22
topladığı eyni fikirlərin təbliğ olunduğu mətnləri göstərmək olar. Həmin
mətnlərin birində deyilir ki, kasıb tanrı Boqdonu ziyarətə gedir. Yolda
ömrünü dua etməklə keçirən lama və yüzlərlə insanı öldürüb ürəyini yeyən
şəxsə rast gəlir. Kasıb onların da xahişini tanrıya çatdırır. Məlum olur ki,
lam yalnız özü üçün dua edir, başqalarını düşünmədiyindən onun duasının
xeyri yoxdur. Amma ikinci şəxs sidq ürəkdən peşman olduğundan tanrı
onun günahlarını bağışlayır
20
. Həmin süjetin Azərbaycan variantında isə
ömrünün qırx ilini allaha ibadətlə keçirən abid və hər gün bir oynaşı ilə zina
iş tutan qadından bəhs olunur. Abid allahın yaratdığı iti murdar hesab
etdiyinə görə cəhənnəmlə, həmin itə sahib çıxıb ona baxan qadın isə
cənnətlə mükafatlandırılır
21
. Haqqında bəhs olunan bu süjetə islam dininin
yayılmadığı xalqlar arasında təsadüf olunması, bu cür fikirlərin böyük
əksəriyyətinin ənənədən gəldiyini göstərir. Sadəcə, hər din onu
özününküləşdirməyə çalışır. Bu baxımdan, Q.N.Potaninin topladığı
maiteriallar bizə müqayisə üçün zəngin material verir.
III fəslin «Süjetlərin müqayisəsi» adlanan ikinci yarımbaşlığında
Q.N.Potaninin kazak-qırğızlardan topladığı «Ər-Tüstük», «Təpəgöz», «Kan-
baba», «Vəfasız arvad» və s. nağıl süjetləri müqayisəyə cəlb olunmuşdur.
Q.N.Potaninin materialları bizə ayrı-ayrı süjetlərin inkişafını
izləməyə, onların məruz qaldığı dəyişiklikləri üzə çıxarmağa imkan verir.
Bu baxımdan qırğızlardan qeydə alınmış "Kan-baba" nağılı xüsusi maraq
doğurur. Nağıl Kan-babanın vəzirin qızı ilə evlənməsi və qızın Batır xanı
öldürməyincə onunla bir yastığa baş qoymaqdan boyun qacırması ilə
başlayır. Qəhrəman ayağına dəmir çarıq geyinib, əlinə dəmir əsa alıb, Batır
xanı axtarmağa gedir. Batır xanla birlikdə pərilər padşahına qarşı vuruşur,
pərilər padşahını məğlub edib onun qızını qardaşlığına alır. Nağıl
qəhrəmanın qarşıda yoldaşını gözləyən təhlükədən xəbər tutub onu xilas
etməsi ilə davam edir.
Q.N.Potanin variantında qəhrəmanın fiziki gücü haqqında söz
açılmır, amma hadisələrin inkişafından, Batır xanın minməyə cəsarət
etmədiyi atı ram etməsindən, pərilər padşahının qoşununu təkbaşına məhv
etməsindən onun qeyr-adi gücə sahib olduğunu təyin etmək mümkündür.
Azərbaycan variantında isə qəhrəmanın qeyri-adi gücü açıq-aydın ifadə
olunur. Onun qolunda qırx kəlin gücü olduğu, hətta özü ilə bacarmadığını
__________
20. Потанин Г.Н. Очерки Северо-Западной Монголии: в 4-х томах, Т.4
Спб.: Изд. Импер. Рус. Геогр. Об-ва, 1883, с.259-260
21. Azərbaycan folkloru antologiyası. XVI c., Ağdaş folkloru / Toplayıb
tərtib edən: İ.Rüstəmzadə. Bakı: Səda, 2006, s.245
11
masına, mütəxəssislərin ondan yararlanmasına yardım etmişdir. Bununla belə,
o, bu prinsipdən bütün mətnlərdə deyil, ona marqlı olan süjetlərin təsviri
zamanı istifadə etmişdir.
I fəslin «Q.N.Potaninin toplama üsullarının və tərtib etdiyi
proqramların nəzəri görüşləri ilə bağlılığı» adlı üçüncü yarımbaşlığında
Q.N.Pota-ni-nin toplama fəaliyyətinin və tərtib etdiyi proqramların onun
nəzəri baxışları ilə əlaqəsindən danışılır.
Q.N.Potaninin toplayıcılıq fəaliyyəti elmi-nəzəri baxışları ilə vəhdət
təşkil etmişdir. O, Qərb epik yaradıcılığının kökünü Şərqdə axtardığından onun
toplayıcılıq fəaliyyəti bu fərziyyəni isbata yetirmək üçün zəruri materialın
toplanmasına yönəlmişdir. Nəzəri baxışları Q.N.Potanini toplamaya sövq edən
əsas amil idi. Dostlarına yazdığı məktublarda qeyd edirdi ki, əgər nəzəri
baxışları olmasaydı, folklor toplamaq onun üçün maraqsız olardı
13
.
Q.N.Potaninin qeydə aldığı materialların coğrafiyasına diqqət yetirdikdə,
onların əsasən, sərhəd bölgələrindən - Şimal-Şərqi və Şərqi Qazaxıstandan,
Sibir, Altay və Monqolustanla qonşu olan yerlərdən - Zaysandan, Qara İrtış
çayının sahillərindən, Tarbaqataydan, Saurun şimal yamaclarından, Qobi
Altayından, Bayan-Auldan, Tokrayu sahillərindən toplandığının şahidi oluruq.
Coğrafi məkanları seçərkən sərhəd bölgələrinə üstünlük verilməsinin əsas
səbəbi Q.N.Potaninin türk və monqol xalqları arasında qarşılıqlı əlaqələri
araşdırmaq istəyindən irəli gəlirdi. Bu da istər-istəməz toplanma arealının
coğrafi baxımdan məhdudlaşmasına səbəb olmuşdur.
Toplama üsullarının nəzəri baxışlarından asılılığı təkcə toplama
arealının deyil, həm də qeydə alınan nümunələrin müəyyən janrlarla
məhdudlaşmasına gətirib çıxarmışdır. Qohum xalqların şifahi irsi arasındakı
münasibəti, şifahi ədəbiyyat nümunələrinin bir xalqdan başqa xalqa
keçməsini araşdırmaq onun toplama fəaliyyətinin əsas hədəfi idi. Ona görə,
Q.N.Potanin qədim epik janrların – əfsanə, nağıl, mif və inancların
toplanmasına əhəmiyyət vermiş, müasir janrlar, folklorda gedən müasir
proseslər, yeni yaranan folklor nümunələri diqqətdən kənarda qalmışdır.
Q.N.Potanin türk xalqları folklorunun toplanmasına dair toplayıcılara
istiqamət verən, onları müəyyən olunmuş məqsədə yönəldən bir neçə
proqram hazırlamışdır. Bu proqramlar folklorun sistemli və elmi prinsiplər
əsasında toplanmasına xidmət etmişdir. «Şimali Sibir xalqlarının mifoloji
və heyvanlarla bağlı eposlarının müqayisəli öyrənilməsinə dair», «Qırğızların,
________
13. Потанин Г.Н. Письма: в 4-х томах, Т.1, Иркутск: Издательство
Иркутского Университета, 1977, с. 176