Şəmil
Sadiq
53
sanki çiçək açdı. Elə sevindi ki!.. Münsiflərin də məhz bu
vəziyyət xoşuna gəlmişdi. Səmimiliyə qiymət vermişdilər.
Amma uşaqlar heç nə başa düşməmişdilər. Üzlərindəki
“Ay müəllim!” ifadəsini hələ də unuda bilmirəm.
Həmin “A” sinfi idi ki, onlarla birgə Bakı şəhəri üzrə
keçirilən “Karl Popper” debatının qalibi olduq.
Həmin “A” sinfinin şagirdləri idi ki, ilk oxucularım on-
lar olmuş, ilk avtoqrafı onlara vermişdim.
Həmin “A” sinfi idi ki, onlarla dağlara, meşələrə, pik-
niklərə getdik, hətta qurşaq tutub güləşdik də...
Həmin “A” sinfi idi ki, yeni nə öyrənirdim onlara da
öyrədirdim.
Həmin “A” sinfi idi ki, ilk parodiyamı onlar etmiş, Tu-
ralın da yazdığı kimi açarı necə oynatdığımı onların yam-
sılamasında görmüşdüm.
Sevindirici haldır ki, bu gün o uşaqlar hərəsi bir iş sa-
hibidir.
Turalın, Turanənin hər şeylə razılaşmayan narazı, Ta-
lenin müdrik, Arzunun məsum, Orxan və Elfaqın dəcəl və
cığal, Qulunun mütəvazi, Səbinənin nəmli gözlərini (Sə-
binə Kərimova 5-dən başqa bütün qiymətlərə ağlayırdı)
heç vaxt unuda bilmirəm. Çünki o sinfin şagirdlərinə haq-
larını tələb etməyi, mübariz olmağı öyrətmişdim. Düzgün
olmayan hər şeyə etiraz edirdilər.
Hamısına şeir də, hekayə də yazdırmışam, əsər də
oxutdurmuşam.
Azərbaycan Respublikası Uşaq Parlamentinin ilk spi-
kerini həmin sinifdən çıxarmışdıq: Tale Əliyev!
Hətta ilk dəfə şagirdi də o sinifdə vurmuşdum. Kam-
ranın uşaqlarla zarafatlaşması zamanı bilmədən ağzından
çıxardığı söyüşü eşitməyim ona baha başa gəlmişdi. Bü-
tün məktəb deyirdi ki, valideynlər səndən şikayət edəcək,
amma elə olmadı. Hətta valideynləri hadisəni olduğu kimi
uşağın özündən eşidəndən sonra mənə təşəkkür də etdilər.
İlk dəfə həmin sinifdə rəhmətlik Abdulla Mehrabo-
vun nəvələrinə “2” yazan mən olmuşam və bu “2”-yə görə
direktorun narahat olduğu bir vaxtda rəhmətliyin özün-
dən təşəkkür eşitmişəm.
Hələ ilk rüşvət təklifini də bu sinifdə almış və bu haq-
Şəmil
Sadiq
54
da felyeton da yazmışam.
Onlar mənim müəllim olmağım üçün ən yaxşı müəl-
lim oldular.
İndi isə onlar müəllimlərini unutmur, onun haqqında
unudulmaz xoş xatirələr yazırlar. Bu qüruru yalnız onu ya-
şayanlar bilər.
Onların hər biri bu dövlət və xalq üçün dəyərli gənc-
lərdir. Əminəm ki, nə vaxtsa dünyanın harasında olur-ol-
sun, onlar Azərbaycan dövlətini, türk millətini sevəcək və
bəşəriyyətə xeyirli töhfələr verəcəklər.
Adlarını çəkə bilmədiyim bütün XI a (son sinif olduq-
ları üçün həmişə yadımda belə qalıb) sinfinin şagirdləri-
ni sevgi ilə xatırlayıram. Və ümid edirəm ki, Turanəsiz də
olsa, yenə bir yerə toplaşıb, onun məzarını ziyarətə gedə-
cəyik bu il də...
Düşünürəm ki, Arif Əmrahoğlu, Tofiq Hacıyev, Məm-
mədəli Qıpçaq kimi müəllimlərin bizə verdikləri bu dəyər-
lər idi ki, indi mən də bunula qürur duyuram.
Müəllimlərimə və şagirdlərimə sayğılarla... Mən.
2016-cı il
Şəmil
Sadiq
55
MÜƏLLİM GƏLİR, KƏNARA ÇƏKİLİN!
Bu gün müəllimlər günüdür! İlk dəfə idi ki, bir neçə
dostumdan təbrik üçün telefon zəngi gəldi. Sosial şə-
bəkələrdə isə müəllim həmkarlarla həmişəki kimi ənənəvi
təbriklərlə bir-birimizi təbrik etdik.
Bu əlamətdar gün münasibətilə TV-lərdən birinə
dəvət etdilər. Ağlıma gəldi ki, bəlkə deyəcəklərimi yazıb
bir köşəyə çevirim. Bu barədə ürəyim çox doludur. Elə
buna görə də bir neçə gün bundan öncə bir hekayə də yaz-
mışam.
