10
Adi işgüzar yazışmalarda qəbul olunmuş “qızıl” qaydalar isə bunlardır:
• Yalnız məğzini verməklə, fikirlərinizi qısaca ifadə edin.
• Savadlı yazın.
• Başqalarından nəzakət tələb edirsinizsə, özünüz də nəzakətli
olun.
• Aldığınız məktubun cavabını gecikdirməyin.
• Ümumi ifadələrlə “canınızı qurtarmayın”. Deməyə sözünüz
yox dursa, bunu nəzakətlə bildirib, yazışmaya son qoyun.
Elektron yazışmalarda bu göstərilənlərə aşağıdakı qaydalar da əlavə olunmalıdır:
•
Subject (mövzu) sahəsini doldurun. İstifadəçilərin çoxu virus-
ların
qor xu sundan mövzusu olmayan, yaxud mövzusu şübhəli
olan məktubları oxumadan uzaqlaşdırırlar.
• Elan etdiyiniz mövzuya uyğun fikirlər yazın.
• Məktubunuzun sonunda kimliyinizi bildirin.
• Qabaqcadan arxivləşdirmədən böyük həcmli fayllar göndərmə -
yin.
• Əgər məktubunuzda adresatların hamısı üçün mühüm və faydalı
informasiya yoxdursa, onu bir neçə ünvana “səpələməyin”.
Sizin ünvanınızı arzuolunmaz adresat kimi “qara siyahıya” sala
bilərlər.
• Elektron yazışmalarda emosiyaları bildirmək üçün çox zaman
sözlərin yerinə simvollar ardıcıllığından (smaylik-
lərdən) istifadə olunur. Smayliklərdə istifadə olunan
hər simvolun öz anlamı var: “ikinöqtə” gözü, “defis”
burnu, “mötərizə” ağzı bildirir. Aşağıda geniş isti-
fadə olunan smayliklərdən bəziləri göstərilib.
Simvollar ardıcıllığı
Mənası
:)
:))))
;)
:(
:((((
:-0
Təbəssüm
Gülüş
Hiyləgər təbəssüm
Məyusluq
Ümidsizlik
Təəccüb
11
Telekonfrans ünsiyyəti. Elə qaydalar var ki, onlar həm dostcasına söhbətlər,
həm işgüzar ünsiyyət, həm də elmi polemikalar üçün məqbuldur:
• Fikirləriniz üst-üstə düşməsə də, başqalarının fikirlərinə hörmət lə
yanaşın.
• Səhvlərinizi etiraf etməyi bacarın.
• Fikirlərinizi təsdiq etmək üçün dəlil-sübutlara əsaslanın.
• Mənasız danışıqları vaxtında kəsməyi bacarın.
Telekonfranslarda insanlar müəyyən bir mövzunu müzakirə etməyə yığışırlar.
Əlbəttə, yuxarıda sadalanan qaydalara burada da əməl etmək gərəkdir, ancaq
telekonfranslara başqa normalar da xasdır:
• Məlumatlar qısa olmalıdır.
• Söylənilən fikirlər problemin mahiyyətinə uyğun olmalıdır.
• Məlumatlar bütün həmsöhbətlərə ünvanlanmalıdır.
• Özünü reklam yolverilməzdir.
• İrqçi xarakterli fikirlər, təhqirlər və nəzakətsiz qeydlər qadağandır.
1. Şəbəkədə hansı ünsiyyət qaydalarına əməl olunmalıdır?
2. “Nik” nədir və ondan nə vaxt istifadə olunur?
3. Nümunə üçün bir neçə elektron mıəktub götürün. Onların məzmununu yazışma
etikası baxımından təhlil edin. Çatışmazlıqları və düzgün məqamları qeyd edin.
4. Hər hansı mövzunu müzakirə etmək üçün sinif yoldaşlarınızla telekonfrans qu -
run. Ünsiyyət zamanı etik normalara diqqət edin.
1.
İNTERNET
XİDMƏTLƏRİ
ELEKTRON TƏHSİL
• Uzaqdan təhsil nədir.
• E-öyrənmə nədir və onun hansı üstünlükləri var
• Fasiləsiz təhsil sistemi nə deməkdir
• Elektron tədris vəsaitlərinin ənənəvi vəsaitlərdən fərqi nədədir
Təhsil sistemi həmişə dövrünün tex
nologiyalarından yararlanmağa ça
lışır.
İnformasiya texnologi yalarının inki şafı və İnternetin yaranması tədris pro sesində
özündən qabaqkı texno lo giyalardan fərqli olaraq görünməmiş imkanlar açmışdır.
Telekommunikasiya texnologiyaları
və İnternet şəbəkəsinin resursları yeni
tədris tipini – uzaqdan təhsili (distant
təhsili) meydana çıxarıb. Uzaqdan təh-
silin subyekti, yəni öyrənən (şagird,
tələbə və s.) pedaqoqdan, tədris vasitələrindən və təhsil resurslarından uzaqda
olur. Bu təhsil növü üçün də tədris prosesinə xas olan bütün komponentlər – məz-
mun, məqsədlər, təşkilat formaları, təlim vasitələri, nəzarət sistemi və nəticələrin
qiymətlən dirilməsi xarakterikdir.
Uzaqdan təhsil zamanı məlumatları öyrənənlərə çatdırmaq üçün müxtəlif
üsullardan istifadə olunur. Tətbiq olunan texnologiyaların artıq bir neçə nəsli
(ənənəvi çap məhsullarından ən müasir kompüter texnologiyalarınadək) bir-biri-
ni əvəz etmişdir. Lakin, texnoloji yeniliklərin meydana çıxmasına baxmayaraq,
bir çox hallarda hələ də daha sadə üsullara üstünlük verilir. Məsələn, Hindistanda
uzaqdan təhsil üçün radiodan istifadə edilməsi geniş ya yılmışdır. Çünki radio
oradakı əhalinin əksəriyyəti üçün daha əlverişlidir və əlavə infrastruktur yarat-
mağa gərək yoxdur.
Hazırda uzaqdan təhsil məqsədilə İnternet ünsiyyət vasitələrinin hamısından
– elektron poçtdan, forumlardan, gap xidmətlərindən, tele- və videokonfranslar-
dan istifadə olunur.
İndi iri şirkətlərin çoxu öz işçi heyətinin hazırlığını standartlaşdırmaq, bu
məq
sədlə çəkilən xərcləri azaltmaq və keyfiyyəti yüksəltmək üçün öz tərki-
blərində uzaqdan təhsil mərkəzləri yaradırlar. Demək olar ki, heç bir müasir
şirkət bunsuz keçinə bilməz. Məsələn, Microsoft şirkəti öz işçilərini, onun məh-
sullarından istifadə edənləri, yaxud alıcıları və proqram təminatı hazırlayanları
öyrətmək üçün böyük öyrədici portal yaratmışdır.
Uzaqdan təhsil
Öyrənən
E-öyrənmə
Fasiləsiz təhsil
S
Ö
Z
L
Ü
K
1.3.
Əslində uzaqdan təhsilin tarixi daha “qədimdir”. Belə ki, ötən əsrin əvvəllərində radio-
nun ixtirasından sonra ilk radiokurslar yayımlanmağa başladı. Analoji kurslar 1950-ci
illərdə telekanallarda açıldı. 1960-cı ildə ilk dəfə Çində orta təhsil vermək üçün radio və
televiziyadan istifadə etməyə başladılar.
12