|
41. Steqanoqrafiyada məlumatı gizlətmə metodlarıMobil obyektlərlə rabitənin təmin edilməsi
|
səhifə | 7/11 | tarix | 22.06.2022 | ölçüsü | 263,92 Kb. | | #89924 | növü | Yazı |
| 41, 42, 43, 44, 45, 49, 5049. Mobil obyektlərlə rabitənin təmin edilməsi
WiMAX texnologiyasının inkişafının ikinci mərhələsində İEEE 802.16e standartı əsasında sistemin qurulması məsələsi gündəmdə olmuşdur. 2005 ci ildən İEEE 802.16e standartını dəstəkləyən avadanlıqların işlənib hazırlanmasına başlanılmışdır. Burada əsas məqsədlərdən biri - istifadəçilərin mobil terminallarını genişzolaqlı rabitə ilə təmin etmək idi. Bu terminallara WiMAX texnologiyasını dəstəkləyən idarəetmə prosessorunun mikrosxemi ilə miniatür transiverlər quraşdırılması qərara alınmışdır. Bundan başqa, xüsusi genişzolaqlı miniatür antena da olmalıdır. NEC və Anten şirkətləri tərəfindən hazırlanan Rosedale mikrosxemi, Texas İnstru-ments transiveri və UWB - antenası vasitəsilə müştəri terminallarının mobilliyi təmin oluna bilir. Mobil rabitə ilə təmin etməyin başlanğıc mərhələsində yalnız “öz” baza stansiyasının əhatəsində rabitəni təmin etmək mümkün olurdu. Sistem təkmilləşdirildikcə, şəbəkədə estafet ötürülmənin sayəsində mobil terminallar trafiki itirmədən öz şəbəkəsi daxilində yerini dəyişə bilər. İEEE 802.16e standartı spesifikasiyası mobil müştərilər üçün genişləndirmədir və öz şanı ərazisi daxilində yüksəksürətli genişzolaqlı rabitəni təmin edə bilir (potensial olaraq, 30 milə qədər). Bu standartda provayderin ərazisinə daxilolma və çıxma məsələləri, həmçinin lokal və regional rouminq məsələləri öz həllini tapmışdır. Bu cür səviyyəyə malik servis, qurulmuş olan 802.16 - 2004 standartının təbii inkişafının nəticəsi kimi qiymətləndirilir. Magistral rabitə xətlərinə və İnternetə naqilsiz daxilolma məsələsi, ofislərdəki qeyd olunmuş antenalı müştərilər üçün və şəhər ərazisindəki mobil abonentlər üçün təmin edilmiş olacaqdır. 802.16e standartının vacib xüsusiyyəti odur ki, ötürülən müxtəlif növ verilənlər üçün yüksək, dinamiki idarə oluna bilən keyfiyyət səviyyəsi (QoS) təmin oluna bilir. Sistem avtomatik olaraq rabitənin növünü təyin etməyə, müxtəlif tezlik zolağı verməyə və keyfiyyət səviyyəsi təmin etməyə qadirdir. Məsələn, VoİP üçün, radio və videoyayımı üçün paketlərin itkiləri səviyyəsi, verilənlərin ötürülməsi üçün olan qiymətdən çox ola bilər. Lakin xeyli dərəcədə az gecikmə və ləngimə müddətinin qeyri-stabilliyi tələb olunur.
Məlum olduğu kimi, hal-hazırda üçüncü nəsil şəbəkələri üçün İMT-2000 (İnternational Mobile Telephone), Avropada isə UMTS (Universal Mobile Telecommunications Services) adı qəbul edilmişdir. İMT-2000 üçün radiointerfeysin işlənib hazırlanmasında veriliş sürətinə görə aşağıdakı məqsədlər müəyyənləşdirilmişdir:
• xidmət zonasının tam örtülə bilməsi və mobil abonentlər üçün
144 Kbit/san (arzu olunan təklif isə 384 Kbit/san-dir) veriliş
sürətinin təmin edilməsi;
• məhdud zonalar və məhdud mobillik üçün 2 Mbit/san veriliş
sürətinin təmin edilməsi.
Bu sürətlər İSDN - xidmətlərin inteqrasiyasına malik olan rəqəmli şəbəkələrdəki sürətlərə analoji olaraq seçilmişdir. 144 Kbit/san-dən 384 Kbit/san-yə qədər olan sürətlər məhdud zonada mütəhərrikliyin az olduğu şəraitdə GSM EDGE texnologiyası ilə təmin edilə bilər. Daha böyük sürətlər (2 Mbit/san-yə qədər) - ayrılmış tezlik zolaqlarının genişləndirilməsini tələb edir. Bir neçə növ texnologiya təklif edilmişdir. Nəticədə bu və ya başqa dərəcədə bir-birilə uzlaşdırılmış bir neçə seriya standartlar seçilmişdir. Seçilmiş standartlar əsasən WCDMA (Wideband CDMA) genişzolaqlı CDMA texnologiyasına əsaslanırlar. Bu cür yanaşma və təkliflər bir neçə ölkə tərəfindən olmuşdur. Təəssüflə qeyd etmək lazımdır ki, bu təkliflər çip sürətinə, tezlik zolağını genişləndirmə üsuluna, modulyasiya növünə görə tam şəkildə bir-birilə uzlaşdırılmamışdır. İMT-2000 şəbəkələri üçün 2 QHs diapazonunda ümumi zolağı 230 MHs olan tezlik zolağı ayrılmışdır. WCDMA - da bir kanalın zolağı 5 MHs təşkil edir (CDMAone - də isə 1,25 MHs). Burada spektrin genişləndirilməsinin müxtəlif metodları tətbiq edilməsi nəzərdə tutulur:
DS-CDMA - bir daşıyıcı tezlikli, psevdotəsadüfi ardıcıllıqla spektrin düz genişləndirilməsi;
MC-CDMA - bir neçə daşıyıcı tezlikli və tezlik dupleksinə malik sistem;
TD-CDMA - bir daşıyıcı tezlikli və zaman dupleksinə malik sistem (zamana görə sıçrayışlara malik sistem) və yaxud bu metodların kombinasiyası. Eni 10 və 20 MHs olan zolaqların istifadə edilməsi nəzərdə tutulur.
WiMAX texnologiyası ilə müqayisədə qeyd etmək olar ki, 3G nəsil şanvari rabitə sistemləri, verilənlərin ötürülməsi məsələsində WiMAX-ın imkanlarından geri qalır. OFDM əsasındakı WiMAX (OFDMA - mobil rabitəni dəstəkləyə bilmək üçün) texnologiyası spektrdən daha effektiv istifadə edilməsinə malikdir, çoxşüalı yayılma şəraitində veriliş daha yaxşı mühafizəyə malikdir, verilənlərin ötürülməsi sürəti daha yüksəkdir, hər iki istiqamətdə simmetrik veriliş sürətini təmin edir və s.
Naqilsiz daxilolmaya malik olan mobil abonentlərlə rabitəni təmin etmək imkanına malik olan yüksək sürətli sistemlər texnologiyasının baxılan qısa xülasəsi, WiMAX texnologiyasının bir çox üstünlüklərə malik olduğunu göstərir.
Dostları ilə paylaş: |
|
|