33
zəif və bədən çəkisinin defısiti ilə dünyaya gəlirlər. Vaksinasiyaya reaksiya bu uşaqlarda 2-3 gün
sonra baş verirsə, yoluxmamış uşaqlarda 4-6 həftə sonra baş verir.
İlk dəfə yoluxma insanların tam əksəriyyətində vərəm mikobakteriyalarının tənəffüs
yollarına düşməsi və çox az hallarda mədə-bağırsaq yoluna düşməsi nəticəsində baş verir. Belə
hallarda əgər yoluxma baş verirsə, vərəm mikobakteriyalarının daxil olduğu yerə histositar
hüceyrələrin, mononuklearların, seqmentnüvəli leykositlərin, limfositlərin proliferasiyası baş
verir və limfoplazmasitar və histomakrofaqal qabarcıqlar formalaşır. Bunların içərisində
epitelioidin (tək-tək çoxnüvəli hüceyrələrin) qeyd olunması vərəm qranulomasının əmələ
gəlməsi ilə nəticələnir. Vərəmə yoluxma az miqdarda vərəm mikobakteriyaları və
mikobakteriyanın L-formaları vasitəsilə də baş verə bilir. Makrofaqlar tərəfindən “ələ keçirilmiş”
vərəm mikobakteriyaları ciddi dəyişikliyə uğradılır və limfa düyünlərində tutulub saxlanılır,
burada qeyri-spesifik və paraspesifik iltihabi reaksiya əmələ gətirir (“kiçik” vərəmli
dəyişikliklər). Qeyri-spesifık və paraspesifik reaksiyalar (spesifik hüceyrə reaksiyasız və
kazeozsuz limfoid və limfohistositar düyünlər və infiltratlar, makrofaqal infiltrasiya) ağciyərlərin
toxumalarında, dalaqda, qaraciyərdə, ürəkdə, böyrəklərdə, selikli və seroz qişalarda, dəridə,
sümük iliyində birincili vərəm infeksiyasının “maskaları ilə”, yaxud müxtəlif kliniki
sindromlarla müşahidə olunaraq inkişaf edə bilər.
Birincili vərəm infeksiyasının inkişafı paraspesifik reaksiyaların formalaşdığı mərhələdə
tamamlana bilər ki, bu da orqanizmdə immun proseslərin baş verdiyini göstərir. Bu reaksiyalar
qısa müddətlidir və infeksiyanın latent vəziyyətə (latent mikroorqanizm) keçməsi ilə yox olur.
Belə vəziyyət xəstəliyin kliniki təzahürləri baş vermədən uzun müddət qala bilər. Əsas etibarilə
vərəm mikobakteriyalarının bakterial formalarının iştirakı ilə spesifik dəyişikliklərin əmələ
gəlməsi zamanı orqanizm ləng tipli hiperhəssaslıq (LTH) əldə edir ki, bunu da tuberkulin sınağı
ilə müəyyən etmək olur.
Yoluxma anından tuberkulinə ilk müsbət reaksiya aşkar olunana qədər (predallergik dövr) 2-
3 həftə keçir. Tuberkulinə həssaslıq əmələ gəlməsi immun hüceyrələrin və humoral müdafiə
reaksiyasının formalaşdığına dəlalət edir. Birincili yoluxma uşaqların və yeniyetmələrin çoxunda
intoksikasiya əlamətləri ilə müşahidə olunmur. Belə olduqda tuberkulin reaksiyalarının
virajından 1 ilə qədərki dövr birincili vərəm infeksiyasının erkən dövrü adlanır. Müxtəlif orqan
və sistemlərin funksiyalarının pozulmasına gətirib çıxaran birincili yoluxmaya (vərəm
intoksikasiyası) vərəmin ən erkən forması kimi baxırlar.
KJB (Kalmett və Jeren batsilləri) vaksinasiyası aparılmış uşaqlarda voə yeniyetmələrdə
vərəm mikobakteriyaları ilə yoluxma adətən xəstəlik əmələ gətirmir, birincili vərəm
infeksiyasının erkən dövrü isə davamlı immunitetin formalaşması ilə nəticələnir. Vaksinasiya
olunmamış, yaxud keyfiyyətsiz vaksinasiya olunmuş uşaqlar və yeniyetmələrdə birincili yo-
luxma vərəm xəstəliyinin əmələ gəlməsi ilə nəticələnə bilər.
İlk dəfə yoluxmuş insanlarınm əksəriyyətində vərəmin gedişi sağalma ilə nəticələnir.
Birincili vərəmin patogenezi haqqında təsəvvürlər xeyli dəyişmişdir. Hal-hazırda heç kəs
təsdiq edə bilməz ki, vərəm mikobakteriyalarının daxil olduğu yerdə ilkin kompleks əmələ gələ
bilir. Hələ Kalmett belə mülahizə irəli sürürdü ki, ilkin kompleks yaranana qədər limfa
sistemində infeksion proses meydana gəlir. Təsdiq olunmuşdur ki, ilk ağciyər ocağından əvvəl
limfa düyünləri, plevral kompleks, yaxud da mediastenal limfa düyünlərinin zədələnməsi baş
verir. Vərəm mikobakteriyalarının daxil olduğu yerdə ağciyərdə birincili ocağın yaranması inkar
olunur. Müşahidələr göstərir ki, vərəm mikobakteriyaları daxil olduqdan sonra onların çoxalması
və limfa sistemində, toxuma mayesində yayılması baş verir. Sonra isə onlar, əsas etibarilə,
34
bolluca retikuloendotelial toxuması olan orqanlarda fıksasiya olunurlar. Ona görə də yoluxmanın
ilk saatlarında vərəm mikobakteriyalarının limfa düyünlərində, sümük iliyində, dalaqda,
qaraciyərdə və ağciyərlərdə aşkar etmək olur.
