Aşağıdakı şərtləri təmin edən reagentlər ən yaxşı fotometrik reagent hesab edilir.
mütləq qiyməti - yəni birləşmənin reagentin artığı ilə birlikdə optik sıxlığı ilə reagentin optik sıxlığının ən
Kompleksin və reagentin rəngli formalarının əmələ gəldiyi pH fərqinin ən böyük qiyməti
Fotometrik analizdə istifadə olunan reaktivlərin əksəriyyəti kompleks əmələ gətirir. Bu reagentlər
müəyyən qrup metal ionu ilə kompleks birləşmələr əmələ gətirirlər. Əgər fotometrik analizdə istifadə
olunan reagent yalnız müəyyən qrup metal ionu ilə rəngli birləşmələr əmələ gətirirsə, bu reagent
seçici
olur. Seçici reagentlərin köməyi ilə müəyyən metal ionlarını başqa metal ionlarının iştirakı ilə təyin etmək
Səh.
18
Reagentin seçiciliyi kompleksəmələgəlmədə və bu kompleksin xassəsində özünü büruzə verir.
Kompleksəmələgəlməyə görə seçicilik
əmələ gələn birləşmənin davamlılığından;
kompleksin xassəsinə
görə seçicilik
isə, birləşmənin elektron quruluşundan, simmetriyadan və s. asılıdır. Kompleksin davamlı-
lığı atomun və reagentin fiziki-kimyəvi xassəsindən, əsasən, onların elektron quruluşu və simmetriya-
sından asılıdır. Mərkəzi atomun yükündən, ion radiusundan, elektron qu-ruluşundan və polyarizə olunma-
sından asılı olaraq, müxtəlif reagentlərlə müxtəlif davamlılıqda olan birləşmə əmələ gətirir. Lakin oxşar
elektron quruluşlu metal ionlarının eyni bir reaktivlə əmələ gətirdiyi birləşmələrin davamlılığı yaxın olur.
Bu cür reaktivlərin seçiciliyini artırmaq üçün həmin reaktivlərin tərkibinə müxtəlif qruplar daxil etmək
lazım gəlir. Analitik reagentin seçiciliyi üçün reagentə daxil edilmiş qrupun sterik təsirinin böyük əhə-
miyyəti vardır. Steriki təsir xüsusən daxili kompleks birləşmələrdə özünü daha qabarıq göstərir.
Fotometrik analizdə istifadə edilən reagentlərin seçiciliyini artırmaq üçün, təyinata mane olan ionları
pərdələmək lazımdır. Məsələn, hər hansı bir ionun təyinində Zn(II) mane olursa, oraya bir qədər CN
-
ionu
əlavə etməklə, sinki daha davamlı siamid kompleksinə keçirmək olar ki, bununla da sinkin maneçiliyi
aradan qalxmış olar.
Rəngli birləşmənin əmələ gəlməsi üçün reaktivin lazımi miqdarını həm nəzəri olaraq hesab-lamaq,
həm də təcrübi yolla tapmaq olar. Təcrübələr reaksiya məhsulunun maksimal əmələ gəl-məsinə qədər da-
vam etdirilir və optik sıxlığı ölçülür. Optik sıxlığın reaktivin qatılığından asılılıq qrafiki qurulur. Reaktiv
əlavə edildikcə, o verilən metal ionu ilə kompleks birləşmə əmələ gətir-diyindən optik sıxlıq artır. Əgər
əmələ gəlmiş birləşmə davamlıdırsa, əyri birdən-birə sınır ki, bu da reaktivin minimum miqdarını göstə-
rir. Əgər əmələ gələn birləşmə az davamlıdırsa və ya kompleks əmələgəlmə prosesi daha mürəkkəbdirsə,
sınma tədricən baş verir. Belə halda reaktivin lazımi miqdarını tapmaq mümkün olmur. Onda reaktivin
lazım olan miqdarı o miqdar hesab edilir ki, həmin əlavə olunmuş miqdarda optik sıxlığın artması praktiki
olaraq dayanmış olsun. Bəzi halda optik sıxlığın reaktivin qatılığından asılılıq əyrisini çıxarmaq mümkün
olmur. Bu o hallarda müşahidə olunur ki, reaktivin miqdarı az olduqda, təyin olunan ion çöküntü əmələ
gətirsin. Belə hallarda reaktivin miqdarını sabit saxlayıb təyin olunan ionun qatılığını dəyişirlər.
Miqdari analizin bəzi metodlarında (məsələn, qravimetrik) olduğu kimi fotometrik metodda da
təyinat zamanı rəngli birləşmə əmələ gətirən reagenti müəyyən qədər artıq götürmək lazım gəlir. Reagent
miqdarının artıq götürülməsi bir tərəfdən əmələ gəlmiş birləşmənin dissosasiyasını azaldır, digər tərəfdən
məhlulda gedə biləcək digər reaksiyaların qarşısını alaraq, tarazlığı foto-metrlənən birləşmənin alınması
istiqamətinə yönəldir. Ümumiyyətlə rəngli birləşmənin əmələ gəlməsi və onun rənginin intensivliyi reak-
tivin əlavə edilən miqdarı və bəzən də əlavə edilmə ardıcıllığından da asılı olur. Əksər hallarda rəngli bir-
ləşmə əmələ gətirən reagenti əlavə etdikcə, fotometrlənən birləşmənin miqdarı artdığından rəngin inten-
sivliyi artır. Bu müəyyən qatılığa qədər davam edir, sonra isə rəng sabit qalıb, reagentin artığının təsirin-
dən dəyişilmir. Bəzi halda əlavə edilən reagentin artığı rəngin intensivliyini azaldır.
Ümumi halda, əlavə edilən reaktivin miqdarı əmələ gələn rəngli birləşmənin davamlılığından asılıdır.
Davamlı birləşmələrdə (K=1∙10
-15
-1∙10
-17
) təyin olunan ionu rəngli birləşməyə keçirmək üçün əlavə edi-
lən reagent stexiometrik miqdardan 30-50 % artıq götürülür. Rəngli birləşmənin davamlılığı az olduqda,
reagenti stexiometrik miqdardan 10 və daha artıq dəfə çox götürmək lazım gəlir. Fotometrik analizdə is-
tifadə edilən reagentlər, əksər hallarda, özləri də rəngli olurlar və kompleksin işıq udduğu dalğa uzun-
luqlarında onlar da müəyyən miqdar işıq udurlar. Buna görə də fotometrik analizdə reagentin miqdarını
istənilən qədər də çox götürmək əlverişli olmur. Bəzi hallarda, reagentin miqdarının dəyişməsi foto-
metrlənən birləşmənin tərkibini də dəyişir.
Dostları ilə paylaş: