Vətəndaş Bərabərliyi və İnteqrasiyası Dövlət Strategiyasının və 2017-ci il Fəaliyyət Planının yerinə yetirilməsi üzrə hesabat
8
Əlçatanlığın təmin edilməsi və qavramanın yüksəldilməsi məqsədilə etnik azlıq nümayəndələrinin kompakt
məskunlaşdığı şəhər və kəndlərdə treninqlər fərqli şəkildə keçirildi. Tədris modulu erməni və Azərbaycan
dillərinə tərcümə edildi. Treninqlər azərbaycandilli əhali üçün Marneuli, Yarmuğanlı və Sadaxlıda, ermənidilli
əhali üçün Axalsixe, Baraleti və Pokada keçirildi.
Bundan başqa Gürcüstan Ədliyyə Nazirliyi və Gürcüstan Əmək, Səhiyyə və Sosial Müdafiə Nazirliyinin
nümayəndələri Ninodzminda, Axalkalaki və Axalsixe rayonlarından olan gənc etnik azlıq nümayəndələrinə
“TOT” (Trenerlər üçün treninq) treninqlərini də keçdilər. Gender bərabərliyi və qadınlara qarşı zorakılıq
treninqin başlıca mövzusunu təşkil edirdi.
Barışıq və Vətəndaş Bərabərliyi Məsələləri üztrə Gürcüstan Dövlət Naziri Aparatı gender bərabərliyi
məsələləri ilə bağlı məlumatlılığın yüksəldilməsi kampanyasını həyata keçirdi. Bir sıra görüşlər keçirildi və
görüşlər zamanı əsas diqqət etnik azlıq nünayəndəsi qadınların hüquqlarının qorunması, onların ehtiyaclarının
müəyyənləşdirilməsi və mövud problemlərin həlli yollarının axtarılması məsələlərinə yönəldildi.
Gürcüstan Dövlət Naziri Aparatı, ABŞ Beynəlxalq İnkişaf Agentliyi və Gürcüstan BMT Assosiasiyasının
“Tolerantlığın, vətəndaş şüurunun və inteqrasiyanın dəstəklənməsi proqramı” üzrə birgə təşəbbüsü çərçivəsində,
İnsan Alveri (trefikinq) Qurbanlarının, Zərərçəkmişlərin Müdafiəsi və Dövlət Yardım Fondunun Gürcüstan
Ədliyyə Nazirliyi ilə əməkdaşlığı əsasında “Gender bərabərliyi naminə gənclər” layihəsi həyata keçirildi. Layihə
erkən nikahın nəticələri və ailədə zorakılıq kimi məsələlərlə bağlı vətəndaş şüurunun yüksəldilməsi məqsədini
daşıyırdı.
Birinci mərhələdə həmyaşıd təhsil könüllüləri Kvemo Kartli, Kaxeti və Samsxe-Cavaxeti regionları üzrə 61
kənddə ailədə zorakılıq mövzusunda 103 görüş təşkil etdilər. Layihənin ikinci mərhələsində isə etnik azlıqların
sıx məskunlaşdığı 33 kənddə erkən nikah mövzusunda 66 görüş keçirildi.Görüşlər müxtəlif hədəf qrupları –
şagirdlər, müəllimlər, valideynlər, icma başçıları ilə təşkil olundu. Qeyd edilməlidir ki, görüşlər dövlət dilində
keçirildi, lakin zərurət yarandıqda, etnik azlıq nümayəndələrinin ana dilləri köməkçi dil qismində istifadə olundu.
Əmək, Səhiyyə və Sosial Müdafiə Nazirliyi tərəfindən, ÜHHŞ İnsan Alveri (trefikindq) Qurbanlarının,
Zərərçəkmişlərin Müdafiəsi və Dövlət Yardım Fondunun “Gürcüstanda ailədə zorakılığın azaldılması”
layihəsi çərçivəsində gürcü, rus, erməni və Azərbaycan dillərində 5000 ədəd broşür, 300 ədəd stiker və 300 ədəd
təqvim çap edildi və hər birinin üzərində zorakılığa qarşı şüar və qaynar xəttin nömrəsi (116 006) öz əksini tapdı.
Hazırlanmış materiallar Barışıq və Vətəndaş Bərabərliyi Məsələləri üzrə Dövlət Naziri Aparatı, yerli
bələdiyyələr və ÜHHŞ Sosial Xidmət Agentliyinin ərazi vahidi ilə əməkdaşlıq əsasında etnik azlıqların sıx
məskunlaşdığı regionlarda paylanıldı.
Gürcüstan Əmək, Səhiyyə və Sosial Müdafiə Nazirliyi BMT-nin Qadın Təşkilatının dəstəyi ilə Zorakılqdan
müdafiəyə dair məsləhət xəttinin (116 006) maddi-texniki bazasının yaxşılaşdırılması təmin edildi. Qaynar xətt
vasitəsilə ailədə zorakılıq, qadınlara qarşı zorakılıq, insan alveri (trefikinq) və cinsi zorakılıq məsələləri ilə bağlı
məsləhət almaq mümkündür. Qaynar xətt gürcü dili ilə yanaşı, digər 7 dildə (ingilis, rus, türk, Azərbaycan,
erməni, ərəb və fars) də fəalliyyət göstərir.
