi deyil, istehsalata limitdən artıq buraxılan material
aşkara çıxarılır.
Materialın biçilməsinin partiyalı və fasiləsiz metodu daha
səmərəli üsul hesab olunur. Burada kənarlaşma hər bir partiya
materialın biçilməsi üzrə aşkara çıxarılır. Partiyalı biçmənin
uçotu sexin plan dispetçer bürosu tərəfindən, materialın hər bir
partiyası üçün açılmış uçot kartlarında aparılır. Bu kartda işçi
yerinə verilən materialın miqdarı, bu partiyadan hazırlanmış
detalların miqdarı, alınmış tullantıların miqdarı, istifadə
edilməmiş materialın miqdarı və s. göstərilir.
Materialın norma üzrə sərf edilən miqdarı istehsal edilmiş
məhsulun detalların və yarımfabrikatların miqdarına sərfiyyat
normasına vurmaqla hesablanır. Faktiki sərf edilmiş
materialların miqdarını material sərfinin
müəyyən edilən norma