183
Savaş günü atları yəhərləyib
Qibləsinə vardığımız
Məmləkətdir, məmləkət.
Durna telli igidləri
dəliqanlı, havalı.
Gəlinləri, qızları
bənövşətək həyalı
Məmləkətdir, məmləkət.
Qarşı yatan sıra dağlar
ulusumun cənnəti.
Könüllərin yarasında
ayrılığın həsrəti.
Bu misraları baxışları atlı türkün nəzərləri kimi səhra ilə
üfüq arasındakı əbədiyyətə zillənən türkçü, Şuşa-Qarabağ
həsrətini milli faciə kimi yaşayan Azərbaycan şairi yaza
bilər. Misal verdiyim misralar Elçin İsgəndərzadənin “525-ci
qəzet”də çap olunmuş “Şahmar şikəstəsi” poemasını yadıma
saldı. Q.Mehdi doğru olaraq onu “Muğam-rekviyem”
adlandırır. Şair yazır:
Bu nə bəxtdi, düşüb bir nəhs ələ ki,
Taleyimiz ömrümüzə tələ ki,
Baş qarışıb, məshəb itib hələ ki
Qarabağa bizsiz gəlir bu yaz da...
Belə bir ovqatla da Elçin İsgəndərzadə ən sanballı şeir
kitablarından birini “Bir ümid Xarıbülbül” (2008) adlandırıb.
Kitaba yığcam, fəqət məzmunlu ön söz yazmış görkəmli
alim Nizami Cəfərov deyir: “Elçinin şeiri adamın ürəyini,
hissini, əzmir, sıxmır, emosiyanı təlatümə gətirmir, ürəyə,
184
hissə olduqca sakit, rəvan, harmonik bir axınla dolur...
Qarabağ şikəstəsi kimi!.. Elçin hisslərin filosofudur”. Mən
hesab edirəm ki, Elçin İsgəndərzadənin “İkiliklər”i ən yaxşı
fəlsəfi-intellektual şeir beytləridir:
Mənim könlüm sənsiz qaldı,
Uçan durnam qatar saldı.
İçərişəhərdə sərsəri külək
Veyillənir sərxoş rəssam tək.
Divarda akvarellə çəkilmiş rəsm
Rəsmdəki dağlardan gəlir səsim.
Dünyanın məşhur təlimlərindən olan vəhdəti-vücuda
görə qum dənəsi dünyanın modelidir. “Zərrə mənəm, günəş
mənəm. // Cahr ilə pəncü-şeş mənəm”- deyirdi böyük hürufi
şair Nəsimi.
Beləliklə, dənizin suyunun şor olduğunu bilmək üçün
dənizi bütöv içmək lazım deyil, bircə damla kifayətdir. Eləcə
də görkəmli alim, texnika elmləri doktoru, professor Elçin
İsgəndərzadənin səmimi bir türkçü, türk dünyasının
sevimlisi, türk ruhunun poetik tərcümanı, istedadlı şair
olmasını bir daha təsdiq və təqdim etmək üçün onun zəngin
və çoxcəhətli yaradıcılığını başdan ayağa şərh etmək lazım
deyil. Bu gələcək tədqiqatçıların işidir.
Elçin İsgəndərzadə 50 yaşın aşırımına zəngin bir elmi-
nəzəri, bədii-fəlsəfi, mənəvi-əxlaqi arsenalla gəlib, özü ilə
böyük nüfuz və bütöv şəxsiyyət gətirib.
10 avqust 2014
185
VAQİF NƏSİB
şair
QUZEYDƏN GÜNEYƏ GÖYQURŞAĞI SƏYAHƏT
Həmin yolçuluq şair dostlarımdan birinin şeirlərini
oxuduqdan sonra baş tutmuşdu. Quzeyimdən güneyimə
səyahətim damlaları güllərin, otların rənginə boyanmış
yağışlarla müşayiət olunmuşdu.
İydə yarpaqlarından süzülən,
İnci kimi saçlara düzülən.
Yağmur damlaları,-
sanki varlığımın ehtiyacından doğulmuşdu. Ona görə də
ətrafımdakı ağacları başıma çətir kimi tutub, heç ondan
daldalanmaq da istəməmişdim. Yalın ayaqlarımı torpaqdan
çəkməyib belə bir yağışlı gündə özüm ağac kimi bitməyə
çalışmışdım. Havanın qaraldığından da darılmamışdım. Üst-
başıma istəmişdim ki, nəhəng işıq böcəkləri də yağa:
Qoy ulduzlar tökülsün,
Gecənin ətəyindən...
Əsl sənət əsərləri istedad sahiblərinin ömür-gün
yağmurlarından yaranır. İçinə ömürlərin poetik anları
sığışdırılmış həmin damlalara düşmək, onlarla görüşmək
186
həmişə xoş olur. Eyni yolun yolçuları belə yağışlarda
əllərini,
ürəklərini
qızdıra
bilir.
Həmin
damlalar
buxarlandıqda belə xatirələrin yaz dumanına çevrilib onlara
ömürlərinin–günlərinin acılı-şirinli anlarını yada sala bilir.
Onların möcüzəsi ilə ötən günlər və itən dostlar qara durnalar
kimi səf çəkib qayıdır.
Dağların quzey və güney tərəfləri olurmuş...
Adamların uğurlu və bəduğur ulduzlar altda doğulanları
olduqları kimi.
Birincilər dağların günaşağısına düşüb, işıqlı arzularına
çatır, o birilər çiskinində, dumanında itib batırmış.
Quzeydəkilər dumandan, yağışdan təngə gələndə daşlı-
kəsəkli cığırlarla üzlərini güneyə tutur. Varlıqlarını
şəfəqlərdən islaq paltar kimi asıb qurutmağa çalışırdı.
Güneydəkilərin gözləri günəş şüalarından qamaşanda,
varlıqları dəmyə torpaqları kimi cadarlaşanda özlərini quzeyə
vermək istəyir, dumana cuna kimi bürünməyə, leysanları
paltar kimi geyinməyə çalışırdı.
Şeirləri ilə tanışlığıma qədər həmin qələm yoldaşımı
güney səmtinin adamı sayır, həyatın çiskininə yağışına
düşmədiyini
hesab
edirdim.
Doğrudan
da
yaradıcı
şəxsiyyətləri üz-gözlərindən çox vaxt olduqları kimi görmək
müşkülləşir. Onları əsərlərinin prizmasından necə var elə
müşahidə eləmək mümkün olur. Cildini şeir dünyasının
alaqapıları kimi açıb poetik aləminə qədəm basmağa
başladığım şair dostum həmin gerçəkliyə məni bir daha
inandırdı. Ordan tamamilə başqa bir adam boylanırdı. Həm
də bütün çalarları, nişanələri ilə, əsrlər boyu xələfləri üçün
sənət örnəyinə çevrilmiş ustadlarımızın, onlara bənzər bir
övladı
görünürdü.
Misralarla
çəkilmiş,
naxışlanmış,
cilalanmış həmin portretdə Nəsimi həqqi, Füzuli yanğısı,
Dostları ilə paylaş: |