ketadi. Yodga bо‘lgan taqchillikning oldini olish uchun osh tuzi kaliy yod bilan yoki natriy yod
bilan boyitiladi. Buning uchun aytilgan yod birikmasidan har 100 kg osh tuziga 1,0-1,5 g
qо‘shiladi. Yodning spirtdagi eritmasi yoki suvdagi aralashmasi dezinfeksiyalovchi,
zararsizlantiruvchi, kuydiruvchi modda sifatida tibbiyot amaliyotida keng qо‘llaniladi.
Ovqatlanishda kon tuzidan foydalanish kishining yodga bо‘lgan ehtiyojini qondirishda muhim
ahamiyat kasb etadi, chunki kon tuzi tarkibida boshqa Mikroelementlar bilan bir qatorda yod
Yod qalqonsimon bezning faoliyatiga bevosita ta’sir kо‘rsatadi. Bu bez qonda yodning
noorganik birikmasini yig‘ib undan organik birikmalar – tiroksin, diyodtirozin va triyodtirozin
kabi gormonlar ishlab chiqaradi. Bu gormonlar moddalar va eneriya almashinuvida ancha faol
bо‘lib, organizmdagi barcha hayotiy jarayonlarga qatnashadi. Yana shu narsa muhimki, oziq
moddalar uzoq vaqt saqlansa, ularning tarkibidagi yod juda kamayib ketadi, masalan kartoshka 4
Yodning odam tanasidagi fiziologik ahamiyati tiroksin sintezida ishtirok etishda yuzaga
chiqadi. Tiroksinning tarkibiy qismida yod bо‘lishi bejiz emas. Yod yetishmay qolganida
tiroksin kam ishlanib chiqadi. Natijada, gormon yetarlicha hosil bо‘lmay, bez tо‘qimasi
kattalashib ketadi. Organizmdagi yodning asosiy miqdori ham qalqonsimon bez tarkibidadir.
Katta yoshdagi odam tanasida о‘rta hisobda 25 mg yod bor deb hisoblansa, uning 1/3 qismi
qalqonsimon bezda bо‘ladi. Bu bez organizmda yod almashinuvining markazidir. U qondan juda
spetsifik ravishda yodni yutib, о‘zining gormoni - tiroksin sintezi uchun ishlatadi. Tiroksin
tarkibida 64% dan ortiq yod bor. Gormon periferik organlarda almashinganda erkin yod ajralib,
35
uni bez qaytadan yutadi. Qonda yodning miqdori 3 mkg dan 20 mkg gacha bо‘lib, uning ¾ qismi
tiroksin hisobiga tо‘g‘ri keladi [5; 29; 57].
Rux
odam organizmida karbonangidraza (yoki karbonat angidraza) fermenti tarkibiga
kiradi. Bu ferment organizmda karbonat kislotani karbonat angidrid gazi va suvga parchalaydi, u
organizm hayoti uchun zarur fermentlardan biridir [11; 38].
Ruxning kо‘p qismi eritrotsitlar tarkibida bо‘ladi. Shu tufayli ham tarkibida kam rux tutgan
ovqat maqsulotlarini surunkasiga iste’mol qilinganda, kamqonlik kasalligiga olib kelishi
mumkin. Rux bundan tashqari, yog‘lar almashinuvini normal izga solib turadi, oqsillar
almashinuvini yaxshilaydi, triptofan, lizin va metionin hamda aminokislotalar sintezini
kuchaytiradi. Rux bir qator fermentlar tarkibiga kiradi. Shu bilan bir qatorda rux ichki sekretsiya
bezlaridan gipofiz, oshkozon osti bezi va urug‘donlarning faoliyatida ham muhim о‘rin tutadi
[11; 26; 37; 51].
Agar davomli ravishda va kо‘p miqdorda shirinlik hamda tuzli mahsulotlar iste’mol qilinsa,
turli xil kasalliklarni davolashda kortizon kо‘p ishlatilsa va homilador bо‘lishning oldini olish
uchun maxsus dori-darmonlardan kо‘proq foydalanilsa, bu elementga nisbatan taqchillik yuzaga
kelar ekan. Ruxning tanada kamayib ketishi dastlab suyaklarning g‘alvirsimon bо‘lib qolishiga
olib keladi. Bu jarayonda, albatta, kalsiy, fosfor, magniy, ftor va kremniylarning ham taqchilligi
о‘rin tutadi. Bolalarda ruxning taqchilligi tufayli ularning bо‘yi о‘smay qoladi, jinsiy rivojlanish
juda sekin bо‘ladi, tana terisi quruqlashadi, ishtaha kuchsiz bо‘lib jigar va taloq ancha
kattalashgan bо‘ladi. Rux yetishmasligi tufayli sodir bо‘ladigan belgilardan biri bu ich ketishidir.
Bunday odamlarda harakat koordinatsiyasi buzilib, barmoqlar qaltiraydi, qо‘zg‘aluvchanlik
kuchayib ketadi.
Rux elementiga bо‘lgan sutkalik talab о‘rtacha 10-15 mg. Rux katta yoshdagi kishilar
organizmida 2-3 gram bо‘ladi [43]. U terida va suyakda, spermada va bezlarda kо‘proq uchraydi.
Katta yoshli kishilar bir kecha-kunduzda 10-22 mg, homilador ayollar 10-30 mg, emizikli
ayollar 13-54 mg rux elementini ovqat bilan iste’mol qilishi kerak [43;51].
Rux parranda gо‘shtida, pishloqda, dukkakli о‘simliklarda kо‘pdir. Rux bilan zaharlanish
shо‘r mahsulotlarni ruxlangan idishda saqlash va iste’mol qilish tufayli sodir bо‘lishi mumkin
[37;51].
Xulosa qilib aytganda, mikronutrientlar inson vujudi uchun zarur bo`lgan oziq moddalar
yig`indisi bo`lib, ular haqida ilmiy va amaliy ma`lumotlarga ega bo`lish aholi salomatligini
saqlashda muhim o`rin egallaydi. Tegishli tashkilotlar va muassasalar (ilmiy tekshirish
institutlari, oily o`quv yurtlarining mas`ul kafedralari, sanitariya-epidemiologiya nazorat
markazlarining tegishli labaratoriyalari va boshqalar) joylarda aholi turli guruhlarining
36
mikronutrientlarga bo`lgan ehtiyojini aniqlash va uning qondirilishini o`rganib, ilmiy tavsiyalar
berish hozirgi kunning dolzarb masalalaridan hisoblanadi.
Dostları ilə paylaş: