8
Areal etnotoponimlərin tarixi, coğrafi, eləcə də linqvistik
aspektdən tədqiqi son dərəcə aktualdır. Bu istiqamətdə olan
tədqiqat areal etnotoponimlərin konkret coğrafi məkanda
yayılması, onların kəmiyyət xarakteristikaları həmin ərazidə
hansı etnosların daha çox məskunlaşması, eləcə də bu
məskunlaşmanın tarixi, miqrasiyası barədə müxtəlif səpkili
faktları aşkara çıxara bilər. Təbii ki, müasir dövrdə Ermənistan
ərazisindəki türk mənşəli etnotoponimlərin tədqiqi daha vacib
məsələ olub, təkcə elmi aktuallığı ilə deyil, siyasi əhəmiyyəti
baxımından son dərəcə vacibdir.
Tədqiqat işinin əsas məqsədi Qərbi Azərbaycan (qədim
oğuz yurdu – indiki Ermənistan) ərazisindəki türk mənşəli
etnotoponimləri linqvistik aspektdən təhlil etmək və onların
areal xüsusiyyətlərini öyrənməkdir. Bu məqsədlə aşağıdakı
vəzifələrin yerinə yetirilməsi nəzərdə tutulmuşdur:
- onimik areal və areal onimlər anlayışlarını dəqiqləş-
dirmək;
- lokal qrup adları, regionali və geonimlərlə etno-
toponimlər arasındakı oxşar və fərqli cəhətləri müəyyən-
ləşdirmək;
- Ermənistan ərazisindəki türk mənşəli etnonimlərinin
ümumi mənzərəsini şərh etmək;
- Ermənistan ərazisindəki türk mənşəli areal et-
notoponimlərin onomastikonunu tərtib etmək;
- Ermənistan ərazisindəki türk mənşəli areal etnoto-
ponimlərin areallıq xüsusiyyətlərini və yayılma coğrafiyasını
müəyyənləşdirmək;
- Ermənistan ərazisindəki türk mənşəli etnotoponim-
lərin, fonetik, leksik-semantik, struktur və qrammatik
xüsusiyyətlərini araşdırmaq.
Tədqiqat işində Qərbi Azərbaycan ərazisindəki etnoto-
ponimlərin qeydə alındığı və toplanıb daxil edildiyi əsərlər təşkil
edir. Kitabda əsas mənbələr kimi «Ermənistan Azərbaycanının
tarixi coğrafiyası», B.Ə.Budaqov, Q.Ə.Qeybullayev. «Ermənis-
9
tanda Azərbaycan mənşəli toponimlərin izahlı lüğəti»,
Ə.Ələkbərli «Qədim türk-oğuz yurdu, Ermənistan», Bünyadov
Z., Məmmədov H. «Irəvan əyalətinin icmal dəftəri
M.H.Baharlının kitablarından» istifadə edilmişdir (20; 24; 30;
21). Işdə türk dillərinə aid yazılı abidələrdəki materiallardan,
M.Kaşğarinin və V.Radlovun lüğətlərindən, bir sıra başqa lüğət-
lərdən, tədqiqatçıların, o cümlədən Azərbaycan tədqiqatçılarının
Ermənistan ərazisindəki onomastik vahidlər haqqında elmi
monoqrafiya və məqalələrində qeydə alınan etnotoponimlərə də
istinad edilmişdir.
Tədqiqat işində müqayisəli, müqayisəli-tarixi metoddan,
areal, genetik, deskriptiv, kartoqrafik, struktur, etimoloci və
tipoloci təhlil üsullarından istifadə olunmuşdur.
Ilk dəfə olaraq Qərbi Azərbaycan ərazisindəki etnotop-
nimlər tədqiqat obyekti olmuş, bu ərazinin areal etnotoponimləri
araşdırılmışdır. Ermənistan ərazisindəki türk mənşəli etnoto-
ponimlərin onomastikonu tərtib edilmiş, etnotoponimlər
linqvistik və tarixi aspektdə araşdırılmışdır. Dissertasiyada
müxtəlif əsaslı etnotoponimlər ayrı-ayrılıqda təhlil olunmuşdur.
