9
Tük örtüyünün inkişaf dərəcəsi dermanın çıxımına təsir edir. Tük örtüyü çox
inkişaf edərsə, dermanın çıxımı az olur, çünki xammal kütləsinə yunun kütləsi də
aiddir.
Tük örtüyünün inkişaf dərəcəsi və onun sıxlığı xəz-dəridə xəzin
keyfiyyətini, istiliksaxlama xassəsini yaxşılaşdırır və istifadə müddətini uzadır.
Dərialtı hüceyrənin qalınlığı xammalın xarakterindən asılı olaraq çox
dəyişir. Dəri kütləsinin 10-25%-i dərialtı hüceyrə təbəqəsinin payına düşür.
Dərialtı hüceyrə təbəqəsinin qalınlığı az olduqca, hazır məhsulun yararlı hissəsi
artır, tullantı azalır.
Dermanın torabənzər qatı dərinin dartılma ərəfəsində möhkəmliyinə, vəz
qatı isə gönün yumşaqlığına təsir edir.
Derma liflərinin toxunma xarakteri dermanın xassəsinə artıq dərəcədə təsir
edir. Liflərin toxunma bucağı və toxunma sıxlığı dərinin və hazır məhsulun fiziki-
mexaniki xassələrini təyin edir.
Dərinin kimyəvi tərkibi onun ümumi xassəsinə təsir edir. Dərinin ən əsas və
vacib tərkib hissəsi zülallardır. Gön xammalı üçün bu, kollagendən, xəz-dəri üçün
isə kollagen və keratindən ibarətdir. Dərinin başqa tərkib hissələri yuxarıda qeyd
olunmuşdur.
Nöqsanların olması gön və xəz xammallarının keyfiyyətini təyin edir.
Aydındır ki, nöqsanlar nə qədər ciddi və çox olarsa, dərinin qiymətli topoqrafik
sahələrini yararsızlaşdırır və keyfiyyəti pisləşir.
Tük örtüyünün xarakteri və onun qorunub saxlanması xəzlik dərilərin
keyfiyyətlərinin təyinində vacib rol oynayır.
10
II. DƏRILƏRIN MIKROQURULUŞU VƏ TOPOQRAFIYASI
Yaxşı inkişaf etmiş tük örtüyünün və davamlı gön toxumasının olmasına
görə bütün heyvan dərilərini gön və xəz-dəri məqsədli növlərinə ayırmaq lazımdır.
Iribuynuzlu heyvanların, məsələn, inək, at, qoyun, keçi, donuz və bəzən maral və
it dəriləri çox az tük örtüyünə və davamlı gön toxumasına malik olduqları üçün gönlük
xammal hesab olunur və onların istehsalı üçün istifadə edilir.
Gön istehsalında heyvan dərilərinin topoqrafik sxem üzrə, şəkil 1-də
göstərildiyi kimi, hər bir hissəsinə xüsusi adlar verilir. Bu ondan irəli gəlir ki,
dərilərin əmtəə kimi qiymətləndirilməsində bu hissələrin hamısı eyni keyfiyyət
göstəricilərinə malik olmur.
Ayrı-ayrı
sahələrin
sərhədləri
təxmini göstərilmişdir.
Dərinin gön təbəqəsinin en kəsiyinə
mikroskopla baxarkən (şəkil 1) onun bir
neçə horizontal qatlardan ibarət olması
görünür. Bu qatlar kiçicik hissəciklərdən,
yəni hüceyrələrdən ibarətdir. Hüceyrələr
isə nüvə və özlülü maye protoplazmadan
təşkil olunmuşdur. Gön təbəqəsində bir-
biri üzərində yerləşmiş 3 qat vardır.
1) Xarici nazik qat – epidermis;
2) Epidermisin altında yerləşən daha
qalın qat – gönün özü və ya derma;
3) Dərialtı yağ qatı.
Epidermis – gön örtüyünün xarici
qatıdır. Onun qalınlığı dermanın qalınlığına nisbətən çox azdır, məsələn, ev
dovşanının kürək hissəsində epidermisin qalınlığı dermanın 2,5-3%-ni təşkil edir.
Mürəkkəb tip epidermis bir-biri üzərində yerləşən bir neçə toxumalardan ibarətdir.
Шякил 1. Дяри гурулушунун схеми:
1-буйнузвари гат; 2-артан гат; 3-дерма;
4-термостатик гат; 5-торвари гат;
6-дермаалты тохума; 7-пий (йаь гаты);
8-коллаэен лифляри дястяси; 9-коллаэен лифляри
дястясинин ен кясийи; 10-тяр вязиляри;
11-язяля; 12-тцк торбажыьы; 13-пий вязи;
14-тцк.
11
Inkişaf dərəcəsindən asılı olaraq onun aşağıdakı qatları ola bilər: əsas qat –
derma ilə sərhəddə yerləşir; torabənzər – bir qədər yuxarıda; dənəvari – lap
yuxarıda; xarici buynuzvari. Bəzi məlumatlara görə, epidermis 6 təbəqədən
ibarətdir.
Əsas qat silindrik formalı hüceyrələrin bir qatından ibarətdir. Bu hüceyrələr
bölünə bilirlər. Onlardan tədrici dəyişikliklər nəticəsində yuxarıda yerləşən,
torabənzər dənəvari və buynuza oxşar qatlar əmələ gəlir.
Torabənzər qat, bircinsli qeyri-müəyyən ölçülü hüceyrələrin bir neçə
sırasından təşkil olunmuşdur.
Bu cür hüceyrələr bölünmə qabiliyyətinə malik deyildir.
Dənəvari qat torabənzər qatın üstündə yerləşir və hüceyrələrinin
protoplazmasında keratoqialin dənəcikləri əmələ gəlir.
Bütün bu üç qatın üçü də eyni bir adla – silikli qat və ya bu qatın öyrənən
alimin adı ilə – Malpigiyev qatı adı ilə eyniləşdirilir.
Epidermisin xarici qatı silikli qatın buynuzlaşmış hüceyrələrindən ibarətdir.
Tük tökülmə vaxtı belə buynuzvari lövhəciklər kəpək kimi tökülürlər.
Derma dərinin əsasını yaradan kollagen, elastin və retikulin liflərindən ibarət
olan bir toxumadır. Bu liflər bir-birindən toxunma, xarakteri, kimyəvi tərkibi və
təyinatına görə fərqlənirlər.
Kollagen lifləri dermanın əsas kütləsinin 98-99%-ni təşkil edir: elastin və
retikulin liflərinin miqdarı isə çox azdır.
Kollagen lifləri xüsusi zülallardan – kollagendən ibarət olaraq, çox nazik
fibrillərdən təşkil olunmuşlar. Fibrillər bir-biri ilə yapışqanlaşdırıcı (fibrillər arası)
maddə ilə birləşmişlər. Kollagen lifləri öz növbəsində dəst halında da birləşmişlər.
Bu lif dəstələrin quruluşu burulmuş ipin quruluşuna oxşayır. Kollagen liflərindən
birləşmiş dəstələr bir-birinə dolanaraq möhkəm, hər bir xammal növünə xas olan,
toxunuş əmələ gətirir. Kollagen lifləri dartılmaya çox davamlı olub, demək olar ki,
heç uzanmırlar.