Oziq-ovqat sifatida ishlatiladigan о‘simlik mahsulotlarida uchraydigan ma’danli moddalar
miqdori
Mahsulotlar
Ma’danli moddalar (100 g-da mg hisobida).
Natriy
Kaliy
Kalsiy
Magniy
Fosfor
Temir
Bug‘doy non
12
178
24
44
115
2,1
Grechka
--
167
70
98
298
8,0
Guruch
26
54
24
27
97
1,8
Loviya
40
1100
150
103
541
12,4
Nо‘xat
69
873
115
107
329
9,4
Kartoshka
2,8
568
10
23
58
0,9
Karam
13
185
48
15
31
1,0
Sabzi
21
200
51
38
55
1,2
Pomidor
40
290
41
20
26
1,4
Bodring
8
141
23
14
42
1,4
Lavlagi
86
228
37
43
43
1,4
Bosh piyoz
50
225
87
10
58
1,0
Osh qovoq
14
170
40
14
25
0,8
Sholg‘om
17
357
35
22
26
1,2
Shovul
15
500
47
85
90
2,0
Shivit
43
335
223
70
93
1,6
Tarvuz
16
64
14
224
7
1,0
Qovun
32
118
16
13
12
1,0
Nok
14
155
19
12
16
2,3
Zardoli
30
305
28
19
26
2,1
Gilos
20
256
37
26
30
1,4
Uzum
26
255
45
17
22
0,6
Qizil qalampir
19
163
8
11
16
--
26
1.2.2. Mikroelementlar
Mineral moddalarning muhim guruhlaridan biri mikroelementlar bо‘lib, ular о‘ziga xos
xususiyatlari, funksiyalari bilan ajralib turadi. Mikroelementlar barcha hayotiy jarayonlarni
boshqarib boruvchi biologik faol moddalarning bevosita tarkibiga kiradi. Shuning uchun ham
ularning taqchilligi yoki meyoridan kо‘pligi fermentlar yoki gormonlar ishtirokisiz о‘tmaydigan
haqiqiy kimyoviy о‘zgarishlarning buzilishiga olib keladi. Bu holat esa meyoriy fiziologik
jarayonlarning (ovqat hazm bо‘lishi, moddalar almashinuvi, ajralish, tashqi moddalar sintezi va
boshqalar) izdan chiqishiga, turli-tuman kasalliklarning paydo bо‘lishiga olib keladi. Ma’danli
moddalarning ushbu xususiyati (о‘ziga xosligi yoki spetsifikligi) ularning ta’sir doirasini ancha
kengaytirib va u yoki bu elementning tanada kamligi yoki kо‘pligi bitta xarakterli kasallikni
emas, balki bir qator xastaliklarni chaqiradi. Tanada uchraydigan kimyoviy elementlarning yana
bir xususiyati shundaki, ular tufayli tirik organizm, uning barcha a’zolari tegishli bioyelektrik
faollikka, ya’ni biopotensiallarga (biotoklarga) ega bо‘ladi. Masalan, miya va nerv hujayralari,
yurak, oshqozon-ichak tizimi va muskullar biotoklari tegishli elementlarning kationlari va
anionlarining guruhlanishidan paydo bо‘lib, bu bilan ulardagi hamda bir butun organizmdagi
qо‘zg‘aluvchanlik, о‘tkazuvchanlik ta’minlab turiladi [2; 23].
Ma’danli moddalarning bir qanchasi tana massasining juda kam qismini tashkil kiladi, ular
mikroelementlar deyiladi. Shunday bо‘lsa-da, ular hayotiy jarayonlarning kechishida albatta
ishtirok etishi lozim. Shu bilan bir qatorda tananing har bir a’zosi, hujayra va tо‘qimalarida
biogen elementlar aniq bir nisbatda bо‘ladi.
Mikroelementlar turli metabolitik jarayonlarda faol ishtirok etadi. Bir mikroelementning
kо‘p bо‘lishi, boshqasining kamayishiga olib kelishi mumkin. Ularning yetishmasligi
organizmning rivojiga salbiy ta’sir kо‘rsatadi.
