Uşaqların yaş və inkişaf səviyyəsinin qiymətləndirilməsinə
dair nümunələr
.............................................................................
78
Tezaurus
........................................................................................
90
İstifadə olunmuş ədəbiyyat
..........................................................
92
4
Ön söz
Müstəqil Azərbaycanın ictimai, siyasi və mədəni həyatındakı
böyük dəyişikliklər bütövlükdə cəmiyyətimizin inkişafından xəbər
verir. Artıq Azərbaycan bir çox sahələrdə dünyanın inkişaf etmiş
ölkələrinin sırasına daxil olmaqla nüfuz qazanmışdır. İnkişaf
konsepsiyasında göstərildiyi kimi, “Son illərdə təhsil sahəsində
nəzərə çarpan nailiyyətlərin əldə olunması da bilavasitə ölkəmizin
modernləşdirilməsinə istiqamətlənmiş sosial-iqtisadi siyasətlə
bağlıdır”. Bu siyasətin ardıcıl olaraq davam etdirilməsi əldə olunmuş
nailiyyətlərə əsaslanmaq, onları ölkəmizin gələcəyi naminə daha
uğurla inkişaf etdirməkdən asılıdır. Müasir dünyanın təhsil
meridianında özünə yer tutmuş dünya standartlarına uyğun modern
təhsil sisteminin yaradılması istiqamətində fəaliyyətlər davam
etdirilməlidir. “Azərbaycan Respublikasının təhsil sahəsində Dövlət
Strategiyası”nda qeyd olunduğu kimi, “Azərbaycan Respublikasının
inkişaf konsepsiyasına uyğun olaraq şəxsə hərtərəfli bilik və
bacarıqların verilməsi məqsədi ilə təhsil sisteminin institusional
əsasları, infrastrukturu və insan resursları inkişaf etdirilməlidir”. Bu
strateji istiqamətlər təhsil sahəsindəki islahatçılıq fəaliyyətimizin
metodoloji əsasını təşkil edir. Ölkəmizdə həyata keçirilən təhsil
islahatlarının müasir tələblər səviyyəsində aparılmasına imkan
yaradır. Artıq təhsilin bütün pillələrində islahatyönümlü tədbirlər
həyata keçirilir. İlk nəticəyönümlü məktəbəqədər təhsil proqramının
(kurikulumunun) hazırlanması da bu tədbirlərdən biri kimi diqqəti
cəlb edir. Tamamilə yeni mahiyyət və məzmun daşıyan bu sənəd
Təhsil Nazirliyinin şöbə müdiri, “Kurikulum islahatının davam
etdirilməsi və kurikulumun tətbiqinə dəstək” alt-komponenti üzrə
koordinator Aydın Əhmədov və Təhsil Problemləri İnstitutunun
direktor müavini, Kurikulum Mərkəzinin direktoru Ənvər
Abbasovun ümumi redaktəsi, beynəlxalq məsləhətçi Susan W.Nallın
məsləhətçiliyi ilə aşağıdakı tərkibdə işçi qrupu tərəfindən
hazırlanmışdır.
