Hüseyn Saraçlı
258
– Canım, biz bir həftədi burduyux, getməliyih, meydana gəl,
qurtarax.
Ağacan paşalara baş əyif, icazə istədi. Paşalar şad oldu ki,
dəəsən kəndində var. Götürüf Ağacana da bir söz verdilər.
Ağacan o vaxtı yaxşı saz çalırdı. Məhəmməd qavağa tüşüf, görəh
Ağacana nejə xoş gəldin dedi. Ancax əfəndilər, söz sərrafları
qıymat verməliydilər. Katiflər yazmalıydı. İndi görəh Məhəmməd
“Şər-xatayı divanı” üstə nə dedi:
Bizə bir müsafir gəlmiş,
Əhli-Qafqaz mollası,
Sinəsinnən moj vermiş
Eşqinin tullaması.
Boynunnan, sağ tərəfdən
Hamayıl asmış durur,
Cadıgünlər əlaməti,
Qarılar boylaması.
Ağacan dedi: Aşıx, ilk kəlmədən niyə lateyir başdadın?
Məhəmməd dedi:
–
Tez cavavımı ver, oan-buan danışma.
Ağacının da lateyirdə yeddi kotanı əkirdi.
Ağacan:
Bizə yaqın oldu gənə,
Müsafir qoylaması,
Kəndini sürgün edəjək
Məclisin toylaması.
Haşa sizdən, ey ağalar,
Bəyzadalar, paşalar,
Eşşəyi qurda yedirdər
Qoduğun oynaması.
Nəğməli sinəmdə yüz dastan yatır
259
Kablayı dedi:
–
Ağacan, bil, bu şəirdidi. Hələ dalı var.
Amma bu sözdə paşaların içinə bir şaqqıltı, gülüşmə tüşdü.
Rüştü paşa Məhəmmədə dedi:
– Olan, yanşax ustanı mərkəf yafdı. Özünü qıvıx, nə günə
durursan.
Bir saat gülüşmə getdi. Hər tərəfdən Ağacana eyvAllah
sözü gəldi.
Məhəmməd dedi:
– Hələ sənnən zarafat elliyirəm, yayını yoxluyuram, görüm
nejə atır. İndi qulax as:
Məhəmməd:
Aşıxlarda qayda budu,
Öz kəndini öyən gərəh.
Qarşısınnan qaçmax olmaz,
Cavavını deyən gərəh.
Ağzını çox ayırır,
Bir öycə yüyən gərəh.
Minməyi hasand olajax,
Çətindi çullaması.
Ağacan:
Bir söz də qoy mən deyim,
Sənin sözünə dayır:
Şuvara şerrərini
Bütün ölküyə yayır.
Ustadı çox qojalıf,
Əəyfinnən axsıyır.
Şəyirdi nalbənd oluf,
Bir yaxşı nallaması.
Hüseyn Saraçlı
260
Bu yerdə Məhəmmədin ustadı Mustafa əlində də hasası
gəldi. Xeyli qojuydu, həm də bir az yelimsiyirdi. Onçü belə
demişdi. Məhəmməd dedi ki, gəl ustanı işarat ver, bərkə qorxa.
Məhəmməd:
Məhəmmədəm adım çıxıf
Şama, Dəməşqə, Hələbə.
Ustadım böyük alımdı,
Mən ki, varam bir tələbə.
İndi səni çəkəjəh,
Farsıyata, ərəbə.
Sazını əlinnən alıf,
Qafqaza yollaması.
Götürdü Ağacan nə dedi:
Ağacanam, tanıyıram
Sən anayın ilkisən:
Əylənifsən Ərzrumda,
Zəbt edifsən mülkü sən.
Bədəninə qotur tüşüf,
Qırda gəzən tülküsən,
Dərdini dalınnan soyuf
Oyçuya yollaması.
Hər ikisi sözünü qurtardı. Usta Mustafa meydana girdi,
paşalara baş əyif, sazını götürdü.
– Oğul, meydan kimindi?
– Usta, çoxdan meydani-Ərzrum sənindi, şimdi baxalım.
“Osmannı divanısı” üstə görəh Mustafa nə dedi:
Ay ağalar, ay paşalar,
Aşıxlıq əslindəndi.
Ağalıx, bəylik, paşalıx
Türklərin nəslindəndi.
Nəğməli sinəmdə yüz dastan yatır
261
Nejə zaman keçifdi
Rəsul aləmnən, de?
Ay dolanıf gərdiş eylər,
İl neçə fəslindəndi?
– Oğul, əvəl uşax əlinə keçifsən, kəndini topla ki, hələ
ağzına beçə balı verrəm. İndi gör nejə zəhərriyəjəm.
Ağacan dedi:
– Usta, cücəni payızda sayallar, öyünməyinə hələ var,
tələsimə, şimdi baxalım hünərinə.
Kablayı dedi:
– Ağacan, fikir elləmə, demə ki, təkəm, mən burdayam,
qıypınma.
Ağacan ürəhlənif görəh nə dedi:
Ağacan:
Ay ağalar, ay paşalar,
Hər bir şey əslindəndi.
Ağ gül, sarı gül, bənöyşə....
Hər kəs öz nəslindəndi.
Min üç yüz otuz dörd il
O Rəsuli aləmdəndi.
Ay dolanıf gərdiş eylər,
İl çahar fəslindəndi.
Mustafa:
İçmişəm qəfə qalyanı,
Könlümü bulandırır:
Həqiqət biruza verif,
De, nəynən inandırır.
Ərəbə, farsa çəhməhdə
Bu məni dolandırır.
Kəməndini çin-çin edif
Canımın qəsdindədi.
Hüseyn Saraçlı
262
Rüştü paşa dedi: – Oğlum, qısqanma, iştə bən burdayam,
haqnan get. Ağacan daa da ürəhləndi, aldı görəh nə dedi:
Bir qətrə mayadan
Yaradan var insanı:
Hər yerinnən yetən aşıx
Dolanmasın meydanı:
Bu arıya gətirəlim
Ol qara göz Quranı,
Axtaralım, bir baxalım,
Hansı söz rasdındadı.
Hər tərəfdən afərin səsi gəldi. Paşa əmr ellədi ki, əfəndilər,
Quranı açın, ayatdarı yoxluyun, cocuq düz deyir, heç kəs laf
atmasın.
Mustafa:
Mərhəba olsun, əfəndim,
Yaxşı danışdın, əcəb.
Baxıram sənin sinəndə
İndi vardı başqa təb.
Quranın mənasınnan
Bilirəm ləvsi-ərəb,
Dörd tərəf cahar yarrar,
Mustafa üstündədi.
Ağacan:
Gəl tüşmə Ağacannan,
Bu söydadan dön geri.
Almışam qala bürcün,
Tutmuşam hər səngəri.
Ərşin-kürşün, salavatın,
Yerin-köyün ləngəri,
Dostları ilə paylaş: |