21
29.5. Ticarət sistemində ünvanlı əqdlərin bağlanılması üçün sifariş təqdim olunduqda
aşağıdakı məlumatlar Birja üzvü tərəfindən daxil edilməlidir:
29.5.1. Sifarişin istiqaməti (alış və ya satış);
29.5.2. Qiymətli kağızların sayı (lotlarla);
29.5.3. Bir qiymətli kağızın qiyməti;
29.5.4. Sifarişin ünvanlandığı əks tərəf qismində çıxış edən birja üzvü.
29.6. Ünvanlı əqdlərin bağlanılması üçün təqdim edilən sifarişlər üzrə sifarişlər kitabı tərtib
edilmir.
29.7. Ünvanlı əqdlərin bağlanılması üçün təqdim edilən sifarişlər və ünvanlı əqdlər yalnız
onun tərəflərinə açıqlanır. Qanunvericilikdə digər hallar nəzərədə tutulmadıqda, Birja ticarət
günü ərzində bağlanılmış ünvanlı əqdlərin ümumi həcmini məlumatların açıqlanması
qaydalarına müvafiq olaraq açıqlayır.
29.8. Bu Qaydaların 7-ci bəndinin müddəaları ilə nəzərdə tutulmuş qiymət dəhlizi ünvanlı
əqdlərə şamil olunur. Ünvanlı əqdlər bu qaydalara müvafiq olaraq istinad qiymətinin
hesablanması zamanı nəzərə alınmır.
29.9. Ünvanlı əqdlərin bağlanılması üçün təqdim edilən sifarişlər yalnız onun təqdim edildiyi
ticarət günü ərzində qüvvədə saxlanılır.
29.10. Ünvanlı əqd bu əqdin bağlanılması üçün birja üzvü tərəfindən təqdim edilən sifarişin
(ünvanlı əqd təklifinin) bu sifarişin (təklifin) ünvanlandığı birja üzvü tərəfindən təsdiq
olunmasından sonra bağlanılmış hesab edilir.
29.11. Ünvanlı əqdlərin bağlanılması üçün təqdim edilən sifarişlər yalnız onun ünvanlandığı
birja üzvü tərəfindən eyni şərtli əks sifarişin daxil edilməsi yolu ilə təsdiq oluna bilər. Belə
təsdiq olmadıqda (eyni şərtli əks sifariş təqdim edilmədikdə) ünvanlı əqd bağlanılmır.
29.12. Ünvanlı əqdin bağlanılması üzrə təqdim edilmiş lakin təmin edilməmiş sifarişlər ticarət
günün sonunda avtomatik olaraq ləğv edilir. Birja üzvü təmin edilməmiş sifarişlərini ticarət
günü ərzində ləğv edə bilər.
29.13. Bu Qaydaların tələblərinə cavab verən sifarişlər ünvanlı əqdlərin bağlanılması üçün
ticarət sistemində qeydiyyata alınır və ticarət əməliyyatlarında iştirak edir.
29.14. Bu Qaydaların 29-ci bəndi ilə digər müddəalar nəzərdə tutulmadıqda, bu qaydaların
müddəaları ünvanlı əqdlərə şamil edilir.
22
III HİSSƏ: XÜSUSİ MÜDDƏALAR
Maddə 8
MARKET MEYKER ƏMƏLİYYATLARI
30. Marketmeyker statusunun verilməsi üçün meyarlar
30.1. Aşağıdakı meyarlara cavab verən Birja üzvlərinə Birjanın İdarə Heyətinin qərarı ilə
birjada ticarətə buraxılan qiymətli kağızlar və törəmə maliyyə alətləri üzrə marketmeyker
statusu verilə bilər:
30.1.1. Marketmeyker statusu qiymətli kağızların ticarəti üzrə verildikdə, market meyker yerli
qiymətli kağızlar bazarında ən azı 1 (bir) il təcrübəyə malik olan azı 1 (bir) səlahiyyətli
treyderə malik olmalıdır;
30.1.2. Marketmeyker statusu törəmə maliyyə alətlərinin ticarəti üzrə verildikdə,
marketmeyker törəmə maliyyə alətləri bazarında ən azı 1 (bir) il təcrübəyə malik olan azı 2
(iki) səlahiyyətli treyderə malik olmalıdır;
30.1.3. Marketmeykerin adından çıxış edən səlahiyyətli treyderi market meykerlik etdiyi
qiymətli kağızın emitentinin idarəetmə orqanının üzvü olmamalıdır.
