Nəğməli sinəmdə yüz dastan yatır
279
AġIQ ƏLƏHVƏRNƏN ġƏYĠRDĠ
AġIQ QARA ƏHVALATI
Sizə kimnən, hardan xavar verim, İrəvan vilayətində Murtuz
bəydən. Murtuz bəy addı-sannı, sayılan bir adamıydı. Ərsiyə
çatmış oğlu Ələşrəf bəyə toy elliyirdi, Zaman bəyin qızını alırdı.
Payızıydı. Gejələrin də uzun vaxtı. Dağdan toğlu, çəpiş, arannan
düyü gətirif, böyüh məclis başdadır. Özünün də varı, döyləti
başdan aşırdı. Hər yerdən adam çağırmışdılar. İrəvannan, Naxçı-
vannan, Gəncədən, Şəmkirdən, Qarabağdan, Qazaxdan, Tiflisdən,
Boşşalıdan, Sağamoydan, Şərildən. Hər tərəfdən özünə baravar
bəylər tökülüf gəlmişdi. O vaxtı da hası bəyi toya qonax
çağırsalar, ona bir buxara papax tikdirif, dəvətnaməsinnən
baravar göndərərdilər. O bəylər də yaxşı nəmərnən gələrdilər.
Düz yeddi gün, yeddi gejə aşpaz qazanı sönmədi. Bütün
günü qara zurna xırmanda çalırdı, oynuyan, güləşən, yallı gedən
dirədöymə oynuyan, şamartı dünyədən çıxmışdı.
İçəridə aşıxlar oxuyuf, gejə-gündüz dastan danışır, çalıf
çağırırdılar. Toyun aşığı da o vilayətin addı-sannı aşığı Ələh-
vəriydi, bir də onun şəyirdi aşıx Qara. Bir-iki şəyirdi də ayrıja
bəy dəstəsindəydi. Bəyin başında əlli-altmış cavan ayrıja otaxda
yığışmışdılar.
Yeddinci günü gəlini köçürdülər, iyirmi-otuz cıdır atdısını,
nişan vuranı, nəkər alanı alxışdadılar. Axşam oldu. Qonaxlar
savax tezdən atdanıf gedəjiydilər. Murtuz bəy bu gejə də məclisi
maraxlı keçirməh üçün fikirləşdi neyliyim, gəl bu aşıxları deyiş-
dir. Çünki aşıx Qara Murtuz bəynən bir balaja o haqda xəlvəti
danışmışdı. Məclisin şirin yerində hamı sakitcə qulağ asırdı, çivin
vızıltısı eşidilmirdi. Murtuz bəy bığlarını həjəmət mismarı kimi
çəkif, birdən ortuya çıxdı, əlində də bir bağlı boxça, gülümsüyüf
dedi:
– Aşıxlar, bir az dayanın. Camaat, məni bağışdıyın. Mən bir
fikrə gəlmişəm. Deyirəm, bu axşam aşıxlar deyişsinlər, havaxta
Hüseyn Saraçlı
280
kimi aşıx Qara aşıx Ələhvərin yanda şəyird olajax. Hası bağlasa,
nəməri məndə. Bir dəst təpədən dırnağa paltar verəjəm.
Məndulədən arxalıx, şalvar, məs, qondarğa, buxara papax, sarı
başdıx, mahuddan çuxa, gümüş vəznəli sallama kəmər, gümüş
xancal, dörd sanaxlı gümüş saat, tanoozdan işdəməli kisə, içi dolu
qızıl. İnanmırsınız, baxın, budu ortuya qoyuram.
– Bu sözə nə deyirsiniz, əziz qonaxlar?
Hamı bir yerdən dedi:
– Eyvallah, Murtuz bəy, halal olsun sana. Ürəyimizdən
xavar verdin.
Camaat belə işi Allahdan gəzir ki, tamaşa eləsin, qulağ
assın. Bəy sözünü qurtarıf aşıx Qarıya göz vurdu. Aşıx Qara
qızışdı. Amma aşıx Ələhvər başını yerə tikif fikrə getdi.
Aşıx Qara sazı götürüf meydana çıxdı. O, gödəh boylu,
sarıyanız, çopur, çilli, tişi seyrək, gözdəri göy, bığlı, kök
oğlanıydı. Aşıx Ələhvər hündür boylu, eşmə bığlı, yarı yaşını
keçmiş, bir adamıydı, saçına, saqqalına dən tüşmüşdü. Qartal
gözdü aşıx baxdı ki, budu aşıx Qara meydandadı. Tüşündü ki,
bərkə həya elliyə meydanıma çıxmıya. Amma gördü ki, xeyr, ona
heç hörmət qoymadı. Dedi, hələ gözdüyüm, görüm nə dəəjəh.
Aşıx Qara:
– Usta, nə fikir elliyirsən? Xalx bizə baxmırmı? Murtuz bəy
düz deyir, iki qoçun başı bir qazanda qaynamaz. Ya Allah sana
verər, ya mana.
Ortada paltarı-qızılı görüf, özünnən çıxmışdı, gözdəri
parıldayırdı. Aşıq Ələhvər xavar aldı:
– Oğul, doğrumu deyirsən bunu?
Aşıx Qara yekəxanalıxnan dedi:
– Bə nə? Murtuz bəyin sözünü də yerəmi salax?
– Oğul, bu, qoç meydanıdı, toğlu-çəpiş meydanı döyl. Onu
də bilirsənmi dəərmən dönəndə şaadını verə bilmiyəssən.
– Olsun, usta, nə istiyirsən.
Nəğməli sinəmdə yüz dastan yatır
281
Aşıx Ələhvər qojalsa da, səs gur bulax kimi qaynıyır, şana
barmaxlar simlərin üstündə qırğı kimi oynuyurdu. Dəəllər,
Şəmkirri aşıx Söynün bir sözü var:
Bu bədoy qojası olsa da arıx,
Sürsən mənzil kəsər, kəmhünər olmaz.
Aşıx Ələhvərin bütün bədəni alışıf yandı, elə bil başına
hava gəldi. Özünü ələ alıf, pələh kimi sıçrıyıf meydana çıxdı,
dedi:
– Oğul, sim ver, görüm, sazdar bir-birini tuturmu?
Sazdarı köhlüyüf, dedi:
– Oğul, qavağa sənmi tüşürsən, mənmi?
– Usta, sən bööhsən, qavağa tüş, qorxma xara-xura nəyin
olsa, mən tapannıyajam.
Aşıx Ələhvər:
Aşıx Qara, çıx meydannan,
Mən səni bədnam eylərəm.
Əlinnən allam sazını,
Göz yaşın ümman eylərəm.
– Hə, usta, qulax as, belə sözdərə nə var.
Ələhvər istəmirdi ki, şəyirdini xalxın içində xar eləsin.
Onun bildiyi sözdərdən deyirdi ki, aciz qalmasın. Bərkə elə xalx
bunnarı sınıyır. Aşıx Qara çöörülüf nə dedi:
Meydanına mən gəlmişəm,
Səniynən devran eylərəm.
Sən bir xarava dəərmən,
Bəyğuşa məskən eylərəm.
Aşıx Ələhvər:
- Oğul, ağzına beçə balı vermişəm, hələ hardasan, qulaq as:
Hüseyn Saraçlı
282
Elləmirsən belə haya,
Heç baxmırsan haqqı-saya,
Səni körpü sallam çaya,
Bil, üstünnən yol eylərəm.
Qara:
Usta, qulaq as, qulaq as...
Nə işim var, çıxam dağa,
Qar yağa, çıxa qurşağa.
Dağlardan ennəm aşağa,
Aranı məskən eylərəm.
Aşıx Ələhvər:
Ələhvərəm çağlamışam,
Çox sinələr dağlamışam;
Neçə aşıx bağlamışam,
Bil, ona qurvan eylərəm.
Qara:
Mən Qarayam, gəlləm hala,
Aşıx gərəh eşqə dala,
İndi səni sallam yola,
Ataşa giryan eylərəm.
– Aşıx Qara, bə indi fırsant kimindi?
– Usta, sana əvvəldən demişəm; qavaxca sən get, qıymıram
səni dala salam.
Aşıx Ələhvər:
Aşıx Qara, girmə bu meydana sən,
Ustadın yolunnan gəzə bilməzsən.
Bil, tüşüfsən dəryeyi-ümmana sən,
Qalarsan tərkimdə, üzə bilməzsən.
Dostları ilə paylaş: |