16
1930-cu illərdə M.Ə.Sabir irsinə dövrün görkəmli tənqidçi-
ədəbiyyatşünaslarının ideya-estetik, məzmun xüsusiyyətləri cəhətdən
verdikləri şərhlər dəyərli, hər zaman üçün aktualdır.
“Ədəbi tənqid və poeziyada vəzn, janr axtarışları” adlanan III
fəsildə heca vəznli şeirə münasibət, proletar (sovet) ədəbiyyatı uğrunda
mübarizədə sərbəst şeirin yeri, lirik və epik janrlara sosioloji və estetik
yanaşmalar, həmçinin bədiiliyi şərtləndirən digər məsələlər zəngin material
əsasında şərh olunur.
III fəslin birinci yarımfəsli “Heca vəznli şeirə münasibət və proletar
(sovet) ədəbiyyatı uğrunda mübarizədə sərbəst şeirin yeri” adlanır. Bu
yarımfəsildə proletar şeirinin inkişafını şərtləndirən amillər, sərbəst şeirin
imkanları ilə bağlı ədəbi-tənqidi mülahizələr, tənqiddə heca və sərbəst şeir
qarşıdurmalarına təkan verən məqalələrə analitik baxış öz əksini tapıb.
XX əsrin 30-cı illəri ədəbi tənqidimizin tarixinə “ədəbi mübarizələr”
dövrü kimi daxil olmuşdur. Mübahisəli məsələlərdən biri də “proletar
şeiri”nin hansı ənənələr əsasında və hansı yollarla inkişafı məsələsi idi.
Proletkultçu tənqidi düşüncə proletar şeirini hər hansı bir ənənədən, o
cümlədə ənənədən, o cümlədən, heca vəznli şeirdən ayrı təsəvvür edir, yeni
şeirin inkişaf perspektivini daha çox sərbəst şeirlə bağlayırdı. Tədqiqat
materialları bunu deməyə əsas verir ki, 1930-cu illərdə nə heca vəzninə, nə
də sərbəst şeirə münasibət birmənalı deyildi. Dövrün ədəbi tənqidinin
sərbəst şeirə münasibətində də ziddiyyətli fikirlər özünü göstərmişdi.
1930-cu illərdə ədəbi tənqid heca, əruz vəznində yazılan şeirlərin
köhnəldiyini dönə-dönə vurğulayır, sərbəst şeirin üstünlüyünü qabardırdı.
Heca vəzninə bu cür yanaşmanı Ə.Nazimin “Günəşi içirik, günəşlənirik”,
M.Quliyevin “Oktyabr və türk ədəbiyyatı”, B.Çobanzadənin “Azəri
ədəbiyyatının yeni dövrü (nasionalizmdən internasionalizmə)” əsərlərində
görmək mümkündür. Ş.Salmanov haqlı olaraq yazırdı: “Bu halda çox
mühüm keyfiyyət yenilikləri – obrazlı təfəkkürdə, həyati qavrayışda,
varlığın bu və digər sahələrinə müraciətdə, estetik idealda meydana çıxan
yeniliklər kənarda qalırdı”
1
.
M.Rəfilinin “Maarif işçisi” jurnalında çap etdirdiyi “Sərbəst şeir
haqqında ilk söz”
2
məqaləsində sərbəst şeirin xüsusiyyətləri, daxili
ziddiyyətləri, öz inkişafında məruz qaldığı çətinliklər məqalədə çox gözəl
1
Salmanov Ş. Azərbaycan sovet şeirinin ənənə və novatorluq problemi (1920-1932-ci illər).
Bakı: Elm, 1980, s.122.
2
Rəfili M. (“Gülən adam” imzası ilə). “Sərbəst şeir” haqqında ilk söz // “Maarif işçisi”
jurnalı, 1929, №1, s. 70-79.
17
əksini tapmışdır. M.Rəfilinin əsas məqsədi milli poetikanı inkar etmək
deyil, müasir poeziyanın ideya əsaslarını müəyyənləşdirməkdir. Müəllif
sərbəst şeiri yalnız vəzn, forma hadisəsi olaraq izah etmir, sərbəst şeirin
başqa bir yeniliyini də önə çəkirdi. Bu, sərbəst şeirin o vaxt proletar şeirinin
toxunmadığı mövzulara, ümumbəşəri ideyalara toxunmaq cəhdi idi.
Sərbəst şeirin ideya-tematika xüsusiyyətlərini, poetika prinsiplərini
geniş, bəşəri miqyasda müəyyənləşdirməyin özü tənqidin güclü tərəfi,
məziyyəti idi. Beləliklə, dövrün ədəbi tənqidinin bu problemə yanaşmasın-
dakı diqqəti çəkən əsas üstün cəhətlərdən biri odur ki, sərbəst şeirin ayrı-
ayrı formalist ünsürlərini göstərərkən ədəbi tənqid mündəricənin, məzmu-
nun üstünlüyünü, onun ideya-bədii cəhətdən təkmilləşməsinin xüsusi
əhəmiyyət kəsb etdiyini dönə-dönə qeyd etmişdi.
III fəslin “Lirik və epik poeziya tənqidin sosioloji və estetik
meyarları müstəvisində” adlanan ikinci yarımfəslində 1930-cu
illər tənqi-
dində lirik və epik poeziyaya estetik və ideoloji yanaşmaların təhlili,
xüsusilə 1930-cu illər ədəbi tənqidində M.Müşfiq, S.Vurğun, S.Rüstəm,
H.K.Sanılı, Ə.Cavad və b. yaradıcılıqlarının təhlili ilə bağlı fikirlər təhlil
obyekti kimi götürülüb. Məsələn, tənqidçi M.Quliyev, S.Hüseyn və
M.Hüseynin H.K.Sanılının yaradıcılığına münasibətlərində marksist
ideologiyanın irəli sürdüyü tələblər özünü qabarıq şəkildə göstərirdi. Belə
ki, M.Quliyev H.K.Sanılını “qolçomaq şairi” adlandırır, S.Hüseyn isə onun
irəli sürdüyü fikirlərində “haqlı” olduğunu “Hacı Kərim Sanılı hansı kəndin
şairidir?” məqaləsində əsaslandırmağa çalışırdı. S.Hüseyni narahat edən o
idi ki, H.K.Sanılı “yeni kəndə əski kəndin adət və ənənələrini ayaqlayaraq,
yıxıb dağıdaraq getmək fikrində deyildir”
1
. Hər iki məqalədən belə nəticə
çıxırdı ki, H.K.Sanılı patriarxal köhnə kəndi – “qolçomaq” kəndini təsvir
edir.
A.Musaxanlının H.K.Sanılı haqqında məqaləsi ilə tanışlıq zamanı
tənqidçinin “Aran köçü”nə verdiyi təhlillərində isə tənqidçi obyektivliyi,
bədii materiala estetik yanaşma görürük. Bu mənada 1930-cu illərdə
marksist təmayülə milli müqavimət hissini müşahidə etmək, A.Musaxanlı-
nın, M.Rəfilinin, Ə.Abidin, B.Çobanzadənin timsalında milli tənqid ənənə-
lərinin davamını görmək mümkündür.
Dövrün tənqidinin poema janrında yazılan əsərlərə xüsusi diqqət
yetirməsi də səbəbsiz deyildi. Ədəbi tənqid poeziyanın gerçəkliyi yalnız
1
Hüseyn S. H.K.Sanılı hansı kəndin şairidir!? // “İnqilab və mədəniyyət” jurnalı, 1930,
№10, s.26-30.