Mikroelementlarning о‘zini ham 3 guruhga bо‘lish mumkin:
1. Essensial mikroelementlar. Ular juda zarur mikroelementlar bо‘lib, ularga temir mis,
rux, marganets, kobalt, molibden, xrom, nikel, qо‘rg‘oshin, vanadiy, yod, ftor, selen, kremniy va
boshqalar kiradi. Ularning yetishmasligi vitaminlar yetishmasligiga tengdir. Ularni faqat
organizmda о‘rnini tо‘ldirib borish yо‘li bilan yetishmovchilik sindromining oldini olish mukin.
2. Zaharli mikroelementlar. Ular organizmga zaharli reaksiyalarni hosil qilishi mumkin.
3. Neytral mikroelementlar. Organizmga zaharli ta’sir kо‘rsatishi mumkin, ularga bor, litiy,
alyuminiy, kumush, rubidiy, bariy kabilar kiritiladi.
Mikroelementlar organizmga asosan suv va о‘simlik ovqati bilan birga kiradi. Odamda
mikroelementlar yetishmovchiligi birmuncha kam uchraydi. Temir yetishmovchiligi bilan yod
yetishmovchiligi bundan mustasno, temir yetishmovchiligi temirga yolchimaslik natijasida
27
yuzaga keladigan anemiya shaklida namoyon bulsa, yod yetishmovchiligi tuprog‘i bilan suvida
shu element kam bо‘ladigan joylarda uchraydi va buqoq kasalligini keltirib chikaradi [49].
Tanadagi barcha hujayralar va ular orasidagi suyuqliklar о‘rtasida kimyoviy elementlar
miqdori va nisbati dastavval iste’mol qilinadigan ovqatda bu moddalarning mavjudligiga,
ularning oshqozon-ichak tizimidan sо‘rilish xususiyatlariga va boshqa sabablarga bog‘liq
bо‘ladi. U yoki bu elementga taqchillik sezilganida, ularni tabiiy manbalar, ya’ni meva-chevalar,
sabzavot mahsulotlarini tanlab qabul qilishga kо‘proq e’tibor qilish kerak. Chunki, inson uchun
shu mahsulotlardagina kerakli kimyoviy moddalar ma’lum miqdorda va nisbatda bо‘lib, ularni
iste’mol qilish bilan tanamizdagi hujayra va tо‘qimalarni tegishli ravishda mikro- va
Makroelementlar bilan ta’minlash oson kechadi. О‘simlik mahsulotlarini «tirik» holda iste’mol
qilish orqali barcha kimyoviy elementlarni yetarli miqdorda qabul qilamiz [11; 37; 56].
Temir
odam tanasidagi barcha hayotiy jarayonlarning meyorida borishi uchun alohida
ahamiyat kasb etadi. Tanamizdagi temirning 57 % qondagi, aniqrog‘i, qizil qon tanachalaridagi
gemoglobin tarkibida, 7 % muskullarda mioglobin kо‘rinishida, 16 % tо‘qimalarda uchraydigan
metallofermentlar tarkibida, qolgan 20 % esa jigar, taloq, buyraklar va iliqda zahira holda turadi
[6; 8; 11]. Gemoglobin qizil qon tanachalarining (eritrotsitlarning) asosini tashkil qiladi. Bitta
eritrotsitda 250 millionta gemoglobin molekulasi bо‘lib, uning har qaysisida I tadan temir atomi
bо‘ladi. Ma’lumki, eritrotsitlar tirik hujayralar hisoblanib, iliklarda yangidan hosil bо‘ladi va 30-
90 kundan keyin asosan taloqda о‘z vazifasini о‘tab halok bо‘ladi va bir vaqtning о‘zida
tarkibidagi temirni ham yо‘qotadi. Shu bois yangi eritrotsitlarning shakllanishi va hosil bо‘lishi
uchun oziq- ovqat mahsulotlari bilan temir doimiy suratda qabul qilib turilishi shart [47;49] .
