Mənbə : Qeybullayev Qeybulla “İqtisadi risk nəzəriyyəsinin əsasları”, Bakı 2003, səh.178
qərarlar üzrə risklərin idarə edilməsinin bütün qaydalarını hazırlayır. Bununla
yanaşı İdarə heyəti mütəmadi olaraq risklərin idarə edilməsi barədə Müşahidə
42
Şurasına hesabat verir. Risklərin idarəedilməsi üzrə Daxili Komitələr banklarda
İdarə Heyətinin Müşahidə Şurasından asılı olmadan müstəqil şəkildə fəaliyyət
göstərən və qərar qəbul edə bilən daxili komitələr yaradırlar. Bu komitələr hər
hansı bir riskin yaranması zamanın konkret məsuliyyətə malik olan bankın
müvafiq struktur bölmələrinin işçilərindən və İdarə Heyətinin bir neçə üzvündən
ibarət olur. Bu komitələr müəyyənləşdirilmiş hesabat prosedurlarına uyğun olaraq
müəyyən dövr ərzində Müşahidə Şurası və İdarə Heyətinə hesabatlar verir.
Risklərin İdarəetmə departamenti, daxili komitələr ilə qarşılıqlı şəkildə fəaliyyət
göstərirlər. Daxili komitələrin vəzifə və səlahiyyətləri İdarə Heyəti tərəfindən
məsləhətləşdikdən sonra Müşahidə Şurası tərəfindən təsdiq edilir, və fəaliyyəti
Əsasnaməyə uyğun şəkildə müəyyən edilir.
Banklarda risklərin idarə edilməsi üzrə daxili komitələr bir sıra sahələr üzrə
məsuliyyət daşıyırlar. Onlar aşağıdakılardan ibarətdir
Risklərin idarəedilməsi üsullarının müəyyənləşdirilməsi ilə əlaqədar
müvafiq risk xəritəsinin formalaşdırılması;
Bankların vəsaitlərinin səmərəli istifadəsi ilə əlaqədar maliyyələşmə və
kreditləşmə sxemlərinin tərtib edilməsi. Bu sxemlərdə bankın müxtəlif növ
əməliyyat bölmələri üzrə bir birinə təklif etdiyi öhdəlik, aktiv kapital və
balansdan kənar məhsulların qiymətləri əks edilməlidir.;
Risklərin idarəedilməsi və tətbiqi ilə bağlı prosedurların formalaşdırılması;
Risklərə nəzarət üzrə limitlərin müəyyənləşdirilməsi;
Bankın vəsaitlərinin aktiv və passivlər üzrə bölüşdürülməsi.
Müşahidə Şurası risklərin idarəedilməsi prosesi haqqında bəhs etdiyimiz
vəzifələrin icra edilməsi üçün özü də bir neçə xüsusi komitə yarada bilər.
1.
Riskləri İdarəetmə Komitəsi. Bu komitə risklərin idarə edilməsini icra
etməklə yanaşı, bununla bağlı fəaliyyət göstərən digər daxili komitələrin
fəaliyyətini də əlaqələndirir. İri kommersiya banklarında risklərin idarə
edilməsi üzrə məsuliyyət daşıyan daxili komitələrin hər biri risklərin
idarəetmə komitəsinin nəzarəti altında fəaliyyət göstərir.
2.
Kredit Komitəsi;
43
3.
Aktiv və passivləri idarəetmə komitəsi.
Kommersiya banklarında risklərin idarə edilməsi departamenti isə öz
səlahiyyətləri çərçivəsində bir sıra vəzifələri icra edir. Onlar aşağıdakılardan
ibarətdir:
risklərin idarəedilməsi prosesininin icra edilməsi zamanı bankın digər
bölmələrdən tələb olunan məlumatların müəyyənləşdirilməsi və toplanması;
prosesin müxtəlif mərhələlərində risklərin idarə edilməsi ilə bağlı mövcud
vəziyyəti əks etdirən hesabatların İdarə Heyətinə və Risklərin İdarə Edilməsi
Komitəsinə təqdim edilməsi;
risklərin idarə edilməsi ilə bağlı əldə edilmiş məlumatların təhlili və
vaxtaşırı qiymətləndirilməsi;
risklərin idarə edilməsi işinin icra edilməsi zamanı Bankın bütün struktur
bölmələrinə metodiki yardımın göstərilməsi və ya risklərin idarə edilməsi
üzrə siyasətinə qaydalarla bu bölmə üzrə fəaliyyət göstərən işçiləri tanış
etmək məqsədilə bankdaxili seminarların keçirilməsi;
risklərin idarə edilməsi ilə bağlı yeniliklər haqqında məlumatı əldə etmək
məqsədilə beynəlxalq təcrübənin öyrənilməsi və təkliflərin hazırlanaraq
İdarə Heyətinə təqdim edilməsi.
Dostları ilə paylaş: