16
2002, стр.9). Onun həmkarı, professor S.Korkonosenkoya
görə, jurnalistika – aktual sosial informasiyanın
toplanılması, hazırlanması və vaxtaşırı yayılması üzrə ictimai
fəaliyyətdir, ... jurnalist fəaliyyətinin məhsuludur, ...
müəyyən elmi bilik və təhsil sahəsidir (Основы
журналистики. Учебник. –М.: 2002, стр.3). Bakı Dövlət
Universitetinin dosenti A.Rüstəmovun izahına əsasən,
jurnalistika – kütləvi informasiya vasitəsidir, dördüncü
hakimiyyətdir, doğru, həm də yalan informasiyadır,
yaradıcılıqdır, publisistikadır, cəmiyyətin güzgüsüdür
(Jurnalistika. Bakı, 2005, s. 10).
“Mətbuat” (dövri mətbu nəşrlər) , “teleradio və
kinoxronika proqramları”, “kütləvi informasiya” və
“kütləvi informasiya vasitələri” anlayışları da bu kursda
tez-tez istifadə olunan terminlərdir. Bu terminlər məzmununa
görə “jurnalistika” anlayışına yaxın olsalar da, jurnalistikanın
ayrı-ayrı sahələrini ifadə edirlər. Azərbaycan Respublikasının
“Kütləvi informasiya vasitələri haqqında” Qanununun 3-cü
maddəsində
dövri mətbu nəşrlər anlayışı – çap prosesinin və
ya hər hansı surətçıxaran texnikanın vasitəsilə hazırlanmış,
birdəfəlik tirajı 100 nüsxədən çox, daimi adı və cari nömrəsi
olan, ildə azı on iki dəfə çıxan qəzetlər və ildə azı iki dəfə çap
olunan jurnal, toplu, bülleten və başqa dövri nəşrlər;
teleradio və kinoxronika proqramları anlayışı – daimi adı
olan və ildə azı bir dəfə efirə buraxılan audio, audiovizual
xəbər və materialların (verilişlərin) məcmusu; kütləvi
informasiya vasitələri anlayışı – dövri mətbu nəşrlər,
teleradio proqramları, informasiya agentlikləri, internet,
kinoxronika proqramları və digər yayım formaları kimi;
kütləvi informasiya anlayışı isə, axtarılması, əldə olunması,
hazırlanması, ötürülməsi, istehsalı və yayımı Azərbaycan
Respublikasının qanunvericiliyi ilə məhdudlaşdırılmayan,
ümumi istifadə üçün nəzərdə tutulmuş mətbu, audio,
audiovizual xəbər və digər məlumatlar mənasını ifadə edirlər.
17
Kurs boyu, xüsusilə də praktik məşğələlərdə bu
terminlər sinonimlər kimi istifadə edə bilər. Yalnız
jurnalistika sistemində gedən proseslərin, məsələn, mətbuatın
və televiziyanın fəaliyyət metodları arasındakı fərqlərin
hansısa məna çalarlarının xüsusi vurğulanması tələb
olunduğu hallarda, bu terminlər konkret ifadələr kimi
işlədilir.
“Jurnalistika
və müasir dövrün qlobal problemləri”
kursunda istifadə olunan əsas terminlərdən biri də
“publisistika” anlayışıdır. Xüsusilə də qlobal demoqrafiya,
ekologiya, miqrasiya, narkomaniya və s. problemlər
öyrənilərkən bu termindən daha çox istifadə edilir. Bu
terminin məzmunu ilə bağlı hələ qədim dövrlərdən bəri
(Yunanıstan, İtaliya, İngiltərə) saysız-hesabsız diskussiya və
polemikalar aparılsa və hamı tərəfindən qəbul olunan
mənası əldə olunmasa da, bəzi xarakterik cizgiləri barədə
ümumi diskursorlara gəlib çıxmaq mümkün olmuşdur.
Müasir dövrün öncül media tədqiqatçısı, Bakı Dövlət
Universitetinin professoru C.Məmmədlinin elmi
ümumiləşdirmələrinə görə, publisistika jurnalistikanın xüsusi
sahəsidir; publisistika intellektual yaradıcılığın sahəsidir;
jurnalistika publisistikanı özündə əks etdirir; publisistika da
ədəbiyyat kimi yaradıcılığın məhsuludur, eyni ədəbi
materialdan – sözdən yoğrulur; publisistika sözü birbaşa
deyir, dəqiq ünvana ötürür, real həyat faktlarına söykənir;
publisistika şüura, ağıla yönəldilir; publisistika daha çox
ictimai məzmun kəsb edir (C.Məmmədli. Jurnalistikanın
müasir inkişaf meylləri. Bakı, 2006, səh. 260-263).
Publisistikaya
münasibətdə yuxarıdakı iki mövqeni
müqayisə edərək yəqin etmək olur ki, publisistika insanların
ağlına, əhval-ruhiyyəsinə və davranışına ciddi təsir
vasitəsidir; təsir açıq və ictimaiyyətin gözü qarşısında həyata
keçirilir; təsir mənbəyi məhz ictimaiyyətin diqqətini cəlb
etmək istədiyi müzakirə obyektinə münasibətdə aydın şəkildə
18
ifadə olunmuş mövqe tutur. Publisistik fəaliyyət üçün təkcə
mətbuat istifadə olunmur. Natiqin çıxışı, sənədli film,
təşviqat plakatı, hətta səhnələşdirilmiş tamaşalar da açıq
ideoloji akt ola bilər. Belə hallarda publisistika
jurnalistikadan daha “geniş” məna kəsb edir. Eyni zamanda,
müasir dövrdə publisistikanın mövcudluğunu mətbuatın
unikal imkanlarından kənarda təsəvvür etmək mümkün
deyildir. Deməli, hazırda jurnalistika publisisitikaya nisbətən
“geniş” məna kəsb edir. Ona görə də “Jurnalistika və müasir
dövrün qlobal problemləri” kursunu öyrənərkən publisistika
termininin jurnalistikanın sinonimi kimi işlənib-işlənməməsi
düzgün qiymətləndirilməlidir.
Kursda
ən çox istifadə olunan termin “qlobal
problem(lər)”
anlayışıdır. Bu termin iki sözün
birləşməsindən əmələ gəlir. “Qlobal” (fransızca global -
ümumi; latınca globus – şar) Yer kürəsinin bütün ərazisinə
aid olan, bütün Yer kürəsini əhatə edən, ümumdünya;
“problem” (yunanca problema – məsələ, tapşırıq, vəzifə)
həllini, tədqiqini tələb edən nəzəri və ya praktik məsələ.
“Qlobal problem(lər)” anlayışı ümumbəşəri xarakter
daşıyan, bütövlükdə bəşəriyyətin və ayrı-ayrılıqda Yer
kürəsinin istənilən nöqtəsində yaşayan hər bir insanın
maraqlarını əhatə edən problem(lər)i ifadə edir.
“Jurnalistika və müasir dövrün qlobal problemləri”
kursunda istifadə olunan digər əsas terminlərin izahı bu
vəsaitin VII bölməsində, geosiyasət, geoiqtisadiyyat,
planetar iqtisadi inteqrasiya, demoqrafiya, ekologiya,
psixoekologiya, qlobal terrorizm, korrupsiya, miqrasiya,
narkomaniya və s. qlobal problemlərlə əlaqəsi olan bəzi
anlayışların izahı isə müvafiq olaraq qlobal problemlərin hər
bir növü üzrə tələbələrə təqdim olunan elektron mühazirə
mətnlərində və bu vəsaitin sonunda çap olunmuş “Termin və
anlayışların izahlı lüğəti”ndə verilir.
Dostları ilə paylaş: |