Barışıq və Vətəndaş Bərabərliyi Məsələləri üzrə Dövlət Naziri Kvemo Kartli regionunda qeyri-gürcüdilli
məktəblərdə dövlət dilini tədris edən etnik azərbaycanlı, erməni və gürcü pedaqoq qadınlarla görüşdü. Görüşdə
qadınların cəlb edilməsinin əhəmiyyəti, görüş iştirakçılarının məşğuliyyət spesifikası, çağırış və uğurları
barəsində diskussiya təşkil edildii.
Vətəndaş Bərabərliyi və İnteqrasiyası Dövlət Strategiyasının və 2017-ci il Fəaliyyət Planının yerinə yetirilməsi üzrə hesabat
9
Tbilisi şəhər Bələdiyyəsi Sakrebulosu yanında QKHŞ “Qadın Hüquqları İcma Təşəbbüsü” gender bərabərliyi
məsələləri ilə bağlı treninq təşkil etdi.
ÜHHŞ David Ağmaşenebeli adına Gürcüstan Milli Müdafiə Akademiyası gender bərabərliyi və qadınların
sülh və təhlükəsizlik prinsiplərinin inteqrasiyasına dəstək göstərir, hansı ki, BMT Qadın Təşkilatı və Qadınların
Beynəlxalq İnformasiya Mərkəzinin köməkliyi ilə həyata keçirilir. Milli Təhlükəsizlik Akademiyasının
bakalavriat, eləcə də karyera məkətblərinin tədris planlarına əsasən məktəblərə qəbul olunmuş hər bir yeni axına,
o cümlədən etnik azlıq nümayəndələrinə “Gender bərabərliyi prinsipləri və BMT Təhlükəsizlik Şurasının
qətnamələri” mövzusunda təlimlər keçirilir.
2017-ci il ərzində IV kursun 84 yunkerinə, o cümlədən etnik azlıq nümayəndələrinə gender bərabərliyi
prinsipləri haqqında qiymətləndirmə mühazirəsi keçirildi. 2016-2017 tədris ilində isə “Gender bərabərliyi
prinsipləri və BMT Təhlükəsizlik Şurasının qətnamələri” barəsində iki saatlıq treninq təşkil edildi.
Kvemo Kartli regionunda “Vətəndaş Bərabərliyi və İnteqrasiyası üzrə Dövlət Strategiyası və 2015-2020-ci il
Fəaliyyət Planı” çərçivəsində yaradılmış “Qadın otaqları” da fəaliyyətini aktiv şəkildə davam etdirdi. Yuxarıda
qeyd edilmiş bələdiyyə xidməti regionun bütün yeddi bələdiyyəsində fəaliyyət göstərir. Layihənin başlıca
məqsədi qadınlar üçün maraqlı, əhəmiyyətli informasiya və xidmətlərin əlçatanlığının təmin edilməsindən
ibarətdir. Bütün sadalananlar öz növbəsində qadınların cəlb olunmasını dəstəkləyən ilkin şərtlərdən biridir.
Region miqyasında “Qadın otaqları” çərçivəsində, il ərzində erkən nikah, ailədə zorakılıq, gender bərabərliyi və
s. kimi əhəmiyyətli mövzularda 168 görüş keçirildi.
İnsan haqlarının müdafiəsi, xırda və mikro biznesin inkişafı, kommunikasiyanın, liderliyin, biznesin
inkişafı və s. mövzularda treninq-kurslar keçirildi, hansılarda ki, etnik azlıq nümayəndəsi qadınlar aktiv
iştirak edirdilər.
“Qadın otaqlarının” fəaliyyəti çərçivəsində 400-ə qədər etnik azlıq nümayəndəsi qadın pulsuz tibbi
muayinə və konsultasiyalardan istifadə etdi;
“Gürcüstanda istehsal et” proqramı üzrə 19 qadın (Marneuli -10, Tetridzğaro -5, Zalqa -4) qeydiyyatdan
keçdi.
Samsxe-Cavaxeti regionunun bütün bələdiyyələrində “Qadınlar otağı” fəaliyyət göstərir. “Qadınlar otağı”ın
təşəbbüsü və bələdiyyələrin dəstəyi ilə qadınların fəallığının yüksəldilməsi və gender bərabərliyi istiqamətində
müxtəlif tədbirlər həyata keçirildi. Fermer qadınlarla, sahibkar qadınlarla görüşlər təşkil edildi, həmçinin
miqrantların reinteqrasiya proqramı ilə tanışlıq, skrininq proqramı, ailə zorakılığı, trefikinq, erkən nikah
prinsipləri, qadınların siyasi aktivliyinin yüksəldilməsi və liderlik bacarıqlarının inkişafı məsələləri üzrə
treninqlər keçirildi;
“Sülh korpusunun” nümayəndələrinin yardımı ilə “Qadın otaqları” yanında ingilis dilinin tədrisi kursları da
fəaliyyət göstərir.
İl ərzində “Qadın otaqları” gender məsələləri üzrə fəaliyyət göstərən müxtəlif təşkilatlar tərəfindən keçirilən
aktivliklərdə fəal iştirak etmişdir. Onlar sırasında xüsusilə qeyd olunmalıdır: Fermer Qadınlar Assosiasiyası,
MERSY CORPS, IOM, “Qadın və İnkişaf” Assosiasiyası, “Münaqişələr və Danışıqlar üzrə Beynəlxalq Tədqiqat
Mərkəzi”, “Qadınlar və qadın olmayanlar üçün informasiya” İnformasiya Mərkəzi, USAID, Gürcüstan Xalq
Müdafiəçisi Aparatının Gender Bərabərliyi Departamenti və s.