|
41. Steqanoqrafiyada məlumatı gizlətmə metodlarıWi MAX şəbəkəsinin arxitekturası
|
səhifə | 6/11 | tarix | 22.06.2022 | ölçüsü | 263,92 Kb. | | #89924 | növü | Yazı |
| 41, 42, 43, 44, 45, 49, 5045. Wi MAX şəbəkəsinin arxitekturası
WiMAX şəbəkəsi öz arxitekturasına görə şanvari şəbəkəyə oxşar olaraq qurulur. Şəhər boyunca baza stansiyaları şəbəkəsi quraşdırılır. Hər bir BS “nöqtə-çoxnöqtə” sxemi üzrə hər tərəfə istiqamətli antenaların köməyilə radius 6 - 8 km olan öz ərazisinə xidmət göstərə bilir. Uzaqda yerləşən manqalar arasında rabitə yaradılması zərurəti yarandıqda baza stansiyalarında istiqamətlənmiş antenalar quraşdırıla və radiokanalla “nöqtə-nöqtə” sxemi üzrə 50 km-ə qədər məsafələrə retranslyator rolunu yerinə yetirə bilər. Retranslyatorların köməyilə lokal şəbəkələr adacıqlarından ibarət olan regional şəbəkələr yaratmaq mümkündür. Qlobal şəbəkələrə (məsələn, Ümumişəhər, regional və internet-şəbəkələr) daxilolma onunla əldə edilir ki, ya hər bir BS, ya da onlardan biri (hansına ki, retranslyatorlar və ya istiqamətlənmiş antenalar vasitəsilə yerdə qalan BS-lər daxil ola bilmək imkanına malik olurlar) naqilli birləşmə yolu ilə və yaxud optik kabellə magistral şəbəkəyə qoşulur. Bu cür BS-nı - Backhaul magistralına daxilolma nöqtəsi adlandırırlar. Bu cür arxitekturanın sxemi şəkil 9.4 – də göstərildiyi kimi ola bilər. BS-nın antenaları yalnız qüllələrdə deyil, hündür binaların üstündə quraşdırıla bilər. Birinci mərhələdə xidmət göstərilən binalarda qeyd olunmuş xarici antenalar quraşdırılır.
Bu antenalar transiver blokuna - müştərilər stansiyasına (SS) qoşulurlar. SS - stansiyası binanın daxilində yerləşdirilir. Transiver blokunda standart naqilli Ethernet-interfeysləri vardır ki, bunlar müştərilərin avadanlığını qoşmaq üçün nəzərdə tutulmuşdur. Binanın daxilində olan və 802.11 standartını dəstəkləyən noutbuklar, binada ümumi daxilolma nöqtəsinə (hotspot) malik olurlar. Xarici şəbəkəyə çıxışı təmin etmək üçün müxtəlif avadanlıqlardan olan istifadəçi trafikləri multipleksorun köməyilə birləşdirilir ki, bu multipleksorun çıxışı müştərilərin transiver blokuna qoşulmuşdur, daha sonra bu trafik WiMAX şəbəkəsi ilə ötürülür. Binanın daxilində avadanlığın WiMAX şəbəkəsinə müştərilərin baza stansiyası (SS) vasitəsilə qoşulması sxemi şəkil 9.5 - də göstərilmişdir.
Baza stansiyasından trafik Ethernet və ya SDH vasitəsilə kabel və yaxud optik xətt vasitəsilə şəhər magistral şəbəkəsinə qoşulur. Şəbəkənin strukturu manqa şəkilli ola bilər. Bu halda magistrala qoşulmuş yalnız bir baza stansiyası lazım gələ bilər və uzaqdakı istifadəçi stansiyalarından informasiyanın ötürül-məsi ardıcıl olaraq yerinə yetiriləcəkdir: istifadəçi stansiya-sından yaxınlıqdakı qonşu stansiyaya, oradan növbətiyə və daha sonra baza stansiyasına qədər ardıcıl olaraq ötürüləcəkdir.
İstifadəçi stansiyaları bu cür şəbəkədə özlərinin müştəriyə xidmət etmək kimi əsas funksiyaları ilə yanaşı, retranslyatorlar funksiyasını da yerinə yetirə bilər. Qonşu stansiya məşğul olduqda, trafik digər marşrutla - azad tezlik resursu olan başqa istifadəçi stansiyaları ilə göndərilə bilər. Azad marşrutların axtarışı şəbəkədən daha geniş imkanların olmasını tələb edir, ona görə də şəbəkənin qurulmasının bu cür variantı opsiya variantı kimi nəzərdən keçirilir.
Dostları ilə paylaş: |
|
|