Vəhdəti-vücudla vəhdəti-şühudun fərqi
9
sirayət edə bilməmişdi. O zamanlar bu geniş ərazidə inanc əsaslarının
zəifləməsi, yerli hökmdarların tanrı qəbul edilməsi, sərvət sahiblərinin,
əyləncədən başqa bir şey haqqında düşünməməsi, haram qazancın, zülm və
özbaşnalığın ayaq tutub yeriməsi Moğol hökmdarı Əkbər şahın dövrünə
qədər sürüb gəlmişdi (3,330).
Əkbər şahın məclislərində gedən söhbətlərin məğzi bundan ibarət idi ki,
islam dininin əsl sahibləri cahil və bədəvi bir qövmdür. Bu din yüksək bir
millətə uyğun deyildir (3,330;7, 23-27).
Əkbər şahın idarəsi altında olan bölgələrdə, şəhərlərdə peyğəmbərlik
müəssisəsi, axirət fikri, cənnət, cəhənnəm kimi inanc əsasları mübahisə
mövzusu olmağa başlamışdı. Qurani-Kərimin Allah kəlamı olduğuna şübhə
ilə baxılır,dinə dair əmr və yasaqların bir çoxu asanlıqla inkar edilir, tənasüx
(ruhun bir bədəndən başqasına keçməsi) ideyası yayılıb genişlənirdi. Sarayda
heç kəs namaz qılmağa cürət etmirdi. Əkbər şahın zamanında yüksək nüfuz
sahiblərindən olan Əbül-Fəzl daha irəli gedərək namaz, oruc, həcc və başqa
ibadətlər barəsində mübahisə etməyə başlamışdı (7,23-27).
İmam Rəbbaninin İbnül-Ərəbinin vəhdəti-vücud görüşünə qarşı
çıxmasının əslində bir sıra haqlı səbəbləri var idi. Əkbər şah Hindistanda
xristianlıq, yəhudilik, islamiyyət və zərdüştiliyi birləşdirən yeni bir sinkretik
din icad etməyə başlamışdı. Bu din anlayışında panteist düşüncə açıq-aydın
şəkildə önə çıxırdı. Vəhdəti-vücudla panteizm (vəhdəti-mövcud) arasında
olan bəzi oxşarlıqlar da belə bir düşüncənin rəvac tapmasına imkan
yaradırdı. Belə bir şəraitdə İmam Rəbbani tövhid dininin müdafiəçisi kimi
vəhdəti-vücud görüşünün çətinliyi və müəyyən cəhətlərdən panteizmə
bənzəməsi səbəbi ilə onun yerinə
vəhdəti-şühud düşüncəsini
formalaşdırmağa başlamışdı (1,296).
İmam Rəbbani gənc yaşlarında dini ehya etmək onu dirçəltmək
məqsədilə rəsmi hökümətlə, iqtidarla mübarizə aparmağa məcbur oldu.
İqtidarın nəzərində həqir görünən islamı müdafiə etməsi İmam Rəbbaniyə
çox baha başa gəldi. O, zindana atıldı, lakin rəsmi dairələrin bu hərəkəti xalq
kütlələri içərisində onun nüfuzunun yüksəlməsinə, onların üzərində təsirinin
artmasına səbəb oldu. Nəhayət, Allahın möcüzəsi kimi, günlərin birində
dövrün hökmdarının oğlu Cahangir ona meyl etdi. Bir müddət sonra Şah
Cahangir adı ilə taxta çıxmış bu sağlam təfəkkür sahibi öz oğlu Xürrəmi də
İmam Rəbbaninin müridləri sırasına qatdı. Beləliklə, iqtidarın uzun
V.M.MƏMMƏDƏLİYEV
10
zamandan bəri islama qarşı tutduğu düşmənçilik mövqeyi və siyasəti də
dəyişməyə başladı. İnad və kin öz yerini təzim, hörmət və ehtirama verdi.
İmam Rəbbaninin vəfatından üç il sonra Şah Cahanın bir oğlu dünyaya
gəlmişdi. Dövrünə görə yaxşı təhsil almış bu gənc atasından sonra onu əvəz
edərək həmin siyasəti davam etdirirdi.
İmam Rəbbani Hindistanda alovlanan küfr ocağını söndürməklə
kifayətlənməyib həm də o dövrdə təsəvvüfü rahiblik və fəlsəfədən təmizlədi
və həmin dövrdə özünə yer almağa başlayan bidət və xürafatları da yox etdi
(7,31). İmam Rəbbanin islam dini qarşısında olan ən böyük xidməti məhz
budur.
Mütəxəssislərə məlum olduğu kimi, əslində bütün sufilər varlığın Allaha
aid olduğnu, qalan bütün varlıqların Onun varlığından ayrı olduğu fikrini
qəbul edirlər. Mütəsəvviflər yalnız “Allah əşyanın eynidir” deyən panteizmi
(vəhdəti-mövcudu) rədd edirlər.