İnfeksiyanın erkən səpələnmə dövrü adlanan, yaxud da ocağa qədər dövr adlanan bu dövr
bir sıra funksional pozğunluqlarla xarakterizə olunur: yuxunun pozulması və iştahanın
zəifləməsi, halsızlıq, əsəbilik, termorequlyasiyanın və ürək fəaliyyətinin ritminin pozulması.
Bütün yoluxma halları xəstələnmə vəziyyəti yarada bilmədiyinə görə funksiyaların pozulması
dərəcəsi bütün hallarda eyni ola bilməz. V.İ.Puzikin araşdırmalarına görə təcrübə heyvanlarında
yoluxmadan bir neçə saat sonra baş beyin qabığında dəyişikliklər müşahidə olunur ki, bunlar da
sonra qabıqaltı beyin maddəsində daha əsaslı dəyişikliklərlə əvəz olunur. Sonra batsilemiya
nəticəsində orqanizmin toxumalarında sensibilizasiya yaranıir və tuberkulin sınağənən “virajı”
meydana çıxır. Bu allergik dövrdə funksional təzahürlər daha qabarıq ola bilər. Bundan başqa,
dəri altında düyünlü histolimfositar, infiltratlar, ağciyərlərdə, qaraciyərdə, böyrəklərdə revmatoid
qranulomaları şəklində paraspesifik reaksiyalar yarana bilir. Onlar voərəm, yəni spesifik
infeksiya nəticəsində əmələ gəldiyi üçün paraspesifik adlandırılır. Patohistoloji dəyişikliklər
vərəm qranulomalarından fərqlidirlər.
Paraspesifik dəyişikliklərin aqibəti müxtəlif olur, ya bunlarm sorulması baş verir (bununla
da infeksion proses məhdudlaşır), yaxud da ilkin ocaqların və ilkin kompleksin yaranması ilə
spesifik lokal vərəm zədələnməsinə tranformasiyaya uğrayırlar. Artıq bundan sonra ağciyərlərdə
ilk rentgenoloji dəyişiklikləri aşkar etmək olar.
İnfeksiyanın təzahürləri paraspesifik dəyişikliklər və nəzərəçarpacaq funksional
pozğunluqlarla məhdudlaşa bilər ki, bunun da kliniki ifadəsi lokal vərəmlə nəticələnməyən erkən
vərəm intoksikasiyasıdır.
Tuberkulin sınaqlarının virajı nadir hallarda kliniki əlamətlərlə müşahidə olunur. Əgər bu
əlamətlər olursa da, qısa müddətli baş verir. infeksion prosesin erkən dövrlərində kimyəvi
profilaktikanın aparılması vərəmin lokal formasının əmələ gəlməməsi şərti ilə tamamilə keçib
gedir. Batsilyar xəstələrlə yaxm təmasda olduğu halda sağlam orqanizmin reaktivliyini zəiflədən
faktorlara təsir edirsə, ilkin kompleks inkişaf edə bilər. Məhz buna görədir ki, ağciyərdən kənar
orqanların vərəmi olan xəstələrin ağciyərlərində bir sıra hallarda ilkin vərəm kompleksinin izləri
olmur. Birincili vərəmin gedişi və başlanğıcı tədricən, yaxud da kəskin paraspesifik reaksiyalar,
müsbət tuberkulin sınaqları və patoloji prosesə limfa düyünlərinin cəlb olunması ilə xarakterizə
olunur.
Birincili vərəmin aşağıdakı formaları ayırd olunur: uşaqlarda və yeniyetmələrdə erkən və
xroniki vərəm intoksikasiyası, ilkin vərəm kompleksi, traxeobronxial, mediastenal və
mezenterial limfa düyünlərinin vərəmi, birincili yumşaq ocaqlı və hematogen dissiminasiyalı
vərəm. Bundan başqa, vərəmin ağciyərdən kənar formaları da inkişaf edə bilər.
Bağırsaqlarda ilkin vərəm kompleksi, adətən, iliosekal şöbədə baş verir. Birincili ocaq
sürətlə xoralaşır, iltihab müsariqənin limfatik damarları ilə müsariqənin periferik limfa
düyünlərinə yayılır. Bağırsaqların ilkin vərəm kompleksi əmələ gəlir.
İlkin vərəm kompleksi
İlkin vərəm kompleksi birincili vərəmin üç kliniki formasından biridir. Birincili vərəm
əvvəllər vərəm infeksiyası ilə yoluxmamış orqanizmdə əmələ gəlir.
Dostları ilə paylaş: |