5
Nurlana Əliyeva - sədr, Azərbaycan
Dövlət Pedaqoji Kollecinin
direktoru, filologiya elmləri doktoru, professor; Laləzar Cəfərova-
işçi qrupunun əlaqələndiricisi, TPİ-nin Məktəbəqədər təhsilin
kurikulumu şöbəsinin müdiri, pedaqogika üzrə fəlsəfə doktoru,
dosent; Nərminə Alnağıyeva - üzv, Təhsil Nazirliyi Məktəbəqədər
və ümumtəhsil şöbəsinin pilot layihələrlə iş sektorunun müdiri;
Limunət Əmrahlı –üzv, psixologiya üzrə fəlsəfə doktoru, dosent;
İlahə Qafarova –üzv, TPİ-nin Məktəbəqədər təhsilin kurikulumu
şöbəsinin elmi işçisi; Kifayət Məmmədova –üzv, TPİ-nin
Məktəbəqədər təhsilin kurikulumu şöbəsinin elmi işçisi; Şərafət
Baxışova –üzv, ADPU- nun dosenti, pedaqogika üzrə fəlsəfə
doktoru; Mehriban İsmayılova –üzv, AMİ-nin dosenti, psixologiya
üzrə fəlsəfə doktoru; Lalə Həsənova –üzv, BBSİ-nin əməkdaşı,
həkim-məsləhətçi; Fəridə Əliyeva –üzv, Xətai rayonu, 257 №-li
uşaq bağçasının metodisti; Dilarə Dadaşzadə -üzv, Sabunçu rayonu,
247 №-li uşaq bağçasının tərbiyəçisi, şöbənin elmi müxbiri; Zenfira
Ağayeva –üzv, Nərimanov rayonu, 69 №-li uşaq bağçasının
tərbiyəçisi; Fəridə Abdullayeva –üzv,Yasamal rayonu, 11 №-li uşaq
bağçasının tərbiyəçisi; Səbinə Məmmədova –üzv, Sabunçu
rayonu,105 №-li uşaq bağçasının tərbiyəçisi; Rəhilə Həsənova –
üzv, Xətai rayonu, 236 №-li uşaq bağçasının metodisti; Dilbər
Səmədova – üzv, Binəqədi rayonu, 266 №-li uşaq bağçasının
müdiri; Sədaqət Rəhimova – üzv, Xətai rayonu, 240 №-li uşaq
bağçasının müdiri; Səlahət Musayeva –üzv, Xətai rayonu, 235 №-li
uşaq bağçasının müdiri; Qəmər Tağıyeva –üzv, Ekologiya liseyinin
sinif müəllimi; Lətifə Məcidova–üzv, Zəngi liseyinin sinif müəllimi;
Nigar Zeynalova–üzv,
ADPU-nin müəllimi; Ruhiyyə Mehdiyeva -
üzv, TPİ-nin Tədqiqatların İKT təminatı şöbəsiniun müdiri,
valideyn.
Təhsil Nazirliyi Məktəbəqədər təhsil sektorunun müdiri
Nərminə Alnağıyeva, Təhsil Problemləri İnstitutunun Kurikulum
Mərkəzi, onun Məktəbəqədər təhsilin kurikulumu şöbəsi (müdir:
pedaqogika üzrə fəlsəfə doktoru, dosent L.K.Cəfərova) işçi
6
qrupunun işini əlaqələndirmək məqsədilə təşkilati tədbirlər həyata
keçirmiş, məktəbəqədər təhsilin kurikulumunun hazırlanmasında
yaxından iştirak etmişlər. Sənədin hazırlanmasında həmçinin Bakı
Avropa liseyinin direktoru psixologiya üzrə fəlsəfə doktoru Zülfiyyə
Veysova, Müasir Təhsil və Tədrisə Yardım Mərkəzinin icraçı
direktoru Ülviyyə Mikayılova və proqram meneceri Yuliya
Kərimova, UNİCEF-in məktəbəqədər təhsil üzrə məsləhətçisi Leyla
Həsənova, Təhsil Nazirliyinin şöbə müdiri Həbib Kərimov, AMİ-
nin müəllimi dos. Şahrza Ağayev iştirak etmişlər.
Məktəbəqədər təhsilin kurikulumunun layihə variantı müzakirə
olunmaq üçün çap edilərək geniş pedaqoji ictimaiyyətə çatdırıl-
mışdır.
Respublikanın
müxtəlif
şəhər
və
rayonlarından
məktəbəqədər təhsil üzrə mütəxəssislərdən alınmış rəy və təkliflər
sənədin təkmilləşdirilməsinə kömək etmişdir.
“Azərbaycan Respublikasında məktəbəqədər təhsil proqramı
(kurikulumu)” Azərbaycan Respublikası Nazirlər Kabinetinin 2010-
cu il 16 iyul tarixli, 137 nömrəli qərarı ilə təsdiq edilmiş
“Məktəbəqədər təhsilin dövlət standartı və proqramı”na əsasən
hazırlanmışdır. Bu sənəd tabeliyindən və mülkiyyət formasından
asılı olmayaraq Azərbaycan Respublikasında fəaliyyət göstərən
bütün məktəbəqədər təhsil müəssisələrinə şamil olunur. Sənəddə
təsdiq olunmuş standartların reallaşdırlması üçün nümunəvi təlim
strategiyaları və qiymətləndirmə mexanizmləri verilmışdir.
Məktəbəqədər təhsil proqramı (kurikulumu) Azərbaycan
Respublikasının təhsil nazirinin 10.07.2012-ci il tarixli, 1329
nömrəli əmri ilə təsdiq olunmuşdur. Bu sənəd məzmununda üç
mühüm parametri əhatə edir. O parametrlərdən birincisi yeni
məzmundur. Burada məktəbəqədər təhsilin standartları əhatə
olunmuşdur. Müasir tələblərə cavab verən bu standartlar 3-6 yaşda
olan uşaqların inkişaf istiqamətləri üzrə qruplaşdırılmaqla inteqrativ
xarakter daşıyır. Orada kiçikyaşlı uşaqların əqli, hissi və fiziki
inkişafı ilə bağlı bacarıqlar əhatə edilir. Müəyyən olunmuş
nəticələrdə standartlardan ibarət bu məzmun təhsilin başlanğıc
7
pilləsində nəinki uşaqların inkişafının istiqamətləndirilməsi, eyni
zamanda bir təşkilat kimi məktəbəqədər təhsil müəssisəsinin müasir
texnologiyalara əsasən idarə olunmasına imkan yaradır.
Proqramın ikinci hissəsi “Təlim strategiyası” adlandırılır ki,
burada da təhsil prosesində istifadə olunması tövsiyə olunan texno-
logiyalar verilir. İlk növbədə əsas tələblər, daha sonra iş formaları,
üsullar, planlaşdırma nümunələri və valideynlərlə əlaqə məsələləri
əhatə olunur. Müəyyən olunmuş standartların reallaşdırılması üçün
texnologiyalardan istifadə etməkdə məktəbəqədər təhsil müəssisə-
sinin əməkdaşlarına sərbəstlik verilir. Onlar müəyyənləşdirdikləri
məqsədlərin həyata keçirilməsi üçün mövcud strategiyalara yaradıcı
yanaşmaqda, yaxud müasir tələblərə uyğun texnologiyalar hazırla-
maqda səlahiyyətlidirlər.
Proqramın üçüncü hissəsində uşaqların inkişafının izlənməsinə
və dəyərləndirilməsinə dair qiymətləndirmə texnologiyaları əhatə
olunur. Bu texnologiyaları əhəmiyyətliliyi baxımından həm məktə-
bəqədər təhsil mütəxəssislərinin, həm də valideynlərin bilməsi zəruri
hesab edilir.
Nəhayət, proqrama uşaqların yaş və inkişaf səviyyəsinin qiy-
mətləndirilməsinə dair nümunələr, tezaurus və istifadə olunmuş
ədəbiyyat siyahısı da daxil edilmişdir ki, bunlar da pedaqoji prosesin
səmərəli qurulması baxımından faydalı hesab edilir.
“Azərbaycan Respublikasında məktəbəqədər təhsil proqramı
(kurikulumu)” ilk nəticəyönümlü məktəbəqədər təhsil sənədi kimi
nəşr olunur. Onunla bağlı fikir söyləyən, arzu və təkliflərini bildirən
hər bir kəsə əvvəlcədən öz təşəkkürümüzü bildiririk.
Qulu Novruzov,
Təhsil Problemləri İnstitutunun direktoru,
hüquq üzrə fəlsəfə doktoru
Dostları ilə paylaş: |