Temir peroksidaza, sitoxromoksidaza, suksinatdegidrogenaza, katalaza kabi bir nechta
oksidlovchi fermentlar tarkibiga kirib, oksidlanish jarayonlarida faol qatnashadi. U hujayra
sitoplazmasi va yadrosining bevosita tarkibiga kiradi [11; 37].
Insonning normal hayot faoliyati temir elementining о‘zidan tashqari, temir tutuvchi
organik birikmalar xam juda zarur. Ulardan eng muhimi nafas olish pigmenti – gemoglobindir.
Organizmda temir gemoglobindan tashqari muskullarda kislorod g‘amlovchi oqsil – mioglobinda
ham bо‘ladi. Shuningdek, temir tutuvchi fermentlar ham ma’lum. Va, nihoyat, oqsil kompleksi –
ferritin ma’lumdir. Undan organizm uchun zarur bulgan barcha temir tutuvchi moddalar hosil
bо‘ladi.
Og‘ir metallar hayvon va о‘simliklar tanasida juda kam miqdorda mikroyelement sifatida
uchraydi. Faqat temir bu ma’noda boshqa og‘ir metallardan farqlanadi. Uning katta yoshli odam
tanasidagi miqdori 4-5 grammga teng [51].
Temirning sutkalik qabul qilinish meyori erkaklarda о‘rtacha 10 mg.ni ayollarda esa 18
mg.ni tashkil qilib [43], iste’mol qilinadigan taomlarda temir kam bо‘lsa, odamda darhol bu
28
elementga nisbatan taqchillik paydo bо‘ladi. Bunday taqchillik teri rangining oqligi, ish qilganda
tez charchash, nafasga tо‘ymaslik kabi holatlar bilan xarakterlanadi. Bu belgilarning paydo
bо‘lishi qonda kislorod va karbonat angidridni tashuvchi gemoglabin moddasining kamayib
ketishidir, gemoglobin esa temir elementisiz hosil bо‘lmaydi. Butun Dunyo Sog‘liqni Saqlash
Tashkilotining e’lon qilgan ma’lumotlariga qaraganda, kamqonlilik (anemiya) yer yuzasidagi
aholining 20 % - da uchraydi. Shu kasallikning 80 % temir yetishmasligi tufayli bо‘lar ekan.
Turli-tuman sabablarga kо‘ra tanadan qon yо‘qotilishi organizmda temir moddasining kamayib
ketishiga olib keladi. Ayniqsa, ayollarda ushbu yо‘l bilan (hayz kо‘rish, bola tug‘ish va
boshqalar) temir taqchilligi tez-tez kuzatiladi. Shuning uchun ayollar ovqatlanishida ushbu
moddaning yetarli bо‘lishiga alohida ahamiyat berish zarur. Ularda temirga bо‘lgan sutkalik
talab, yuqorida qayd qilinganidek, erkaklarga qaraganda qariyb ikki baravar kо‘p (18 mg).
Homilador va sut emizadigan onalarda esa bu kо‘rsatkich 33-38 mg.gacha chiqadi
[47;49;50;51;54].
Shu narsa muhimki, temir yetishmasligi tufayli kamqonlik kasalligiga chalingan ayollardan
tug‘ilgan bola kasalliklarga tez chalinuvchan, injiq, rangi oqargan, asab tizimi ancha kuchsiz
bо‘ladi. Bunday bolaning tez-tez boshi og‘rib turadi, ichi dam bо‘ladi, sochlari tо‘kilib
siyraklashadi, og‘iz chetlarida teri yorilish hollari kuzatiladi.
Turli xil oziq-ovqat mahsulotlar bilan organizmga qabul qilinadigan temirning 10 %
о‘zlashtiriladi, ya’ni qonga sо‘riladi. Shu narsani qayd qilish kerakki, о‘simlik mahsulotlaridagi
temirga nisbatan hayvon gо‘shti va jigardan u ancha yaxshi о‘zlashtiriladi (о‘simliklardagi
temirning 1 % organizm tomonidan о‘zlashtirilsa, gо‘shtdan 10-25 % о‘zlashtiriladi). Ba’zi bir
oziq moddalar temirning о‘zlashtirilishiga salbiy ta’sir qiladi, bularga sut, tuxum va achchiq
choy kiradi. Choy kо‘p ichilsa, temirning о‘rtacha о‘zlashtirilishi 10-12 % dan 2% ga tushib
qoladi. Shuning uchun ham kam qon odamlarning achchiq choy ichmasligi tavsiya qilinadi [50].