Təbirimcə “müəllim” sözü üç mənanı ifadə edir:
1. Hər hansı bir fənni tədris edib, elmi, peşəni başqala-
rına öyrədən şəxsi ifadə edən söz;
2. Boynunda qalstuk olanlara, gözümüzə intelligent
kimi görünənlərə, ofislərdə, kabinetlərdə, məktəblərdə,
xəstəxanalarda, küçədə, bazarda qarşılaşdığımız, amma
adını bilmədiklərimizə edilən müraciət forması olan söz;
3. Şef, müdir, patron kimi ifadələrin sinoniminə de-
yilən söz. Tez-tez eşitdiyimiz forması belə olur: “Yol verin,
müəllim gəlir. Müəllim özü belə dedi. Özünüz zəng edin
müəllimə, mən müəllimə deyə bilmərəm” və s.
Bir yazı bir sözün üzərində qurulanda adətim üzrə
hökmən lüğətə baxaram. Baxdım ki, dəqiqləşdirim və ya-
zımı bu izahla başlayım. Gördüm ki, mənim tapıntı kimi
başa düşdüyüm “müəllim” sözünün bu üç variantı dolayı-
sı ilə lüğətdə də öz əksini tapıb.
“Müəllim” sözü ərəbcədən götürülüb, mənası belədir:
1. Məktəbdə hər hansı bir fənni tədris edən adam.
Azərbaycan dili müəllimi. Tarix müəllimi. Müəllimlər ota-
ğı – məktəbdə müəllimlər üçün ayrılmış otaq.
2. Hörmət üçün adlara qoşularaq deyilir.
3. Hər hansı sahədə nüfuz sahibi olan, başqalarına tə-
sir edən, nümunə ola bilən adam: ustad, Nizami Füzulinin
müəllimidir.
Məncə, Azərbaycan yeganə ölkədir ki, müraciət for-
ması dəqiq olmayanda, hamıya müəllim deyə müraciət
edilir.
Ən qədim peşələrdən olan bu ad indi də hər kəs
Şəmil
Sadiq
56
tərəfindən hörmətlə anılır, amma boğazdan yuxarı. Çün-
ki müəllimin cəmiyyətimizdəki rolu, nüfuzu bu peşənin
sənət sahiblərinə münasibətin səmimi olmadığını göstərir.
Digər peşə bayramları kimi “Müəllimlər günü” de-
yilən bir gün var. Əvvəllər oktyabrın ilk həftəsi qeyd edilsə
də, oktyabrın 5-i qəbul edilib. Aktual olduğu üçün hamınız
bu əlamətdar günün yaratdığı assosiasiyanı yaxşı bilirsi-
niz.
Bir neçə il bundan öncə, oktyabrın 4-də “facebook” sə-
hifəmdə yazdığım statusu da bura əlavə edirəm.
“Sabah müəllimlər günüdür. Əgər özüm də müəllim
olmasaydım, müəllimlərə yazığım gələrdi. Bütün dünya-
da olduğu kimi, Azərbaycanda da bütün peşə sahiblərinin
bayramı qeyd edilir. Amma yeganə peşə bayramıdır ki, adı
çəkiləndə hamı ağız əyir. Heç kim bu bayramın qeyd olun-
masını istəmir. Heç müəllimlər də...
Valideynlər ona görə sevinmir ki, kiməsə nəsə almaq
və ya vermək məcburiyyətindədir. Müəllimlər də ona
görə sevinmir ki, dedi-qodu, söz-söhbət, boğazdan yuxarı
deyilən təbriklər, “dedim, pul verək, özünüz nə alırsınız
alın” kimi ifadələr və s. Kaş ki nə müəllimlər olaydı, nə də
müəllim günü. Nə də ki ömürlərini vətəndaş yetişdirməyə
həsr edən, gecəsini gündüzə qatıb, həyatını təbaşir kimi
toza çevirən müəllimlərə “candərdi” verilən hədiyyələr.
Ehtiyac içində çırpınan müəllimə verilən minnətli rüşvət
də olmayaydı, hansı ki, bu həmin 20 manatdır: “kasıblar
palaza bürün, el ilə sürün” prinsipinə görə boğazından kə-
sib, əli əsə-əsə, harınlamış varlıların isə etinasız, hörmətsiz,
saymazyana verdiyi rüşvət...
Sanki “Müəllimlər günü” o deməkdir ki, valideynlər
müəllimlərin zəhmətini bu bir gündə qaytarmalıdır. Bu bir
müsəlmanın Həccə getməsi, şeytanı daşlaması kimi vacib
bir adətə çevrilib.
Ölkədə ən çox peşə sahibləri olan müəllimlərə hörmət
bəslənilmir, dəyər verilmir. Bütün təbəqələrdən də aşağı-
da tutulan müəllimləri yalnız ibtidai sinif şagirdləri sevir.
Çünki onlar hələ gözlərini Müəllimlər gününə, 8 Mart bay-
ramına, rüb qiymətlərinə, uşaqların dərsdən sonra əlavəyə
gəlmələrinə, sirkə bilet satıb ondan beş-üç qəpik qazanma-
Dostları ilə paylaş: |