Obyekt-relasiya tipli sistemlər. Yuxarıda göstərilən üstünlüklərinə baxmayaraq, obyekt yönlü VBİS-dən istifadə edilməsi həmişə səmərəli olmur. Bir sıra hallarda obyektin verilənlqrinin dekompozisiyası heç bir problem yaratmır və tamamilə məntiqli olur. Belə hallarda relasiya modelindən istifadə edilməsi daha səmərəli olur. Bunu nəzərə alaraq, relasiya VBİS-lərin aparıcı istehsalçıları İBM və ORACLE fırmaları özlərinin DB2 və ORACLE relasiya sistemlərinə obyekt-yönlü modelə uyğun üstqurum elementlərini əlavə etmişlər. Beləliklə, bu sistemlərlə işləyən zaman konkret situasiyadan asılı olaraq bu və ya digər modeldən istifadə etmək olar. Yaxın gələcəkdə bu cür hibrid sistemlərin sayının artacağı gözlənilir.
5. İnformasiya sisteminin qurulması üçün VBİS-in və aparat vasitələrinin seçilməsi
İnformasiya sisteminin qurulmasında və tətbiqində proqram-aparat platformaları onun səmərəli fəaliyyətində böyük rol oynayırlar. İS-in proqam-aparat platformasının seçilməsi problemini iki hissəyə bölmək olar: 1) VBİS-in seçilməsi; 2) verilənlərin emalı üçün aparat vasitələrinin seçilməsi.
Dostları ilə paylaş: |