Homiladorlik paytida temirga bо‘lgan talab ancha oshadi, lekin kо‘p hollarda bunday
ayollar, odatdagidek, ovqatlanaverishadi, shu bois 33-73 % homilador onalarda temir defitsitli
anemiya paydo bо‘ladi. Bunday anemiyaga uchragan ayollarda bola tashlash, ertachi bola
tug‘ilishi va hatto bolaning о‘lik tug‘ilishi holatlari kuzatiladi. Shuning uchun bu kо‘rsatgichni
oqilona ovqatlanishni tashkil qilishda hisobga olish lozim. Shunisi ham borki, har xil
mahsulotlardagi temir ichaklardan turli miqdorda sо‘riladi. Uning sо‘rilishini yaxshilash uchun
iste’mol qilinayotgan ovqatlarga vitamin S ga boy mahsulotlardan qо‘shish lozim, masalan,
tuxum sarig‘idan temirning maksimal darajada qonga о‘tishi uchun unga petrushka, shivit va
boshqa kо‘katlarni qо‘shib iste’mol qilish kerak. Shuningdek, itburun, apelsin, limon kabi meva
sharbatlari ham temir о‘zlashtirilishini ancha jadallashtiradi. Keksa odamlarda temirni
29
о‘zlashtirish ancha sekin kechadi. Shu bois ular ovqatida S vitaminga boy mahsulotlar
boshqalarnikiga qaraganda kо‘proq bо‘lishi kerak [49].
Temir moddasi mо‘l oziq - ovqatlarga mol gо‘shti, jigari, tuxum sarig‘i, kepagi
ajratilmasdan tayyorlangan non, bug‘doy kepagi, karam, qaroli, zardoli, mayiz, yong‘oq,
kungaboqar, oshqovoq urug‘i, bug‘doy maysasi, loviya, nо‘xat va boshqalar kiradi. Bug‘doy uni
kepagidan ajratilsa, unda temir miqdori sezilarli darajada kamayib ketadi, masalan, kepakli uning
1 kg.da 30 mg temir bо‘lsa u kepagidan ajratilganidan keyin bu kо‘rsatgich 8,2 mg.ga tushib
qoladi.
Tayyorlanadigan salatlarni temirga boyitishning eng oson yо‘li unga bug‘doy kepagidan
sepib iste’mol qilishdir. Temirga boy mahsulotlardan yana biri bu qand, novvotlar
tayyorlanadigan shinnilardir. Shuningdek, olma, nok, gilos, yertut, shaftoli va qarolida ham temir
mо‘l. Kundalik ovqatda va konservalar tayyorlashda kon tuzidan foydalanish oddiy osh tuziga
qaraganda organizmni temir bilan yetarli darajada ta’minlanishi borasida muhim ahamiyat kasb
etadi. Bir kilogramm kon tuzi tarkibida 450 mg temir bо‘ladi. Shuning uchun ovqat tayyorlashda
va iste’molda kon tuzini ishlatish maqsadga muvofiq hisoblanadi.
Temir yetishmasligi tufayli hosil bо‘ladigan kamqonlilik tufayli, о‘z navbatida, bir qator
xastaliklar yuz beradi. Bunga termoregulyasiyaning buzilishi, oshqozon shirasida kislotalilikning
pasayib ketishi asosiy oziq moddalarning hazm bо‘lishini olib boradigan amilolitik, lipolitik va
proteolitik fermentlar faolligining kuchsizlanishi, oshqozon va ichaklar shilliq qavatining
atrofiyalanishini olish mumkin. Ushbu holatlar iste’mol qilingan ovqatlar tarkibidagi
karbonsuvlar, oqsillar va yog‘ning hazm bо‘lishini yomonlashtiradi. Bu holat ishtahaning
pasayib ketishi ovqat yegandan keyin qayt qilish, bо‘r, loy kabi yot moddalarni iste’mol qilishga
moyillik paydo bо‘lishiga olib keladi. Natijada kamqonlilik tufayli kuchsizlanib qolgan organizm
ovqatni yaxshi hazm qila olmaslik tufayli yanada darmonsizlanadi. Bunday paytlari tanadagi
temir taqchilligini oqilona ovqatlanish va tegishli davolanish yо‘llari bilan bartaraf qilish
maqsadga muvofiqdir [47].
Respublikamizda temirga bо‘lgan ehtiyoj 15-30 mg ni tashkil etadi. Shuning uchun
homilador ayollarning temirga bо‘lgan ehtiyojini ovqat yeyish bilan qoplab bо‘lmaydi. Bu
xulosa chet el mutaxassislari bilan xamkorlikda chiqarilgan. AKShda berilgan normalarga
binoan homilador ayollarga qо‘shimcha 2-4-mg kecha-kunduz miqdorida temir moddasini berib
borish tо‘g‘ri hisoblanadi [23; 43; 46; 49; 54].
Mis
kishilar hayotida, ayniqsa bolalarning о‘sishida katta rol о‘ynaydi. Chunonchi, mis
organizmda qon hosil bо‘lishida, xususan, qizil qon tanachalari hamda gemoglobin hosil qilishda
ishtirok etadi. U organizmga kirgan anorganik temirni organik bog‘langan temirga aylantiradi,
uning kо‘mikka о‘tishiga va eritrotsitlarning yetilishiga yordam beradi. Mis, bundan tashqari,
30
oksidlovchi fermentlarning zarur tarkibiy qismi bо‘lib ham hisoblanadi va tо‘qimalarda
kechadigan gazlar almashinuvi jarayonida bevosita ishtirok etadi [25].
Mis temirdan keyin qon hosil bо‘lishida faol qatnashuvchi biomikroyelement hisoblanadi.
Oziq moddalar bilan organizmga kirgan temirning о‘zlashtirilishida, retikulotsitlarning
eritrotsitlargacha pishib yetilishida misning ahamiyati juda katta. Yana mis bir qator
fermentlarning faolligini oshirishda qatnashadi. Uning sutkalik meyori 2 mg [43]. Misga bо‘lgan
tanqislik ikki xil yо‘l bilan yuzaga kelishi mumkin, birinchidan iste’mol qilinadigan ovqat
tarkibida misning yetarli darajada bо‘lmasligi va ikkinchidan oshqozon-ichak tizilmasida uning
yomon sо‘rilishi uchun sharoit yuzaga kelishi. Mis yetishmaslik holati kо‘pincha yosh bolalarda
uchraydi, bu holat kamqonlikka va qon tarkibida eritrotsitlar hamda gemoglobinning kamayib
ketishiga olib keladi.
Mis oksidlanish-qaytarilish jarayonlarida, tо‘qimalarning ichki nafasida ishtirok etadi. Mis
mol va chо‘chqa jigari, baliq, tovuq tuxumi sarig‘ida bо‘ladi.
Mis eritrotsitlar tarkibida topilgan, organizmning tashqi muhit faktorlarining zararli
ta’siriga immunobiologik turg‘unligi va qarshilik kо‘rsatishsh qobiliyatining oshishiga sezilarli
ta’sir kо‘rsatadi. Mis almashinuvi temir almashinuvi bilan chambarchas bog‘langan. Mis
yetishmaganida temirning о‘zlashtirilishi ham pasayadi. Jigar mis deposidir; mis qonda
seruloplazmin oqsili bilan transport qilinadi.
Mis boshqa ayrim metallar kabi hayot uchun muhim Mikroelementlar qatoriga kiradi. U
fotosintez jarayonida va о‘simliklar tomonidan azotning о‘zlashtirilishida, qand, oqsillar,
kraxmal va vitaminlarning sintezida ishtirok etadi. Oz miqdorda mis barcha tirik organizm uchun
juda zarur.
