30
QOST 382-41-də gön zavodlarını təhvil verilən bütün növ dərilər haqqında
məlumat verilir. Bu standarta əsasən gön xammalı xırda, iri və donuz dərilərinə
ayrılır. Bu standartın texniki bölməsində dərinin xarici görünüşü və soyulması,
istehsalat partiyasının seçilməsinin normalaşdırılması haqqında məlumatlar,
dərinin ağırlaşdırılması dərəcəsinin müəyyən edilməsi üsulları, sahəsinin təyini
yolları, dərinin qalınlığının və tük təbəqəsinin, xüsusilə qoyun dərilərində yununun
uzunluğunun ölçülməsi qaydaları haqqında da izahatlar verilir. Bu göstərilən
standart növlərindən başqa ayrı-ayrı növ xammallara aid sahə (OST) standartları da
vardır.
Gön xammalında baş verən nöqsanlardan asılı olaraq dərilərin keyfiyyət
səviyyəsi müəyyən edilir. Bu baxımdan, gön xammalında və eləcə də xəzlik üçün
olan dərilərdə rast gələn nöqsanları ümumi və spesifik nöqsanlara ayrılırlar.
Ümumi nöqsanlar müxtəlif növ dərilərdə, spesifik nöqsanlar isə müəyyən növ
dərilər üçün xarakterikdir. Bundan əlavə, yaranma xarakterinə görə nöqsanlar
heyvanın yaşadığı dövrdə və öldükdən sonra rast gələn nöqsanlara da ayrılır. Gön
istehsalı zamanı onun sortunun aşağı düşməsinə ən çox yaşayış dövründə baş verən
nöqsanlar təsir göstərir ki, bu da 60% təşkil edir. Lakin xəz istehsalında dərilərin
sortunun aşağı düşməsinə yaşayış dövründə yox, heyvanın ölümündən sonra baş
verən nöqsanlar təsir edir ki, bu da bütün nöqsanların 70-80%-ni təşkil edir.
Heyvanın yaşadığı dövrdəki nöqsanları dərinin xəstəliyi, mexaniki
zədələnmələr, düzgün yemlənməməsi, habelə bəzi çirklənmələr üzündən baş verə
bilir. Bu cür nöqsanlar sırasına diametri 1-5 mm-ə qədər olan deşik izləri, vəz
toxumaları (gəmiricilərdən qalmış izlər), göbələkləşmə xəstəliklərindən qalmış
keçəllik, çopurluq, yara yerləri, qat izləri, epidermisin soyulmuş yerləri və s. kimi
nöqsanları misal göstərə bilərik.
Heyvanın ölümündən sonra baş verən xammal nöqsanlarına misal olaraq
onun kəsilməsi, soyulması, konservləşdirilməsi, saxlanması və daşınmasında əmələ
gələn nöqsanları aid edirlər. Bunlardan kəsilmə zamanı baş verən nöqsanlara
səmərəli kəsilmə metodlarından düzgün istifadə edilmədikdə yaranan nöqsanları,
dərinin soyulmasında yaranan və konservləşdirmədən yaranan nöqsanları bir-
31
birlərindən mütləq fərqləndirmək lazımdır. Belə ki, soyulma nöqsanları dərilərin
sortunun aşağı düşməsində 20%-ə qədəri təşkil edir.
Konservləşdirmə, saxlanma və daşınma nöqsanlarına dərinin üst-üstə
yığılma nöqsanları, dərinin sınması, çat izləri, qat izləri, dərinin hislənməsi,
buynuzlaşma, gəmiricilərdən əmələ gələn izlər, kiflənmə, islanmadan yaranan
nöqsanlar, çürümüş yerlər, dərinin rənginin dəyişməsi (krasnata), duz izləri və s.
kimi nöqsanları aid etmək olar.
Gön, xəz və qoyun kürkü üçün istifadə edilən xammalın keyfiyyət
göstəricilərini orqpnoleptiki üsuldan əlavə mikrobioloji, histoloji və kimyəvi
tədqiqat üsulları vasitəsilə qiymətləndirilir.
Mikrobioloji tədqiqat. Xam dərilərin mikrobların iştirakı ilə zədələnməsi
dərəcəsini mikrobioloji topoqrafiya üsulu ilə təyin edirlər ki, bu da aşağıdakı
göstəricilərdən ibarətdir:
1) bakterioskopik topoqrafiya üsulu dedikdə, dərilərin morfologiyasının,
dərinin müxtəlif qatlarında mikrobların yerləşməsi xarakteri və sıxlığının
mikroskopun köməyi ilə öyrənilməsi kimi başa düşülür ki, bunu da üfiqi və şaquli
istiqamətdə nümunə kəsib tədqiqatdan keçirməklə öyrənirlər;
2) bakterioloji topoqrafiya üsulu zamanı dərinin ayrı-ayrı təbəqələrindən
götürülmüş mikroblar müxtəlif qidalandırıcı mühitdə əkilərək dərinin qatlarının
həm duzlanması dərəcəsinin və həm də keyfiyyətli konservləşdirilməsi öyrənilir;
3) sintetik topoqrafiya üsulu və üsulla alınmış nəticələrin bir-birləri ilə
tutuşdurulmasından alınan nəticəyə əsaslanır;
4) bir-birindən asılı olan və tədqiqat topoqrafiya üsulu əvvəlki hər 3
tədqiqatın nəticələrini tutuşdurub dərinin strukturunda baş verən dəyişikliyin
öyrənilməsinə əsaslanır.
Mikrobioloji topoqrafiya üsulu bütün elmi-tədqiqat işlərində geniş istifadə
edilməklə dərilərin quruluşundakı dəyişiklikləri tamamilə öyrənməyə şərait
yaradır.
Histobakterioloji tədqiqat üsulu dərilərin struktur elementlərinin təyin
edilməsinə əsaslanır. QOST 13106-67 üzrə gön xammalının histobakterioskopik
32
nəzarəti haqqında məlumat verilir. Bu isə əvvəlcədən hazırlanmış xammal
nümunəsinin mikroskop altında tədqiqatdan keçirilməsinə əsaslanır. Bakterioloji
dəyişiklik əsasən dərinin derma qatındakı vəzli və tor təbəqələrində tük
çantalarının zədələnməsi hesabına yaranır. Bu isə, öz növbəsində kollogen
liflərinin parçalanmasına gətirib çıxarır. Gön qatının həddən artıq bakterioloji
dəyişikliyə məruz qalması zamanı elastin lifləri tamamilə həll olmuş vəziyyətə
düşür.
Kimyəvi tədqiqat. Dərilərin tərkib hissəsinin dəyişilməsi müxtəlif
maddələrin ayrılması hesabına da baş verir. Gön xammalını keyfiyyət
göstəricilərinin qiymətləndirilməsi dəridən ayrılmış maddələrin kimyəvi üsulla
tədqiq edilməsi ilə də başa çatdırılır. Belə maddələr nə zülallar və nə də yağ-piy
maddələrinə aid deyil. Normal və xarab olmuş dəridən su iştirakı ilə çıxarılmış
maddələrdə turşuluq ədədi (pH) göstəriciləri müxtəlif olur. Buna görə də bəzən
pH-ın göstəricisinə görə gön xammalının keyfiyyəti barədə fikir söyləmək
mümkündür.
Tədqiqatlar göstərir ki, dərilərin xarabolma səviyyəsindən asılı olaraq onun
tərkibində sistin, tirozin, süd və fosfat turşuları toplaşır. Bunların dəridəki
miqdarını təyin etmək üçün bir neçə reaksiya növlərindən istifadə edirlər. Su ilə
ayrıla bilən maddələrdə tirozinin olması zülalların nisbətən az xarab olmasını, lakin
sistinin, süd və digər turşuların olması ilə zülalların tam xarab olmasını sübut edir.
Bundan əlavə, dərinin keyfiyyətinin amiyak maddəsinin miqdarına görə də təyin
edirlər. Dərilərin çürümə dərəcəsini ərimə temperaturuna görə də təyin etmək olar.
Əgər ərimə temperaturu 60C-dən aşağı deyilsə, onda dəridə çürümə yoxdur.
Dərilərin kimyəvi tərkibinin kəmiyyətcə göstəricilərini onun nəmliyinə, külünün
miqdarına, zülali və yağlı maddələrin miqdarına görə və konservləşdirilməsinin
keyfiyyətini isə natrium xlor və sodanın miqdarına görə təyin edirlər. Bütün bu
üsullar isə müvafiq standartlarda göstərilir.
Dostları ilə paylaş: |