Nəqşibəndiliyin banisi Bəhaəddin Nəqşibənd vəhdəti-vücud barəsində
ayrıca bir risalə yazmış, həmin risalədə İbnül-Ərəbinin fikirlərini
mənimsəyərək onları qəbul etmişdir. Bəhaəddin Nəqşibənd qeyd edir ki,
varlıq Allaha aiddir. Allaha aid varlıq mərtəbələrə enərək çoxalmaq cəhətilə
kainatı təşkil etmişdir. Bu çoxalmaya baxmayaraq bütün mərtəbələrdə yalnız
mütləq Varlıq mövcuddur.Ondan başqa bütün mahiyyətlər həmin mütləq
Varlığın şəkillərə girməsi, örtülərə bürünməsidir. Çoxalma (təəddüd)
həqiqətdə deyil, sadəcə görüntülərdədir (8,123).
“Allah Musaya bir ağacdan təcəlli etmişdi. Həzrəti Peyğəmbər də
Rəbbini bir gənc surətində görmüşdü. Əslində Allah hər hansı bir surətdən
xalidir, amma onda görünə bilər. Madam ki, Allahın ağacda və gəncdə
təcəllisi mümkündür, o halda bütün yerdəki və göylərdəki mərtəbələrin onun
bir təcəlli görüntüsü olması niyə mümkün olmasın?” (8,122-123).
“Madam ki, bir tək varlıq vardır, o halda axirətdə savab və cəza görən,
nemət içində yaşayan və əzab çəkən kimdir?” sualına Bəhaəddin Nəqşibənd
belə cavab verir: “Dünyada dövlətli-kasıb çeşidliyi olduğu kimi, orada da
vardır. Varlıq birdir, amma cüziyyatda çoxalar, özü də etibari deyil həqiqi
çoxalar. Elə isə, fərdlər var. Bunu kimsə inkar edə bilməz” (8,124).
İmam Rəbbani atasının ömrünün sonunadək vəhdəti-vücud düşüncəsində
olduğunu,“fəqihin oğlu da yarıfəqihdir” qaydasınca özünün də ilk zamanlar
Vəhdəti-vücudla vəhdəti-şühudun fərqi
11
bu inanca sahib olduğunu, nəhayət, şeyxi Məhəmməd Baqinin irşadı ilə
həqiqətə yetişdiyini (vəhdəti-şühuda ulaşdığını) bəyan edir (8, 124-125).
İmam Rəbbaniyə görə, Allah-Təala heç bir şeylə birləşməmişdir. Allah
Allahdır, aləm də aləmdir. Aləm Allahın qeyridir. Vücudu (varlığı) vacib
olan Allah vücudu mümkün olanla birləşə bilməz. Alah-Təala hər bir eyib
və nöqsandan kənardır. Allah necəlikdən və nəcürlikdən xali, aləm isə bu
xüsusiyyətlərlə məhduddur. Hüdudsuza məhdudun eyni demək və Allahı
mümkün varlıqla (yaradılmışla) bir qəbul etmək doğru deyildir. Qədimlə
hadis (sonradan var olan, sonradan yaradılan) eyni ola bilməz (3,335).
Məkansız olan məkana sığmaz. Sonsuzu məhduddan ayrı düşünmək
lazımdır. Xarici və daxili aləmdə (daxilimizdə) gördüklərimiz Allahın
əlamətləri və şahidləridir. Bəhaəddin Nəqşibənd bunu “Allah görülən,
eşidilən və bilinən hər bir şeyin qeyridir” deyə bildirmişdir.
İmam Rəbbani belə hesab edir ki, əşyanın Allahın eyni olduğunu dərk
etmək məqamı vəhdəti-vücud məqamı deyildir. Çünki bu məqamda ittihad
(birləşmə), eyniyyət (eynilik), tənəzzül (enmə) və təşbih (bənzətmə,
bənzəyiş) yoxdur. Allah-Təala zatı ilə də, sifətləri ilə də dəyişməz və
sonradan olanlara bənzəməz.
İmam Rəbbaniyə görə, vəhdəti-vücud görüşünə sahib olanların “Həme
ust” (Hamı Odur) sözündən məqsədləri əşya həqiqətdə mədum (yox), Allah
isə mövcuddur deməkdir. Mövlana Cəlaləddin Rumi də Məsnəvisində
“Peyğəmbərlər xalqı Haqqa qovuşdurmaq üçün göndərilmişlər. Xalqla Haqq
eyni olsaydı, nəyi (kimi kimə-V.M) qovuşduracaqdılar” deməklə eyni şeyi
bildirmişdir (3,336).
İmam Rəbbani Allahla məxluqat arasındakı münasibəti izah edərkən
göstərir ki, Allah-Təalanın yaratdıqlarını əhatə etməsi və onlara yaxınlığı
elmidir, yəni Allah kainatı elmi ilə əhatə etdiyi kimi, insanlara da elmi ilə
onların şah damarlarından daha yaxındır.
İmam Rəbbani isim və sifətlər üçün ayrı durum olduğunu, Allahla aləm
arasında əsmai münasibət olduğunu bəyan edir. Onun fikrincə, Allahın elmi
olduğu kimi, mümkün varlıqda da o elmin surəti vardır. Qüdrətin və s.-nin
mümkünatda surəti vardır.
İmam Rəbbaniyə görə, Allahın zatı bunlardan ayrıdır. Mümkünün bu
zatdan nəsibi yoxdur. Mümkünün zatı ilə mövcud olduğunu demək mümkün
Dostları ilə paylaş: |