Mis juda kam miqdorda barcha tо‘qimalarda uchraydi. Uning eng kо‘pi jigarda bо‘lib, 3-5
mg/% ga yetadi, qon plazmasida, boshqa tо‘qimalardagi kabi, 0,1mg% mis bor.О‘simliklarda
mis xlorofill, hayvonlarda esa gemoglobin sinteziga qatnashadi, degan fikr bor, ammo bu
jarayonlarda misning aniq roli ma’lum emas. Bir qator umurtqasiz hayvonlarda mis gemotsianin
nomli mis – oqsil kompleksi shaklida qon tarkibida uchraydi va umurtqalilarda kislorod tashish
funksiyasini bajaradi. Mis bir qator oksidlovchi fermentlar—polifenoloksidaza , tirozinaza,
askorbat kislota oksidazasi va laktozalar tarkibiga ham kiradi. Bu mis – protein komplekslaridan
tashqari, misning oqsil bilan hosil qilgan yana bir nechta birikmasi ma’lum. Bulardan qon
plazmasida uchraydigan seruloplazmin, gemokuprein va jigardagi gepatokuprein kо‘proq
о‘rganilgan bо‘lsa ham ularning fiziologik ahamiyati aniq emas [23].
Bir kecha kunduzda organizmda qabul qilinadigan mis miqdori 2 mg ga teng. Sut
emizuvchi hayvonlarning yangi tug‘ilgan bolalari jigarida kо‘p oylar davomida ularning
ehtiyojini qoplaydigan mis zahirasi bо‘lganidan organizm bu elementning ovqat (sut ) bilan
31
kiritilishiga unchalik muhtoj bо‘lmaydi. Ba’zi joylarda mis kam bо‘lishi va о‘simliklarda ham
uning miqdori kamayib, hayvonlarni yetarli ta’min eta olmasligi ma’lum. Mis yetishmasligi
natijasida hayvonlar orasida kamqonlik kasalligi, ishtaqa yо‘qolib, ovqat hazm bо‘lishi buzilishi
hollari uchraydi. Bunday kasalliklar О‘zbekistonning ba’zi tumanlarida qorakul qо‘ylari
boqiladigan yerlarda aniqlangan.
Hozirgi vaktda 25 ta misli fermentlar va oqsillar aniqlangan. Mis barcha Mikroelementlar
tarkibiga kiradi va organizmdagi turli jarayonlarda ishtirok etadi. Mahsulotlarda kо‘p bо‘lganligi
uchun insonda uning yetishmovchiligi kam uchraydi [54].
Unga bо‘lgan talab kattalarda bir kecha-kunduzda 30 mkg/kg, о‘smirlarda 40 mkg/kg,
bolalarda 80 mkg/kg bо‘ladi. Jigarda mis kо‘p bо‘ladi. Mis konlarida ishlaydiganlar radikulit
kasalligi bilan kam xastalangan, ularda qon bosimi ham sezilarli darajada kо‘tarilib ketmagan va
saraton kam uchragan.
Mis nerv tolalarini о‘rab turadigan va ularda о‘tkazuvchanlikni yaxshilaydigan miyelin
pо‘stining hosil bо‘lishida faol qatnashadi. Misga taqchillik ikki holatda, ya’ni uning iste’mol
taomlarida kam bо‘lishi va ovqat bilan yetarli miqdorda qabul qilingan elementning ichaklardan
yomon sо‘rilishi tufayli rо‘y beradi. Mis yetishmasligi tufayli soch oqaradi, buning oldini olish
uchun shu elementga boy mahsulotlar -- yong‘oq, tuxum sarig‘i, qatiq, qora non, jigardan
kо‘proq iste’mol qilish lozim. Yana u jenshen о‘simligining barglarida eng kо‘p bо‘ladi.
Misning oltingugurt bilan birikmasi ancha xavfli. Konserva, ovqat misli qozonlarda tayyorlansa,
ularning tarkibida C vitamini tamoman yо‘qolar ekan.
Ichki sekretsiya bezlari faoliyatida ham misning ishtiroki bor, bu borada birinchi о‘rinda
insulin bilan adrenalin orasidagi aloqadorlik turadi. Mis insulinsimon ta’sir kо‘rsatish
xususiyatiga ega [51].
Dostları ilə paylaş: |