10
vəzifəsinin yalnız bu günkü həyata arxalandığını yazırdı. İnsanları
sosializm ruhunda tərbiyə etmək, ideoloji cəhətdən dəyişmək uğrunda
mübarizə apara bilmək üçün “həyatı inqilabi inkişaf içərisində doğru,
tarixən, konkret təsvir etmək”in gərəkli olduğunu vurğulayırdı. Tənqidçinin
bu fikirləri, məsələlərə birtərəfli yanaşma metodun öz təbiətindən irəli
gəlirdi. Sosialist realizmində həyat həqiqətini əks etdirmək əsas yaradıcılıq
prinsiplərindən biri hesab olunsa da, buna əməl olunmurdu. Ədəbi tənqid
məsələlərə sinfi məzmun baxımdan yanaşırdı. Nəticədə sxematiklik, sünilik
meydana çıxırdı. Ədəbi prosesdə baş alıb gedən sxematizmi dövrün ədəbi
tənqidi də görür və ona qarşı özünəməxsus üsullarla mübarizə aparırdı.
M.Hüseyn “Yaradıcılıq metodu məsələləri” məqaləsində yazırdı:
“...Proletar şairi Bezımenski “canlı insan” şüarı əleyhinə çıxaraq “sinfi
insan” şüarını meydana atmışdır. Bu metodun tələbilə göstərilən “sinfi
insanlar” sxematik halda meydana çıxdılar”
1
.
Birinci fəslin ikinci hissəsi
“Ədəbi tənqiddə romantizmə və
romantikaya ziddiyyətli münasibətlər” adlanır. Bu yarımfəsildə 1930-cu
illərdə ədəbi tənqiddə romantizmə ədəbi cərəyan və yaradıcılıq metodu
kimi inkarçı münasibətin siyasi-ideoloji mahiyyəti və dövrün tənqidçi-
lərinin bununla bağlı fikirlərinin təhlili əsas götürülüb.
Siyasi rejim daha çox romantik mədəniyyətin məhvinə çalışırdı. 1930-
cu illər ədəbi tənqidimizdə romantizmə ədəbi cərəyan və yaradıcılıq
metodu kimi ziddiyyətli, daha çox inkarçı münasibətin əsasında totalitar
rejimin müstəmləkə siyasəti dayanırdı. Burada hədəf cəmiyyətin hakim
təbəqəsi olan burjuaziya idi, məqsəd isə xalqın bir millət kimi
formalaşmasını, özünün milli varlığını dərk etməsinin qarşısını almaq idi.
Milli qeyrət, mübarizlik, həmrəylik xüsusiyyətləri romantizmin əsasında
dururdu.
İctimai həyatın məhsulu olduqları üçün hər zaman bir əsrdə doğan
bütün bədii və tənqidi əsərləri müqayisə edərkən burada həmin əsrin
ümumi ruhu özünü qabarıq şəkildə göstərir və bunların hamısı heç də
təsadüfi deyil. Əslində, bunlar müəyyən səbəblərin nəticəsi olan ictimai,
psixoloji proses olaraq yaranır, meydana çıxırdı. Bu mənada zamanın,
siyasi rejimin təsiri dövrün bütün tənqidçilərinə öz təzyiqini göstəridi. Bu
yarımfəsildə dövrün tənqidçilərinin romantizmə münasibəti məsələsi,
xüsusilə “Füyuzat” jurnalına, ədəbi məktəbinə münasibəti təhlil süzgəcin-
dən keçirilmişdir.
1
Hüseyn M. Seçilmiş əsərləri.On cilddə. IX c., Bakı: Yazıçı, 1979, 636 s.
11
Dövrün istedadlı tənqidçilərindən - Ə.Nazim də, B.Çobanzadə də
“Füyuzat”la “Molla Nəsrəddin”i bir-birinə qarşı qoyurdular. Siyasi rejimin
“Molla Nəsrəddin” və “Füyuzat”ı bir-birinə qarşı qoyması, əslində, milli
parçalanma siyasəti idi. Əslində bu iki jurnal arasında müxtəliflik olsa da,
bu müxtəliflik ədəbi irsdə bədii-estetik zənginliyin göstəricisi idi. Millətin
oyanışı, intibahı üçün çalışmaq, elmə, maarifə münasibət, cəhalət və
nadanlığa qarşı mübarizə baxımından hər iki jurnalın mövqeləri üst-üstə
düşürdü.
B.Çobanzadə “Azəri ədəbiyyatının yeni dövrü (nasionalizmdən
internasionalizmə)”
1
əsərində “Molla Nəsrəddin”i “Füyuzat”dan üstün
tuturdu. Tənqidçi Ə.Nazim “Molla Nəsrəddinin realizmi, gülüşü və
“Ölülər” haqqında” məqaləsində “Molla Nəsrəddin” jurnalının nəşrə
başlamasının əhəmiyyətini onun “panislamizm, pantürkizm və osmanlıçılıq
kibi istiqamətlərdə hərəkət edən burjua mülkədar romantikasının əksinə,
əleyhinə yaranmış” bir jurnal kimi qiymətləndirirdi. Tənqidçinin fikrincə,
“Molla Nəsrəddin din, millət məsələlərindən başlayıb, dil məsələlərinə
qədər öz əsər və cərəyanını həmin burjua mülkədar romantizminə qarşı
qoyurdu”
2
.
Ə.Nazimin, B.Çobanzadənin, M.K.Ələkbərlinin – bütövlükdə
dövrün ədəbi tənqidinin “Füyuzat”la “Molla Nəsrəddin” ədəbi məktəbləri-
nin nümayəndələrinin müqayisəsində üstünlüyü “Molla Nəsrəddin”ə
verməsi dövrün tənqidinin ədəbiyyata sinfi-ideoloji baxışının göstəricisidir.
Romantizmin qüdrətli nümayəndəsi olan H.Cavid poeziyası da bu
dövrdə ədəbi tənqidin əsas diqqət mərkəzində idi. Dövrün ədəbi tənqidində
H.Cavid poeziyası ilə bağlı birtərəfli mülahizələr öz əksini tapırdı. Dövrün
ədəbi tənqidi H.Cavid yaradıcılığını dəyərləndirərkən də ideologiyanın
meyarlarını əsas götürürdü. Ə.Nazimin də H.Cavid yaradıcılığına
ziddiyyətli münasibətində ideologiyanın təsiri özünü qabarıq şəkildə
göstərirdi. O, H.Cavidi Azərbaycan burjua ədəbiyyatının nümayəndəsi
hesab edirdi. Tənqidçinin fikrincə, H.Cavid Hadinin alovlu, üsyankar
romantikasını həqiqət axtaran fəlsəfi romantikaya çevirmişdir. Tənqid
ədəbiyyatın yeni yaradıcılıq simasının ideya mübarizəsində təşəkkül
tapacağına qəti surətdə inanmışdı: “Bizdə proletar ədəbiyyatı bütün düşmən
1
Çobanzadə B. Azəri ədəbiyyatının yeni dövrü (nasionalizmdən internasionalizmə). Bakı:
A.D.E.T.İ.-nin nəşri, 1930, 66 s.
2
Nazim Ə. “Molla Nəsrəddin”in realizmi, gülüşü və “Ölülər” haqqında”// “İnqilab və
mədəniyyət” jurnalı, 1935, №1, s.23-29.