37
2-BOB. MATERIAL VA METODIKA
2.1. Kuzatuv obe’ktlari
Kuzatuvlar Qashqadaryo viloyati Koson tumanida joylashgan Koson sanoat kasb-hunar
kollejida faoliyat olib borayotgan 60 nafar (36 ta erkak va 24 ta ayol) turli yoshdagi о‘qituvchilar
ustida qishgi mavsumda (12-19 dekabr, 2011 yil) olib borildi. Tadqiqot obe’kti sifatida olingan
barcha aqliy mehnat qiluvchilar bir xil iqlim sharoitida doimiy yashaydigan erkak va ayollar
bо‘lib, ular yoshiga qarab uchta kichik guruhga ajratildi:
1.18-29 yoshlilar.
2.30-39 yoshlilar.
3.40-59 yoshlilar.
Bunday ajratish ularning kunlik iste’mol taomlari tarkibidagi mikronutriyentlarning, ya’ni
vitamin va mineral moddalarning tegishli fiziologik meyorlarga [27;43] nisbatan taqqoslab
о‘rganishda muhim ahamiyat kasb etadi.
2011 yilning qish mavsumida kollej о‘qituvchilarining (aqliy mehnat qiluvchilarning
amaldagi ovqatlanishi о‘rganildi va ularning ayrim mikronutriyentlar bilan fiziologik
ta’minlanishi meyor darajasida, ayrimlari esa belgilangan talab meyoridan ancha kamligi qayd
qilindi (natijalar keyingi bobda keltiriladi).
Shu munosabat bilan aqliy mehnat qiluvchilarning (kollej о‘qituvchilarining) kunlik
iste’mol taomlari tarkibidagi mikronutriyentlar miqdorini fiziologik meyorlar darajasiga keltirish
yoki ularning ovqatlanishini ratsionallashtirish maqsadida tо‘g‘ri ovqatlanish bо‘yicha ayrim
amaliy tadbirlar, ya’ni targ‘ibot-tashviqot ishlari olib borildi.
Tо‘plangan materiallar Qarshi Davlat Universiteti Fiziologiya kafedrasining ilmiy- о‘quv
labaratoriyasida tahlil qilindi.