30.2. Baza aktivlərinin qiyməti, gəlirliliyi, məzənnə fərqi və ya risk dərəcəsinin dəyişikliyinin
alınıb-satılmasını nəzərdə tutan törəmə maliyyə alətləri üzrə marketmeykerlər aşağıdakı
tələblərə cavab verməlidirlər:
30.2.1. Nizamnamə kapitalı ən azı 1 000 000 (bir milyon) manat olmalıdır;
30.2.2. Törəmə maliyyə alətlərinin ticarəti üzrə ən azı ən azı 5 (beş) il təcrübəyə malik 5 (beş)
səlahiyyətli treyderi olmalıdır;
30.2.3. Birjada bu alətlərin ticarət olunduğu ticarət sisteminə birbaşa çıxışı olmalıdır;
30.2.4. Baza aktivlərinin ticarət olunduğu bazarlara (ilkin likvidlik mənbəyinə) birbaşa çıxışı
olmalıdır;
30.2.5. Risklərin idarə edilməsi üzrə adekvat sistemə malik olmalıdır;
30.2.6. Marja ticarəti üzrə QKDK tərəfindən verilmiş müvafiq icazəyə malik olmalıdır;
31. Marketmeyker statusunun verilməsi proseduru
31.1. Marketmeyker statusunun əldə edilməsi üçün Birja üzvü bu barədə ərizə ilə Birjanın
İdarə Heyətinə müraciət edir. Ərizəyə aşağıdakı sənədlər əlavə edilir:
31.1.1. Ərizəçinin bu Qaydaların 30-cu bəndinin tələblərinə cavab verməsini təsdiq edən
sənədlər;
31.1.2. Marketmeyker fəaliyyəti ilə məşğul olmaq üçün müraciət forması (Əlavə №2);
31.1.3. Üzərinə götürdüyü gündəlik minimal alış həcmi öhdəliyinə bərabər miqdarda pul
vəsaitinin birjanın hesabına köçürülməsini təsdiq edən sənəd və ya həmin həcmdə bank
təminatı;
31.1.4. Marketmeykerin adından ticarətdə iştirak edəcək 30.1.3-cü bəndinin tələblərinə cavab
verən səlahiyyətli treyderi barədə məlumat;
23
31.1.5. Marketmeykerin klirinq təşkilatında olan hesab nömrəsi;
31.2. Marketmeyker statusunun əldə edilməsinə dair ərizəyə onun təqdim edildiyi tarixdən 5
(beş) iş günü ərzində Birjanın İdarə Heyəti tərəfindən baxılır.
31.3. Birjanın İdarə Heyəti ərizəçinin müraciəti üzrə müsbət qərar qəbul etdikdə onunla
market meyker müqaviləsi bağlanılır. Müqavilədə aşağıdakı müddəalar nəzərdə tutulur:
31.3.1. Marketmeyker öhdəliklərinin həcmi;
31.3.2. Kotirovka spredi (Birja tərəfindən hər bir alət üzrə təyin olunmuş minimal və
maksimal qiymət həddindən artıq olmamaq şərti ilə);
31.3.3. Marketmeykerin öhdəliklərindən azad olunması şərtləri, əgər müqavilə üzrə belə
şərtlər nəzərdə tutulmuşdursa;
31.3.4. Birja tərəfindən marketmeykerə tətbiq edilən güzəştlər və onların tətbiqi şərtləri;
31.3.5. Marketmeykerin adından ticarətdə iştirak edəcək treyderi barədə məlumat;
31.3.6. Marketmeykerin fəaliyyətinin predmeti olan qiymətli kağızlar;
31.3.7. Marketmeykerin öz öhdəliklərinin icrasına başlaması müddəti;
31.3.8. Marketmeykerin öhdəliklərinin qüvvədə olması müddəti;
31.3.9. Müqaviləyə əlavə və düzəlişlərin edilməsi və onların qüvvəyə minməsi şərtləri;
31.3.10. Marketmeykerin Birja üzvlüyü dayandırıldıqda, onun öhdəliklərinin digər birja
üzvləri vasitəsi ilə yerinə yetirilməsi şərtləri.
31.4. Birjada ticarətə buraxılmış hər bir qiymətli kağız və törəmə maliyyə aləti üzrə bir və ya
bir neçə marketmeyker təyin oluna bilər.
31.5. Hər bir marketmeyker statusunun verilməsi zamanı Birja bu barədə məlumatı açıqlayır.
Məlumatda aşağıdakılar nəzərdə tutulur:
31.5.1. Qiymətli kağızların dövlət qeydiyyat nömrəsi və ya ISIN kodu (market meyker
fəaliyyətinin predmeti törəmə maliyyə alətləri olduqda, alətin təsnifatı və ticarət simvolu);
31.5.2. Marketmeykerin adı;
31.5.3. Marketmeykerin alış və satış öhdəliklərinin həcmi;
31.5.4. Kotirovka spredinin minimal və maksimal hədləri.
32. Marketmeykerin öhdəlikləri
32.1. Marketmeyker müqavilədə göstərilmiş qiymətli kağızlar və törəmə maliyyə alətləri üzrə
gündəlik alış və satış qiymətləri müəyyənləşdirir, bu qiymətləri gündəlik olaraq Birja
vasitəsilə elan edir. Qiymətlər bu Qaydalarla müəyyən edilmiş kotirovka spredi çərçivəsində
olmalıdır;
32.2. Marketmeyker gündəlik olaraq marketmeyker müqaviləsində göstərilmiş qiymətli
kağızlar və törəmə maliyyə alətləri üzrə, bu Qaydaların və marketmeyker müqaviləsinin
şərtlərinə uyğun olaraq Birjanın ticarət sistemində fasiləsiz ticarət fazası ərzində öz adından,
öz hesabına alış və satış kotirovkalarını təqdim edir.
Dostları ilə paylaş: |