Verilənlərin təhlükəsizliyi və tamlığı
Verilənlərin təhlükəsizliyi və tamlığı VBİS tərəfindən xüsusi qaydalar və vasitələrlə təmin edilir. Relasiya modelli sistemlərdə bu qaydalar verilənlərin təsviri üçün istifadə edilən SQL dilində nəzərdə tutulur. VBA mövcud qaydaların və vasitələrin yerinə yetirilməsinə nəzarət edir.
Verilənlər bazasının administratoruna bir mütəxəssis kimi ciddi tələblər qoyulur. O, informasiya texnologiyalırı üzrə yüksək ixtisas səviyyəsinə malik olmalıdır ki, verilənlərin strukturunu, təşkil və emal üsullarını, dil və proqram vasitələrini araşdıra bilsin və düzgün qərarlar qəbul etsin. VB-nın administratoru həmçinin verilənlərin aid olduğu müəssisənin işini yaxşı təsəvvür etməli və verilənlərdən necə istifadə edilməsini bilməlidir. Bir sözlə, VB-nin administratorundan texniki bilikdən əlavə, tətbiq sahəsini yaxşı bilmək, istifadəçilərlə ünsiyyəti bacarmaq və alternativ hallarda mövcud standarlara uyğun qərarlar qəbul etmək tələb olunur.
Hazırda VBİS-in inkişafında perspektiv sahələrdən biri VBA-nın bəzi funksiyalarının avtomatlaşdırılmasıdır. Buna baxmayaraq VB-də müxtəlif istifadəçilərə xidmət edildiyindən, onların solrğularında tələb edilən verilənlərin təsviri bir-birindən fərqləndiyindən və bu sorğular əksər halda qeyri-prosedur xarakter daşıdığından, VB administratorunun rolu əvəzsizdir.
Dostları ilə paylaş: |