293
özünə, öz biliyinə, habelə haqqa, ədalətə sarsılmaz
inam və imanından irəli gəlirdi.
Mən Firidunu bütün məqamlarda, bütün psi-
xoloji hallarda, ən mürəkkəb və müşkül vəziyyətlərdə
yalnız belə görmüşəm. Və belə də qəlbimdə yaşa-
yacaq, övladlarının, nəvələrinin, minlərlə adamların
ürəyində, işində, fəaliyyətində həmişə duyulacaq, hiss
ediləcək və beləliklə, ömrü uzanacaq. Siz onun dəfn
mərasimini görsəydiniz: Akademiya və Universitetin
həyətləri, ətraflar insan dənizinin dalğavari axınında
sanki qeyb olmuşdu. Yalnız bu sözləri eşitmək olardı:
Yox, onu bayırdan, Bakı göylərinin möhtəşəm, nəha-
yətsiz üfüqlərinin fövqündən götürmək lazım idi.
2003
294
ŞAMİL QURBANOVU XATIRLAYARKƏN
Şamil Bakı Dövlət Universitetinin filologiya
fakültəsinin jurnalistika şöbəsində məndən bir neçə
kurs aşağı oxuyurdu. Lakin bir eloğlu kimi bir-biri-
mizlə görüşəndə həmişə mehribancasına salamlaşar,
hal-əhval tutar, dərslərimizlə maraqlanar, ədəbiyyata,
sənətə, elmin müxtəlif sahələrinə aid maraqlı söh-
bətlər edərdik. Yaxşı yadımdadır, bizim hər birimizin
səmimi dostu, şeir-sənət bilicisi, söz sərrafı, gözəl
zövq sahibi, əslən Faxralıdan olan Pənah Mahmudov
(o, gözəl filosof idi - C.A.) daim bizimlə maraqlanar,
uğurlarımızı, xoş sədamızı eşidəndə fərəhlənər, uşaq
kimi sevinərdi.
Yaşca bizdən xeyli böyük olmasına baxmayaraq
Pənah müəllim son dərəcə sadə və səmimi adam idi;
bizimlə də öz yaşıdı kimi rəftar edər, bizi elmə, biliyə,
xüsusilə də çap olunmağa həvəsləndirərdi. Sonralar
bildim ki, Şamil də Faxralıdandır və sən demə, Pənah
müəllimlə müəyyən qohumluq əlaqələri də varmış.
Şamilin bir tələbə kimi universitetdə məş-
hurlaşması üçün elə də çox vaxt lazım gəlmədi. Elə
ilk kursdanca öz qələmi, istedadı, işgüzarlığı, dərslə-
rindən həmişə «əla» qiymət alması və bunlardan heç
də az əhəmiyyətli olmayan ictimai fəaliyyəti (o, hələ
tələbəlikdən əvvəl Kommunist Partiyasının üzvü idi)
ona kollektivin böyük hörmətini qazandırmışdı. Onu
da qeyd etmək yerinə düşər ki, cavan olmağına
baxmayaraq özündən yaşlılarla oturub-durar, onlarla
ünsiyyət yaratmağa çalışar və buna müvəffəq olardı.
295
Yazıçı Mir Cəlal, məşhur jurnalist Nəsir İmanquliyev,
akademik Abbas Zamanov, professor Əlövsət
Abdullayev, Həsən Şahgəldiyev, Nurəddin Babayev,
Şirməmməd Hüseynov, Pənah Xəlilov və başqaları
onunla eyni səviyyədə rəftar edirdilər.
Filologiya fakültəsinin nəzdində fəaliyyət
göstərən jurnalistika şöbəsinin tələbələri o zamanlar
barmaqla göstərilirdi. Dövri mətbuat səhifələrində ən
çox imzaları görünən də elə onlar idi. Ədalətlə demək
olar ki, həmin gənc imzaların içində «Şamil Qur-
banov» imzası daha bariz, daha cazibədar görünürdü.
Ona görə də universiteti fərqlənmə diplomu ilə bitirən
Şamil Qurbanov «Bakı» və «Baku» qəzetlərinə
təyinat alaraq orada qızğın fəaliyyətə başladı, az bir
zaman ərzində sayılıb-seçilən ziyalılarımızdan birinə
çevrildi. Təsadüfi deyildir ki, indi onun 30-dan çox
irihəcmli tədqiqat xarakterli kitabları, yüzlərlə oçerk,
esse, resenziya, zarisovka, məqalə və s. vardır. O,
sözün əsl mənasında «açılmamış səhifələrin» açarı,
kəşfiyyatçısı idi. Onun Ömər Faiq Nemanzadə,
Cəmaləddin Əfqani, Nəriman Nərimanov və daha
kimlər, nələr barədə sanballı monoqrafiyaları vardır.
Mənim Şamil müəllimlə bağlı olduqca maraqlı
xatirələrim vardır. Yaxşı yadımdadır, o, «Bakı» qəze-
tində ədəbiyyat və incəsənət şöbəsinin müdiri vəzifə-
sində çalışardı. Redaksiyaya böyük satirikimiz,
dünyada bənzəri olmayan «Molla Nəsrəddin» jurnalı-
nın banisi və redaktoru Cəlil Məmmədquluzadənin
bədii nəsrində çox emosional, hətta fəci, yaş içində
hıçqırtılar, hönkürtülər məzmununda bir yazı
gətirdiyimi bildirdikdə o, yerindən dərhal dikələrək
296
dedi: sən də yazmağa mövzu tapmadın, o böyük
ədibin adı gələn kimi adamı gülmək tutur. Sən isə
başlamısan faciə belə gəldi, ağlaşma belə getdi, nə
olar, oxuyaq, görək necədir.
Məqaləni ehtiyat və səliqə ilə çıxarıb oxumağa
başladım. O, son dərəcə diqqətlə qulaq asırdı. Yazının
müəyyən yerləri deyəsən ona təsirsiz qalmamışdı.
Odur ki, gözləmədiyim şəkildə birdən-birə dedi:
– Eloğlu, bu məqaləni bəyəndim, bax, budur öz
yanındaca üstünü yazıram: çapa gedə bilər.
O
zamanlar
yazı-pozumuzun
işıq
üzü
görməsindən duyduğumuz həzzi, aldığımız ləzzəti dil
ilə ifadə etməkmi olar?! Səhərisi məqaləm çıxan kimi
dostlar-tanışlar məni təbrik etdilər, sevindirdilər.
Əlbəttə, bunların arasında məni ən çox sevindirən XX
əsr ədəbiyyatımızın fədakar tədqiqatçısı, xüsusilə,
Cəlil Məmmədquluzadə və Mirzə Ələkbər Sabirin
fanatiki, dostum, həm də müəllimim Abbas Zamano-
vun yenə də ehtiyatlı tərifi idi. O demişdi:
– Mirzə Cəlal (o, mənə həmişə Mirzə Cəlal deyə
müraciət edərdi – C.A.), işin çəmini yaxşı tapmısan,
məqaləndə Mirzə Cəlilin ədəbi irsinin az toxunulan və
ya haqqında heç danışılmayan daha həssas, daha zərif
nöqtəsinə baş vurmusan. Doğrudan da, «Danabaş
kəndinin əhvalatları» sirləri açılmamış fəci kolliziya-
larla dolu həqiqi tragediya kimi də qavranıla bilər.
Fərqləri bircə ondadır ki, faciələr adətən mikalimələr
üzərində qurulursa, burada həzin, düşündürücü,
insanın ürəyini parçalayan bir nisgil, qəm, kədər
dastanı ilə qarşılaşırıq.
Dostları ilə paylaş: |