Bu da müxtəlif əsasdan olan etnotoponimlərin qruplaşdırılma
imkanlarını genişləndirmişdir. Işin elmi yeniliyinin bir cəhəti də
ondan ibarətdir ki, dissertasiyanın üçüncü fəslində türk mənşəli
etnotoponimlərlə, etnotoponim olmayan toponimlərin struktur,
leksik-semantik, fonetik, qrammatik xüsusiyyətləri müqayisəli
şəkildə öyrənilmiş və bu qruplar arasındakı oxşar və fərqli
cəhətlər üzə çıxarılmışdır.
Tədqiqat işində əldə olunmuş bir sıra nəticələr, o cümlə-
dən etnotoponimlərin areal xüsusiyyətlərinin öyrənilməsi
məsələsinə yeni aspektdən baxılmışdır. Etnotoponimlərin areal
olmasının səbəbləri tarixi-coğrafi aspektdən qiymət-
ləndirilmişdir. Işdə indiki Ermənistan ərazisindəki areal etno-
toponimlərin başqa areallarda işlənmə səbəbləri nəzərə
alınmışdır.
10
Tədqiqat işinin praktik əhəmiyyətini göstərən cəhətlərdən
biri Ermənistan ərazisindəkt türk mənşəli etnotoponimlərin tam
siyahısının tərtibi ilə bağlıdır. Qədim türk oğuz yurdu – indiki
Ermənistan ərazisində türklərin hələ çox-çox qədimdən
məskunlaşmasını təsdiq edən faktlar üzə çıxarılmış, tarixi
tədqiqatlar üçün böyük əhəmiyyət kəsb edən onomastik
vahidləri ermənilərin dəyişdirməklə həqiqəti saxtalaşdırması
diqqət mərkəzinə çəkilmişdir. Dissertasiya işinin praktik
əhəmiyyəti ondadır ki, onomastikaya aid dərsliklərin və dərs
vəsaitlərinin yazılmasında, ixtisas kurs və seminarlarının
aparılmasında, türk mənşəli etnotoponimlərin, toponimlərin
izahlı lüğətlərinin hazırlanmasında istifadə edilə bilər.
11
I FƏSIL
QƏRBI AZƏRBAYCANIN TÜRK MƏNŞƏLI
ETNOTOPONIM MƏNZƏRƏSI
1.1. Onomastik vahidlərin tədqiqinin xalqın
məskunlaşma coğrafiyasının təyinində rolu
Əsasında duran sözün mənasına, onun nəyi bildirməsinə
görə toponimlərin fərqlənən qruplarından biri etnotoponimlərdir.
Tayfa, qəbilə adları, bir sözlə etnonimlər əsasında yaranmış
toponimlər onamastik sistemdə-etnotoponim adlanır.
Azərbaycan toponimik sisteminin ən mürəkkəb və az
öyrənilmiş sahələrindən biri etnotoponimlərdir. Xalqımızın
qədim tarixi ilə bağlı olan bu onomastik vahidlər barədə hələlik
çox az söz deyilmişdir.
Azərbaycan toponimləri təbii ki, dilimizin leksikasında
mövcud olan müxtəlif söz qrupları əsasında yaranmışdır. Bu-
nunla belə coğrafi adların meydana gəlməsi şəxs adları kimi bu
və ya digər fərdin iradəsindən asılı olmayıb müəyyən tarixi,
ictimai-siyasi hadisələr nəticəsi kimi təzahür etmişdir. Bu adlar
müəyyən ərazidə yaşayan əhalinin, kollektivin və ya hakim
dairənin təşəbbüsü ilə əmələ gəlmişdir.
Minillik tarixə malik olan əyalət, şəhər və kəndlərin adı
tarixi inkişaf prosesində müxtəlif səbəblər zəminində həm
sürətli, həm də ilk baxışdan nəzərə çarpmayan tədrici dəyişməyə
məruz qala bilir. Onomastik vahidlər - toponim, etnonim,
etnotoponim, antroponim və i.a. tarixi abidələr, kitabələr kimi
dəyərli, qiymətli sərvət sayılır. Belə bir sərvətə münasibət də
həmişə düzgün olmalı, onun qorunmasına, saxlanmasına,
tədqiqinə köklənməli, onlar tarixin yadigarı kimi mühafizə
edilməlidir. Onomastik leksika insanın inkişaf tarixi haqqında
informasiya daşıdığına görə təkcə dil mənşəyinə görə mənsub
olduğu dilin daşıyıcısı olan xalqın malı sayılmamalı, mahiyyəti
Dostları ilə paylaş: |